Miss Universe 2022: Ika-71 edisyon ng Miss Universe

Ito ang pang-apat na pagkakataon sa kasaysayan ng kompetisyon na lumaktaw ng isang buong taon ang kompetisyon, kasunod ng Miss Universe 2014, Miss Universe 2016, at Miss Universe 2020. Ito rin ang unang edisyon ng kompetisyon na ginanap sa ilalim ng pagmamay-ari ng JKN Global Group, na binili ang Miss Universe Organization mula sa WME/IMG noong 26 Oktubre 2022.

Miss Universe 2022
R'Bonney Gabriel, Miss Universe 2022
Petsa	14 Enero 2023
Presenters	Olivia Culpo Jeannie Mai Catriona Gray Zuri Hall
Entertainment	Big Freedia Big Sam's Funky Nation Amanda Shaw Tank and the Bangas Yolanda Adams
Pinagdausan	New Orleans Morial Convention Center, New Orleans, Louisiana, Estados Unidos
Brodkaster	Opisyal ABS-CBN ANTV Azteca Uno DStv FPT VTV2 Hang Meas JKN18 JKN-CNBC LBCI Paris Première RCN The Roku Channel Telemundo Telesistema WAPA Venevision Viacom18
Lumahok	83
Placements	16
Bagong sali	Butan
Hindi sumali	Dinamarka Irlanda Israel Kasakistan Kenya Maruekos Noruwega Rumanya Suwesya Unggarya
Bumalik	Anggola Belis Indonesya Kirgistan Libano Malaysia Myanmar Santa Lucia Seykelas Suwisa Trinidad at Tobago Urugway
Nanalo	R'Bonney Gabriel  Estados Unidos
Pinakamahusay na Pambansang Kasuotan	Viktoria Apanasenko Ukranya
← 2021 2023 →

Pagkatapos ng kompetisyon, kinoronahan ni Harnaaz Sandhu ng Indiya si R'Bonney Gabriel ng Estados Unidos bilang Miss Universe 2022. Ito ang ikasiyam na tagumpay ng Estados Unidos, ang pinakamarami sa kasaysayan ng kompetisyon. Nagtapos bilang first runner-up si Amanda Dudamel ng Beneswela, at nagtapos bilang second runner-up si Andreina Martínez ng Republikang Dominikano.

Mga kandidata mula sa walumpu't-tatlong bansa at teritoryo ang lumahok sa kompetisyong ito. Pinangunahan nina Miss Universe 2012 Olivia Culpo at Jeannie Mai ang kompetisyon, samantalang sina Miss Universe 2018 Catriona Gray at si Zuri Hall ang nagsilbing mga backstage correspondent. Itinampok rin sa edisyong ito ang bagong Mouawad Force for Good Crown na may 110.38 karat ng bughaw na sapiro at 48.24 karat ng puting diyamante na nagkakahalaga ng humigit-kumulang $6 milyon.

 

Lokasyon at petsa

Nasa proseso ng talakayan diumano ang Miss Universe Organization upang isagawa ang kompetisyon sa Republikang Dominikano. Ang mga talakayan ay kinumpirma ng pambansang direktor ng Miss Dominican Republic na si Magli Febles. Plano ni Febles na itanghal ang kompetisyon sa Punta Cana at plano nilang ganapin ito sa katapusan ng Oktubre. Subalit, hindi nagpatuloy ang plano upang isagawa ang kompetisyon sa Republikang Dominikano dahil sa kawalan ng interes sa bahagi ng Estado ng Republikang Dominikano.

Noong 1 Setyembre 2022, iniulat ng pahayagang El Vocero na may isang sulatronikong ipinadala sa mga pambansang direktor na nagsasaad na ang ika-71 edisyon ng kompetisyon ay gaganapin sa unang kwarter ng 2023, dahil sa potensyal na pagsalungat ng mga petsa sa 2022 FIFA World Cup sa Nobyembre at Disyembre 2022. Iniulat din ng pahayagan na ang Nha Trang, Biyetnam, Los Angeles, Miami, at New Orleans sa Estados Unidos ay nakita bilang mga potensyal na host city. Kalaunan, sa kaparehong buwan, ipinahayag ng pangulo ng Miss Universe Organization na si Paula Shugart sa panayam ng ABS-CBN News and Current Affairs na gaganapin ang kompetisyon sa Enero 2023, na nagpapatunay na ang dahilan ng pagpapaliban ay upang maiwasan ang pagsalungat ng mga petsa sa 2022 FIFA World Cup.

Noong 19 Setyembre 2022, opisyal na inanunsyo ng Miss Universe Organization na ang kompetisyon ay gaganapin sa 14 Enero 2023 sa New Orleans Morial Convention Center sa New Orleans, Louisiana. Inanunsyo rin ng organisasyon na ang paunang kompetisyon ay gaganapin sa 11 Enero.

Pagpili ng mga kalahok

Ang mga kalahok mula sa walumpu't-tatlong bansa at teritoryo ay napili upang lumahok sa kompetisyon. labing-siyam na kandidata ang nailuklok upang kumatawan sa kanilang bansa/teritoryo matapos maging isang runner-up sa kanilang kompetisyong pambansa. Bagamá't walumpu't-apat na kandidata ang lumahok sa paunang kompetisyon, walumpu't-tatlo lang ang lumahok para sa panghuling kompetisyon dahil sa pagbitiw ng isang kandidata sa kompetisyon.

Mga pagpalit

Iniluklok ang first runner-up ng Miss Bolivia 2022 na si Camila Sanabria bilang kandidata ng Bulibya sa Miss Universe matapos na mapatalsik si Miss Bolivia 2022 Fernanda Pavisic para sa pangungutya sa mga headshot ng ibang kandidata sa Miss Universe sa kanyang mga Instagram story. Iniluklok ng Miss Universe Colombia Organization si María Fernanda Aristizábal, Senorita Colombia 2019, bilang kinatawan ng Kolombya sa Miss Universe. Si Aristizábal ang orihinal na kandidata ng Kolombya sa Miss Universe 2020, subalit siya ay hindi kumalahok sa kompetisyon matapos mawalan ng prangkisa ng Miss Universe ang Senorita Colombia Organization. Iniluklok ang first runner-up ng Miss Universe Cayman Islands 2022 na si Chloe Powery-Doxey bilang kandidata ng Kapuluang Kayman sa Miss Universe dahil nahaharap sa mga kasong kriminal ang orihinal na Miss Universe Cayman Islands 2022 na si Tiffany Conolly. Iniluklok ang first runner-up ng Miss France 2022 na si Floriane Bascou bilang kandidata ng Pransiya sa Miss Universe matapos na pinili ni Miss France 2022 Diane Leyre na huwag munang sumali sa kahit anong internasyonal na kompetisyon dahil sa kakulangan sa oras sa paghahanda. Si Miss Dominican Republic 2021 Andreina Martínez ay iniluklok upang kumatawan sa Republikang Dominikano sa edisyong ito. Siya ay dapat na kakalahok sa Miss Universe 2021, ngunit siya ay nagpositibo sa COVID-19 bago ang kompetisyon.

Mga unang pagsali at pag-urong sa kompetisyon

Unang sumali sa edisyong ito ang bansang Butan, at bumalik ang mga bansang Anggola, Belis, Guam, Indonesya, Kirgistan, Libano, Malaysia, Miyanmar, Santa Lucia, Seykelas, Suwisa, Trinidad at Tobago, at Urugway. Huling sumali noong 1995 ang Seykelas, noong 2017 ang Trinidad at Tobago, noong 2018 ang Libano at Suwisa, noong 2019 ang Anggola at Santa Lucia, at noong 2020 ang Belis, Indonesya, Malaysia, Miyanmar, at Urugway. Hindi sumali ang mga bansang Dinamarka, Irlanda, Israel, Kasakistan, Kenya, Moroko, Noruwega, Rumanya, Suwesya, at Unggarya sa edisyong ito. Hindi sumali si Diana Tashimbetova ng Kasakistan dahil sa kakulangan ng suportang pinansyal mula sa license holder.

Simula sa ika-72 edisyon ng kompetisyon, pinahihintulutan ng Miss Universe Organization ang mga ina at may-asawa na kumalahok sa kompetisyon. Gayunpaman, nanatili pa rin ang age limit na 18 hanggang 28 taong gulang.

 

Mga pagkakalagay

Mga espesyal na parangal

Pormat ng kompetisyon

Ilang mga pagbabago sa pormat ng kompetisyon ang ipinatupad ng Miss Universe. Tulad noong 2021, labing-anim na semi-finalist ang napili sa pamamagitan ng paunang kompetisyon at mga closed-door interview. Isinagawa ang internet voting kung saan ang mga manonood ay maaaring bumoto para sa isa pang kandidata upang umabante sa semi-finals. Lumahok ang labing-anim na semi-finalist sa swimsuit competition, kung saan ang mga kapa ay kanilang idinisenyo, at evening gown. Mula sa labing-anim, limang pinalista ang sumabak sa paunang question-and-answer round, at tatlong pinalista naman ang sumabak sa final word at final walk.

Komite sa pagpili

• Ximena Navarrete – Miss Universe 2010 mula sa Mehiko
• Big Freedia – rapper at tagaganap na Amerikano
• Mara Martin – modelong Amerikana
• Wendy Fitzwilliam – Miss Universe 1998 mula sa Trinidad at Tobago
• Emily Austin – aktres at mamamahayag na Amerikano
• Olivia Quido – CEO at tagapagtatag ng O Skin Med Spa
• Myrka Dellanos – Amerikanang awtor, mamamahayag, at host sa telebisyon at radyo
• Sweta Patel – awtor, miyembro ng Forbes council at tagapagtatag ng Healveda
• Olivia Jordan – Miss USA 2015 mula sa Oklahoma (bilang hurado sa gabi ng koronasyon lamang)
• Kathleen Ventrella – Chief Marketing Officer ng Impact WayV (bilang hurado sa gabi ng koronasyon lamang)

Walumpu't-tatlong kandidata ang lumahok para sa titulo.

Bansa/Teritoryo	Kandidata	Edad	Bayan
Albanya	Deta Kokomani	21	Durrës
Alemanya	Soraya Kolhmann	24	Leipzig
Anggola	Swelia Antonio	24	Luanda
Arhentina	Bárbara Cabrera	22	Buenos Aires
Armenya	Kristina Ayanian	25	Ereban
Aruba	Kiara Arends	23	Oranjestad
Australya	Monique Riley	18	Sydney
Bahamas	Angel Cartwright	27	Long Island
Bahreyn	Evlin Khalifa	24	Riffa
Belhika	Chayenne Van Aarle	23	Amberes
Belis	Ashley Lightburn	22	Lungsod ng Belis
Beneswela	Amanda Dudamel	23	Mérida
Biyetnam	Nguyễn Thị Ngọc Châu	28	Tây Ninh
Brasil	Mia Mamede	26	Vitória
Bulgarya	Kristina Plamenova	26	Sopiya
Bulibya	Camila Sanabria	28	Santa Cruz
Butan	Tashi Choden	23	Wangdue Phodrang
Curaçao	Gabriëla Dos Santos	20	Willemstad
Ekwador	Nayelhi González	26	Esmeraldas
El Salbador	Alejandra Guajardo	26	Cabañas
Eslobakya	Karolina Michálčiková	23	Trenčín
Espanya	Alicia Faubel	25	Alicante
Estados Unidos	R'Bonney Gabriel	28	Houston
Gana	Engracia Afua Mofuman	27	Kumasi
Gineang Ekwatoriyal	Alba Isabel Obama	21	Mbini
Gran Britanya	Noky Simbani	25	Derby
Gresya	Korina Emmanouilidou	24	Kozani
Guwatemala	Ivana Batchelor	21	Quetzaltenango
Hamayka	Toshami Calvin	26	Saint Thomas
Hapon	Marybelen Sakamoto	23	Chiba
Hayti	Mideline Phelizor	27	Port-au-Prince
Honduras	Rebeca Rodríguez	20	San Pedro Sula
Indiya	Divita Rai	25	Mangalore
Indonesya	Laksmi De-Neefe Suardana	26	Ubud
Italya	Virginia Stablum	24	Trento
Kambodya	Manita Hang	23	Nom Pen
Kamerun	Mouketey Lynette Jelly	26	Buea
Kanada	Amelia Tu	20	Vancouver
Kapuluang Birheng Britaniko	Lia Claxton	18	Tortola
Kapuluang Kayman	Chloe Powery-Doxey	25	George Town
Kirgistan	Altynai Botoyarova	18	Biskek
Kolombya	María Fernanda Aristizábal	24	Armenia
Kosobo	Roksana Ibrahimi	21	Pristina
Kosta Rika	Fernanda Rodríguez	24	Quesada
Kroasya	Arijana Podgajski	19	Krapina
Laos	Payengxa Lor	21	Vientiane
Libano	Yasmina Zaytoun	20	Kfarchouba
Lupangyelo	Hrafnhildur Haraldsdóttir	18	Reikiavik
Malaysia	Lesley Cheam	26	Semenyih
Malta	Maxine Formosa	21	St. Julian's
Mawrisyo	Alexandrine Belle-Étoile	25	Curepipe
Mehiko	Irma Miranda	26	Ciudad Obregon
Miyanmar	Zar Li Moe	20	Bhamo
Namibya	Cassia Sharpley	21	Windhoek
Nepal	Sophiya Bhujel	27	Katmandu
Niherya	Montana Felix	21	Edo
Nikaragwa	Norma Huembes	24	San Marcos
Olanda	Ona Moody	25	Amsterdam
Panama	Solaris Barba	23	Herrera
Paragway	Leah Ashmore	27	Villarrica
Peru	Alessia Rovegno	24	Lima
Pilipinas	Celeste Cortesi	24	Pasay
Pinlandiya	Petra Hämäläinen	26	Savonlinna
Polonya	Aleksandra Klepaczka	22	Łódź
Porto Riko	Ashley Cariño	28	Fajardo
Portugal	Telma Madeira	22	Lisbon
Pransiya	Floriane Bascou	20	Le Lamentin
Republikang Dominikano	Andreina Martínez	24	Santiago
Republikang Tseko	Sára Mikulenková	20	Valašské Mezirící
Rusya	Anna Linnikova	22	Orenburg
Santa Lucia	Sheris Paul	26	Castries
Seykelas	Gabriella Gonthier	24	Mahé
Singapura	Carissa Yap	22	Singapura
Suwisa	Alia Giundi	19	Valais
Taylandiya	Anna Sueangam-iam	23	Bangkok
Timog Aprika	Ndavi Nokeri	23	Tzaneen
Timog Korea	Hanna Kim	26	Seoul
Trinidad at Tobago	Tya Janè Ramey	24	Port of Spain
Tsile	Sofia Depassier	22	Santiago
Tsina	Jiang Sichen	26	Shanghai
Turkiya	Aleyna Şirin	21	Istanbul
Ukranya	Viktoria Apanasenko	27	Chernihiv
Urugway	Carla Romero	24	Montevideo