طیورالفردوس

طائر الفردوس اصغر کا بالغ نر، Paradisaea minor
اسمیاتی درجہ	خاندان
جماعت بندی
مملکت:	جانور
جماعت:	پرندہ
طبقہ:	عصفوری نسل
ذیلی طبقہ:	Passeri
خاندان:	Paradisaeidae Vigors, 1825
سائنسی نام
Paradisaeidae  Nicholas Aylward Vigors   ، 1825
اقسام و انواع
13 اقسام 40 انواع
‏‏
درستی - ترمیم

(Birds of Paradise) کو طیور الجنت، فردوسی پرندے یا جنت کے پرندے بھی کہا جا سکتا ہے اور ان طیور (واحد:طائر) سے مراد حیاتیاتی جماعت بندی کے ان ارکان کی ہوتی ہے جنہیں جنتخن (Paradisaeidae) نامی خاندان میں شمار کیا جاتا ہے گویا یوں کہہ سکتے ہیں کے خاندان جنتخن میں شامل پرندوں کو کہا جاتا ہے۔ جیسا کہ بیان ہوا کہ طیور اصل میں طائر کی جمع ہے اور ایک پرندے کے لیے طائر الفردوس کی اصطلاح آئے گی، بطور واحد کی صورت میں ایک قابل توجہ بات یہ ہے کہ طائر فردوس کو حضرت جبرائیل کا لقب بھی تسلیم کیا جاتا ہے؛ مذکورہ بالا تمام الفاظ کی اردو موجودگی کو لغات میں دیکھا جا سکتا ہے۔ مزید یہ کہ ایک خاندان مجمع النجوم بنام طیار میں شامل ایک مجمع النجوم کو بھی طائر الفردوس (apus) کہا جاتا ہے۔ یہ پرندے اپنے نر کے بال و پر (plumage) کی دیدہ زیبی کے لیے مشہور ہیں، ان کی یہ خوبصورتی نا صرف ان کے پروں (wings) کے شوخ رنگوں سے نمایاں ہوتی ہے بلکہ ان میں طویل اور نمائشی ریاش (feathers) بھی پیدا ہوتے ہیں جو پروں، چونچ اور سر سے آغاز پاتے ہیں۔ یہ فردوسی پرندے ؛ مشرقی انڈونیشیا، پاپوا نیو گنی اور مشرقی آسٹریلیا میں دیکھے جاتے ہیں۔