Кислоталар

Кислоталарның суглуг эзиндизинде гидроксоний ионнары бар. Ол ионнар кислоталарның кыжыраң амданының база индикаторларның өңүн өскертириниң чылдагааны болуп турар. Бедик концентрациялыг кислоталар кешти чип болур. Кислотаның водород катионун металл катиону-биле солуурга дус үнер.

Кислоталарның классификациязы

Кислород атомнарының саны-биле:
- кислород чок (HCl, HBr);
- кислородтуг (H₂SO₄, HNO₃₎;
Аңгыланыр водород атомнарының саны-биле:
- чаңгыс дөстүг (HCl, HNO₃);
- ийи дөстүг (H₂SO₄, H₂SeO₄);
- үш дөстүг (H₃PO₄, H₃BO₃);
- хөй дөстүг (H₈C₆O₇);
Күжү-биле:
- күштүг — долузу-биле диссоциациялап турар (диссоциация константазы 10^-3-дан хөй (HNO₃));
- кошкак — чамдык кезээ диссоциациялап турар (диссоциация константазы 10^-3-дан эвээш (CH₃COOH, уксустуг кислота));
Туруунуң деңнели-биле:
- турук (H₂SO₄);
- турук эвес (H₂CO₃);
Химиктиг каттыжыышкыннарның класстары-биле:
- органиктиг эвес (HCl);
- органиктиг (HCOOH, CH₃COOH);
Бусталыычалы-биле:
- бусталыычал (HNO₃);
- бусталыычал эвес (H₂SO₄);
Сугга эстири-биле:
- эстиичел (H₂SO₄);
- эстиичел эвес (H₂SiO₃);
Металлдыы-биле:
- металлдыг (HMnO₄, H₂TiO₃);
- металлдыг эвес (HNO₃, HI).

Кислоталарның номенклатуразы

Органиктиг эвес кислоталарның номенклатуразы

Кислоталарның аттары ийи кезектен тургустунган, олар дараазында тускай чүүлдерлиг:

демдек ады-биле илереттинген кислотаны тургузуп турар элементиниң ады (хлорлуг, азотсуг, күгүрлүг);
«кислота» дээр бөлүүн тодарадып турар сөзү (хлорлуг кислота, азотсуг кислота, күгүрлүг кислота).

Кислоталарның аттарын янзы-бүрү кожумактар дузазы-биле тургузар.

Кислоталарның номенклатуразының туруп болур (гипотетиктиг) вариантызы
Кислота тургузар элементиниң окислениезиниң чадазы	Элементиниң адынга кадар кожумак	Чижек
Дээди азы чүгле чаңгыс чадазында	-лыг болгаш варианттар	хлорлуг кислота (HClO₄), азоттуг кислота (HNO₃), бромнуг кислота (HBrO₄)
Ортумак (+5)	-зымаар болгаш варианттар	хлорзумаар кислота (HClO₃), бромзумаар кислота (HBrO₃)
Ортумак (+4, +3)	-зыг болгаш варианттар	азотсуг кислота (HNO₂), күгүрзүг кислота (H₂SO₃)
Чавыс азы +1	-зымаарзыг болгаш варианттар	азотсумаарзыг кислота (H₂N₂O₂), хлорзумаарзыг кислота (HClO)

Органиктиг кислоталарның номенклатуразы

Органиктиг кислоталарның систематиктиг аттары алканның адынга кожумак кадарының дузазы-биле тургустунар. Чижээ: пропан + ныг + кислота — пропанныг кислота.

Чамдык чаңгыс дөстүг пределдиг карбоннуг кислоталарның аттары
Углерод атомнарының саны	Төөгүлүг ат	ИЮПАК-тыы-биле ады	Формула	Дустарының аттары
1	Муравьиная кислота	Метанныг кислота	HCOOH	формиаттар
2	Уксусная кислота	Этанныг кислота	CH₃COOH	ацетаттар
3	Пропионовая кислота	Пропанныг кислота	C₂H₅COOH	пропионат
4	Масляная кислота	Бутанныг кислота	C₃H₇COOH	бутираттар
5	Валериановая кислота	Пентанныг кислота	C₄H₉COOH	валераттар
6	Капроновая кислота	Гексанныг кислота	C₅H₁₁COOH	капраттар
7	Энантовая кислота	Гептанныг кислота	C₆H₁₃COOH	энантоаттар
8	Каприловая кислота	Октанныг кислота	C₇H₁₅COOH	каприлаттар
9	Пеларгоновая кислота	Нонанныг кислота	C₈H₁₇COOH	пеларогоаттар
10	Каприновая кислота	Деканныг кислота	C₉H₁₉COOH	капринаттар