Harry Potter Va Hikmatlar Toshi

K. Rowling"> J. K. Rowling qalamiga mansub fentezi janridagi roman boʻlib, Harry Potter romanlari turkumiga kiruvchi ilk kitob hisoblanadi.

Harry Potter va hikmatlar toshi

Kitob muqovasi
Asl nomi	Harry Potter and the Philosopher's Stone
Muallif(lar)	J. K. Rowling
Bezovchi(lar)	Thomas Taylor (ilk nashr)
Mamlakat	Birlashgan Qirollik
Til	inglizcha
Qismlar	Harry Potter
Janr(lar)i	fentezi
Nashr etilgan sanasi	26-iyun 1997-yil
Nashriyot	Bloomsbury (Birlashgan Qirollik)
Sahifalar soni	223 (ilk nashr)
ISBN	ISBN 0-7475-3269-9
Keyingisi	Harry Potter va maxfiy hujra

Roman ilk bor 1997-yil 26-iyunda Birlashgan Qirollikning Bloomsbury nashriyotida chop etildi. Umumjahon boʻylab 120 million nusxada sotildi va buning ortidan hamma vaqtlarning eng koʻp sotilgan uchinchi kitobi boʻldi.

Kitobga asoslanib 2001-yili film suratga olindi va Electronics Art kompaniyasi tomonidan videooʻyin ishlandi.

Harry Potter va hikmatlar toshi romani tanqidchilar tomonidan ijobiy baholanib, koʻplab mukofotlarga sazovor ham boʻldi.

1. Omon qolgan bola
2. Hayvonot boʻgidagi sarosima
3. Qayerdan kelganligi nomaʼlum xatlar
4. Maktab qorovuli
5. Diagon xiyoboni
6. Toʻqqiz butun toʻrtdan uchinchi platformadan joʻnaydigan poyezd
7. Oʻquvchilarni fakultetga taqsimlovchi shlyapa
8. Sehrli damlamalar tayyorlash fani professori
9. Yarim tundagi duel
10. Halloweʼen
11. Quidditch
12. „Koʻngildagi orzular koʻzgusi“
13. Nicolas Flamel
14. Norbert — dandon belli norveg ajdari
15. „Taqiqlangan oʻrmon“
16. Yertoʻladagi tuzoqlar
17. Ikki yuzli odam

Film

2001-yili Harry Potter va hikmatlar toshi asosida film suratga olindi. Filmga Chris Columbus rejissorlik qildi, Steve Kloves esa ssenariynavis oʻlaroq qatnashdi. Film budjeti $125 million boʻlib, kartina umumjahon boʻylab $1.018 milliard daromad qildi. Shuningdek, tanqidchilar tomonidan ham xush qarshilandi.

Harry Potter va hikmatlar toshi oʻzbek tiliga Joʻraali Solijonov tarjima qilgan. Roman oʻzbek tilida ilk bor 2015-yil Termiz shahrida Surxon-nashr nashriyoti tomonidan chop etildi. Kitobning oʻzbekcha versiyasi 140 betni tashkil etdi. Taqrizchilar — Poyon Bakirov, Nasiba Panjiyeva, Abdulla Xudoyqulov va Shahnoza Qayumova.

Shuningdek, kitob 2018-yil Toshkent shahrida „Adabiyot uchqunlari“ nashriyotida Shokir Dolimov tarjimasida qayta chop etildi. Nashrga tayyorlovchi hamda iqtiboslar va izohlarni tayyorlovchi — Ergashbay Matyoqubov, bosh muharrir — Alisher Ravshanov, badiiy muharrir — Asaloy Eshonqulova, musahhih — Lolaxon Qoʻziboyeva va dizayner — Feruzbek Vohidov.