Кембриџь Ауниверситет
Кембриџь – Оксфорд анаҩс Британиа Ду иҟоу зегь раасҭа ижәытәтәу аҩбатәи университетуп, адунеи аҿы аԥшьбатәи аҭыԥ аннакылоит, еиҳа иеицырдыруа ауниверситетқәа ируакуп.
Ауниверситет аԥҵан 1209 шықәсазы, Кембриџь инхо оксфордтәи астудент ақалақь иаланхоз ԥҳәыск данишь ашьҭахь ақалақь иалҵыз аҵарауаа еидкыланы. Кембриџьтәи ауниверситет шьақәгылоуп 31 коллеџь рыла. Ақалақь аҿы инхо ауааԥсыра реиҳарак арҵаҩцәеи астудентцәеи роуп. Астудентцәа зегь аҵара анырҵо Кембриџь инхозароуп. Кембриџь амҩадуқәа рҿы иуԥылоит ииаҵәеиқәароу, мамзаргьы еиқәаҵәоу, амаҭәа зшәу аҿар маҷымкәа. Астудентцәеи аспирантцәеи рҵареи рыҭҵаарадырратәи усуреи ашколқәа (дара 6 ыҟоуп) рыҟны имҩаԥысуеит. Ашколқәа афакультетқәеи акафедрақәеи рыла ишьақәгылоуп. Кембриџьтәи ауниверситет аҟны арҵара мҩаԥысуеит 28 курс рыла.
Арҭ акурсқәа ирыҵанакуеит абарҭ амаҭәарқәа:
- Англосаксаа, аскандинавцәа, акельтцәа (Norse and Celtic)
- Архитектура
- Азиеи, Мрагылара Ааигәеи
- Аклассика
- Аекономика
- Англыз бызшәа
- Агеографиа
- Аҭоурых
- Аҟазара аҭоурых
- Археологиа
- Абиологиатә антрополгиа
- Аполитикеи жәларбжьаратәи аизыҟазаашьақәеи
- Асоциалтә антропологиа
- Асоциологиа
- Ақыҭанхамҩатә Економика
- Азин
- Алингвистика
- Аменеџьмент
- Иахьатәии абжьарашәышықәсазтәи абызшәақәа (афранцыз, анмец, аиталиа, аиспан, апортугалиа, аурыс бызшәақәа).
- Амузыка
- Афилософиа
- Атеологиеи адинҭҵаареи
- Ахимиатә нџьнырра
- Акомпиутертә ҭҵаарадыррақәа
- Анџьнырра
- Амашьынаԥҵара атехнологиа
- Аматематика
- Амедицина
- Астрофизика
- Абиохимиа
- Абиологиатәи абиомедицинатәи ҭҵаарадыррақәа
- Ахимиа
- Агенетика
- Агеологиа
- Аҭоурых
- Аматериалқәа рзы аҭҵаарадырра
- Анервҭҵаарадырра
- Апаталогиа
- Афармокологиа уҳәа уб.егь.
Иахьа аколлеџьқәа хԥа аҳәсса рымацара рыдыркылоит. Егьырҭ 28 коллеџь – илаԥсоуп. Аколлеџьқәа ҩба аспирантцәа мацара ры - дыркылоит. Аколлеџьқәа 4 – еиҳарак астудентцәа еиҳабацәа ма аспирантцәа (21 ш. иреиҳау). Егьырҭ 25 коллеџь астудентцәа реиԥш аспирантцәагьы рыдыркылоит.
Алитература
This article uses material from the Wikipedia Аԥсуа article Кембриџь ауниверситет, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Если не указано иное, содержание доступно по лицензии CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Аԥсуа (DUHOCTRUNGQUOC.VN) is an independent company and has no affiliation with Wiki Foundation.