Брэдли Уильям Брэд Питт (англ. William Bradley Brad Pitt; 1963 чылдың 12 айның 18-те төрүттүнген, Шауни, Оклахома, АКШ) – Голливудтуң сураглыг актёру болгаш продюсери.
1995 чылда ("Он ийи сарбашкын" деп фильм дээш) "Алдын бөмбүрзек" премиязының лауреады. 4 катап "Оскар" шаңналынче идип үндүрттүнген (1996, 2009 богаш 2012 чч. ийи катап).
Бред Питт | |
---|---|
англ. Brad Pitt | |
Төрүттүнген хүнү | 1963 декабрьның 18[…] (60 хар) |
Чурт | |
Ашаа азы кадайы | Дженнифер Энистон[d] биле Анджелина Джоли[d] |
Уильям Брэдли Питт Шони (штат Оклахома, АКШ) деп хоорайга төрүттүнген. Ол американ шажынчы өг-бүлеге өскен. Ооң ачазы Уильям Питт бир компанияга чүък сөөртүр ажылга менеджерлеп ажылдап чораан, а авазы Джейн Этта Хилхаус школага башкылап чораан. Бредли Питт, ооң акызы Даг Питт болгаш угбазы Джулия Питт Спрингфилдке (Миссури штат) өскеннер. Чүге дизе Бредли Питттиң төрүттүнгениниң соонда үр болбаанда ада-иези Спрингфилдче көжүп келгеннер. Ол школачы чорааш, спортка ынак турган, ыры-хөгжүм бөлгүмнеринче барып турган болгаш школаның хөй ниити ажылдарынга киржип чораан. Школа соонда ол Миссури-Колумбия университединче дужаап кирип алган. Университет соонда ол доозуп алган эртеминиң аайы-биле ажылдавайн, а Голливудче кино артизи боор сорулгазын чедип алыры-биле чорупкан. Аңаа баргаш адын "Бред Питт"кылдыр өскерткен.
Бир катап "Мистер и Миссис Смит" деп кино тыттырып тургаш Бред Анджелинаны сонуургай берген, а ол уруг база удур харыылап, сонуургажып эгелээн. Көвей үе эртпээнде, олар кады чурттаар деп шиитпирлээш, өгленип алганнар.
Амгы үеде олар 6 ажы-төлдүг. Оолдары: Мэддокс Шиван (англ. Maddox Chivan), Пакс Тьен (англ. Pax Thien) болгаш Нокс Леон (англ. Knox Leon); уруглары: Захара Марли (англ. Zahara Marley), Шайло Нувель (англ. Shiloh Nouvel) болгаш Вивьен Маршелин (англ. Vivienne Marcheline). Шупту Джоли-Питт (Jolie-Pitt) деп фамилияны эдилеп турар. Оларның аразында чүгле үжү Анджелина биле Бредтиң боттарының төрээн ажы-төлү, артканнарын олар азырап алганнар. Амгы үеде чарлы бергеннер.
Бред ам болза Голливудтуң үндүрүп турар киноларынга бо-ла үнер.
(долу эвес даңзы)
This article uses material from the Wikipedia Тыва article Бред Питт (актёр), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контент CC BY-SA 4.0 лицензия аайы-биле (өскези айыттынмаан болза) ажык. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тыва (DUHOCTRUNGQUOC.VN) is an independent company and has no affiliation with Wiki Foundation.