ოფუტე
ოფუტე — დოხორინიშ ართ-ართი უჯვეშაში დო ოირკოჩეთ გოფაჩილი ფორმა.
მახორუეფიშ მუდანობაშ მეჯინათ გჷშმაგორჷნა ჭიჭე (მუდგაზმარენი ფანია, ვარა კოჩი) დო დიდ (მუდგაზმარენი ვითოში) ოფუტეეფს. ოფუტეეფიშ ანგარია გოშხვანერაფილიე ქიანაშ ორთაშობური პიჯალეფიშ დო ოწარმუე გეზაშ გეშა, მარა თინეფიშ ოართე დჷმახასიათაფალი შანი რე ინდივიდუალური ოხორინალი ჸუდეეფით გოკიდუაშ დო ოფუტურ-ომეურნულ წარმებაშ უმოსო გოფაჩუა.
.jpg)
ისტორიულო დირსხუ ოფუტურ დოხორინიშ მუსხირენი ფორმაქ:
- გინძური ნაშენუა — მუჟამცჷთ ჸუდეეფი გორანწკილი რენა ართი შარაშ (შოშეშ) მანგას.
- ქართული ნაშემნუა — მუჟამცჷთ ჸუდეეფი გორანწკილი რენა ცენტრალური ოართე მოედანიშ მუკი-მუკი ქართაშობურო.
თე ჟირი ფორმა არქაულიე, თეჟამო ვანაფერო აფხვადუნა, თიშ გეშა ნამდა ოფუტეეფს მახორობაშ რდუალაქ თინეფიშ ტრანსფორმაცია გიშეჭანუნ.
ოფუტეეფი საქორთუოს
საქორთუოს ოფუტე ადმინისტრაციულ-ტერიტორიული დორთუალაშ ჯინჯიერი ართური რე. ოფუტეს აბანობური მუშითდუდალაშ ორგანო რე ოფუტეშ ოკათუეში. მორჩლი ზჷმაშ ოფუტეეფი გოართოიანაფილი რენა თემიშ უკათუეშის. კონფლიქტური რეგიონეფიშ უგუთოლწონებუო საქორთუოს 3668 ოფუტე რე, ნამუეფით მახორობაშ რიცხუანობაშ მეჯინათ ირთუნა ათაში:
| ბუნა | თუდონი თანჯა | ჟინი თანჯა | მუდანობა |
|---|---|---|---|
| 1 | < | 10 | 312 |
| 2 | 11 | 50 | 393 |
| 3 | 51 | 100 | 360 |
| 4 | 101 | 200 | 480 |
| 5 | 201 | 500 | 911 |
| 6 | 501 | 1000 | 621 |
| 7 | 1001 | 2000 | 373 |
| 8 | 2001 | 3000 | 124 |
| 8 | 3001 | 5000 | 64 |
| 9 | 5001 | > | 28 |
თე სტატიტიკა ვეთოლწონენს აფხაზეთიშ დო ცხინვალიშ რეგიონიშ ოფუტეეფს, თიშენ, ნამდა თინეფშე მუთუნი სარწუმო ინფორმაცია ვაარსებენს.
რესურსეფი ინტერნეტის
This article uses material from the Wikipedia მარგალური (Margaluri) article ოფუტე, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.