კემბრიჯიშ უნივერსიტეტი
კემბრიჯიშ უნივერსიტეტი (ინგლ.
კემბრიჯიშ უნივერსიტეტი რე გოართოიანაფილი ომაფეშ მაჟირა უჯვეშაში უნივერსიტეტი დო მოსოფელიშ მანთხა უჯვეშაში უნივერსიტეტი. უნივერსიტეტიქ დირსხუ ოქსფორდიშ უნივერსიტეტიშ ჸოფილი პერსონალიშ ინიციატივათ. (ჟირხოლო უნივერსიტეტის ოქსბრიჯის უძახჷნა). კემბრიჯიშ უნივერსიტეტი იკათუანს 31 ავტონომიურ კოლეჯის, 150-შე უმოსი აკადემიურ დეპარტამენტის, შხვადოშხვა ფაკულტეტეფს დო ინსტიტუტეფს, ნამუეფი დორთილი რე 6 სკოლათ. კემბრიჯიშ უნივერსიტეტიშ კოლეჯეფი ავტონომიური რე დო თინეფი აკონტროლენა მუნეფიშ დინახალენ სტრუქტურას დო ადმინისტრაციას. კემბრიჯიშ უნივერსიტეტი ადმინისტრირენს 8 კულტურულ დო მენცარულ მუზეუმს, თაშნეშე ბოტანიკურ მუზეუმს. კემბრიჯიშ ბიბლიოთეკა რე ართ-ართი უდიდაში ევროპას დო თინა იკათუანს 16 მილიონიშე უმოსი წინგის. კემბრიჯიშ უნივერსიტეტის რე დორსხუაფილი კემბრიჯიშ რსხუ, ნამუთ რე მოსოფელიშ უჯვეშაში დებატეფიშ ჯარალუა. კემბრიჯიშ უნივერსიტეტი აფილირებული რე ბიზნეს-ტექნოლოგიეფიშ რეგიონიწკჷმა, ნამუსჷთ Silicon Fen-ის უძახჷნა. კემბრიჯიშ უნივერსიტეტი ევროპაშ ართ-ართი უკაბეტაში უნივერსიტეტი რე ფინანსურო. 2019 წანაშ მუნაჩემეფით უნივერსიტეტიშ ფინანსური მუშნალი £2.192 მილიარდი რე, ჸათავრეშე £592.4 მილიონი რე გრანტეფიშე დო კონტრაქტეფიშე. 2020 წანაშ მუნაჩემეფით კემბრიჯიშ უნივერსიტეტიშ კურსნათებუეფი დო უნივერსიტეტიწკჷმა აფილირებულეფი რდეს: ნობელიშ პრემიაშ 121 ლაურეატი, ფილდსიშ მენდალიშ 11 ლაურეატი, ტიურინგიშ პრემიაშ 7 ლაურეატი, 47 სახენწჷფოშ ლიდერი, ბრიტანეთიშ 14 პრემიერ-მინისტრი დო ოლიმპიადეფიშ 194 მენდალისტი.
| კემბრიჯიშ უნივერსიტეტი ინგლ. University of Cambridge | |
 | |
| დევიზი | Hinc lucem et pocula sacra (ლათ.) |
|---|---|
| დირსხუ | 1209 |
| ტიპი | ოჯარალე |
| ფონდეფი | £ 7.121 მლრდ. |
| წორომახანდე | 6.170 (2020) |
| კანცლერი | დევიდ სეინსბერი |
| სტუდენტი | 24,450 (2020) |
| ორენი | .svg){kind=small} კემბრიჯი, ინგლისი, გოართოიანაფილი ომაფე |
| კამპუსი | ურბანული (288 ჰა) |
| ფერეფი | Cambridge Blue |
| საიტი | cam.ac.uk |
რესურსეფი ინტერნეტის
- ოფიციალური ვებსაიტი
- Cambridge University Students' Union
- Cambridge University Graduate Union
- Interactive map—a zoomable map linking to all the university departments and colleges
- ACAD—A Cambridge Alumni Database, covering the period of approximately 1200 to 1900
This article uses material from the Wikipedia მარგალური (Margaluri) article კემბრიჯიშ უნივერსიტეტი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.