ღვინი
ღვინი — ალკოჰოლური ოშუმალი, წარმებული ჸურზენიშ წვენიშ ფერმენტაციათ, მარა რსებენს შხვა ხილიშ ღვინეფი, თინეფს შქას მარგულიშ, უჩა მუჸიაშ დო ხუნწიშ.
უჸურზენეთ კეთებულ ღვინეფშა ხილიშ ვარ-და ოფუტეშ ღვინი უჯოხონა. ოშუმალეფი მეღებული შხვა ფერმენტირებაფონი მოღეშე, მუჭომით რე თოფური, ვარ-და მეღებული დისტილირაფაშ მეთოდით, მუჭომით რე ბრენდი, ღვინიშ კატეგორიაშა ვემშმურს.
ეტიმოლოგია
ღვინიშ ეიოშანალ ზიტყვეფს დახე არძა ნინას ართი ჯინჯი უღუ. ქართველურ ნინეფს ღვინი გჷმირიგადუაფუ: ღვინო (ქორთ.), ღვინი (ზან./მარგ.), ღვინალ (შონ.).
შხვა ინდო-ევროპულ დო სემიტურ ნინეფს: ხეთური: wiyan(a), ლუვიური: wa/i-ya-na, ჯვ. ბერძენ.: Οíνος, ლათ: vinum, სომხ.: gini გერმ.: Wein, ინგლ. Wine, რუს. (სლავურ ნინეფშა): вино, უელს: gwîn, ფრანგ.: vin, ესპ.: vino, იტ.: vino, არაბ.: wainun, ური.: yayin, ასირ: înu. თოლოძირე რე, თე ზუტყვეფს აკმაართიანენა ართი ჯინჯი, ართ გოჭყაფა დო თი ქიანაშე ოკო რდას არძა შხვა ნინაშა მიშულირი დო გჷმორინაფილი, ნამუთ საეგებიოთ ოკო რდგას ღვინიშ ოდაბადე. მუჭოთ იდასურებუ მატერიალური მონძეობაშენ, ასეიანი საქორთუოშ ტერიტორიას ბინეხიშ კულტურას უჯვეშაში, ორდოშიანი ბრინჯაოშ ხანშე იჩინენდეს. თე უმკუჯინალო, ზიტყვა „ღვინოქ“, მენცარეფიშ უმენტაშობაშ არზით კინოხქორთულ ნინას პროტო-ინდო-ევრუპული ნინაშე — ართ-ართი თეორიაშ მეჯინათ — პროტო-სომეხური ნინაშ მეშქაშობათ მოხვადჷ. ზურაბ სარჯველაძეშით წჷმოჭყაფილჷ თეორია თე ზიტყვაშ წიმინდე ქართველურ ეტიმოლოგიაწკჷმა მერსხუაფაშ გეშა, ბჟადალიშ დო ქორთუ მენცარეფს კონწარო გაკრიტიკეს დო ივარეს თინა.
თაშნეშე ქოძირით
- ქოართული ღვინი
- საქორთუოშ მებინეხობა დო მეღვინობა
- ქორთული ბინეხიშ ჯიშეფი
ლიტერატურა
- გელაშვილი ნ. „მეღვინეობა“, თბ., 1961
- მოდებაძე კ. „მეღვინეობა“, თბ., 1948
- გოგოტაშვილი ი. „ღვინის ეტიმოლოგიისთვის“, პრ., 2004
- ჯავახიშვილი ივ. „ქართველი ერის ისტორია“, თბ., 1965
- Беридзе Г. «Технология и энохимическая характеристика вин Грузии», Тб., 1956
- Абашидзе И., Чиаурели В., Лоладзе Г. «Грузинское Вино», Тб., 1989
რესურსეფი ინტერნეტის
ვიქსიკონს ენწყუმილი რე ზიტყვა: ღვინი- GWF-ის (ქორთული ღვინიშ ფანია) საიტი Archived 2007-09-27 ვებ-ხასჷლას Wayback Machine.
- ქორთული მეღვინობაშ დო მებინეხობაშ ვებ-პორტალი Archived 2011-11-12 ვებ-ხასჷლას Wayback Machine.
- ირფელი ქორთული ღვინიშ გეშაბ
- მარანი - ბლოგი ღვინიშ დო გოგემუანაფაშ გეშა
- Le domaine Labille Archived 2008-12-02 ვებ-ხასჷლას Wayback Machine.
- საქორთუოშ ღვინიშ ბაზარიშ სიახალეეფი
- იუნესკო ქორთული ტრადიციული ლაგვანიშ ღვინიშ გეშა
სქოლიო
This article uses material from the Wikipedia მარგალური (Margaluri) article ღვინი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.