Ene noice ou des noices, c' est l' fiesse k' on-z adjinçnêye a l' ocåzion d' on mariaedje.
Tocosté, on a sovint on grand dinner.
Dispu l' 20inme sieke, on î fwait eto toplin d' fotografeyes.
On tape des fleurs u des confetis ås maryîs al rexhowe di l' eglijhe u del måjhon-comene.
Sovint, on fwait on grand dinner, avou toplin des priyîs, del parintêye des deus familes et pu eto des bons camaerådes. Cwand on a toplin des cnoxhances, on lzès pout djusse priyî po l' aperitif. Li grande eurêye, c' est djusse pol famile.
Al nute, on danse. Sovint, li pa del marieye edåméve li bal avou s' feye.
Å Marok, li maryî et l' marieye s' ofrixhèt do laecea et des dates. On è pout eto ofri ås priyîs et priyeyes a l' intrêye del såle di noices.
On poite li marieye et pus rålmint l' maryî, so on grand platea, po fé sene bondjoû a tos les priyîs.
Dins les grands mariaedjes, li marieye candje cwate a cénk côps d' rôbe, ene di tchaeke sôre.
Les djins del famile vinèt, tchaeke a s' toû, fé prinde leu portrait avou les maryîs, sol trône.
This article uses material from the Wikipedia Walon article Noice, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.