Miss Universe 2016

Ito ang pangalawang pagkakataon sa kasaysayan ng kompetisyon na lumaktaw ng isang buong taon ang kompetisyon, kasunod ng Miss Universe 2014 na ginanap noong Enero 2015.

Miss Universe 2016
Iris Mittenaere, Miss Universe 2016
Petsa	30 Enero 2017
Presenters	Steve Harvey Ashley Graham
Entertainment	Flo Rida Boyz II Men
Pinagdausan	Mall of Asia Arena, Pasay, Kalakhang Manila, Pilipinas
Brodkaster	Internasyonal: Fox Azteca Opisyal: Solar Entertainment ABS-CBN GMA Network TV5
Lumahok	86
Placements	13
Bagong sali	Sierra Leone
Hindi sumali	El Salvador Gabon Gana Gresya Irlanda Libano Montenegro Serbiya
Bumalik	Barbados Belis Eslobenya Guam Kapuluang Birhen ng Estados Unidos Kasakistan Kenya Lupangyelo Malta Namibya Rumanya Sri Lanka Suwisa
Nanalo	Iris Mittenaere  Pransiya
Congeniality	Jenny Kim  Timog Korea
Pinakamahusay na Pambansang Kasuotan	Htet Htet Htun  Myanmar
Photogenic	Lindita Idrizi  Albanya
← 2015 2017 →

Pagkatapos ng kompetisyon, kinoronahan ni Pia Wurtzbach ng Pilipinas si Iris Mittenaere ng Pransiya bilang Miss Universe 2016. Ito ang pangalawang tagumpay ng Pransiya sa kasaysayan ng kompetisyon. Nagtapos bilang first runner-up si Raquel Pélissier ng Hayti, habang nagtapos bilang second runner-up si Andrea Tovar ng Kolombya.

Mga kandidata mula sa walumpu't-anim na mga bansa at teritoryo ang lumahok sa kompetisyong ito. Pinangunahan nina Steve Harvey at Ashley Graham ang kompetisyon. Nagtanghal sina Flo Rida at Boyz II Men sa edisyong ito.

 

Lokasyon at petsa ng kompetisyon

Nasa proseso ng talakayan diumano ang Miss Universe Organization upang isagawa ang kompetisyon sa Pilipinas. Nagsimula ang mga diskusyon noong nakipagtalakayan si noo'y Pangulo ng Pilipinas na si Rodrigo Duterte kay Miss Universe 2015 Pia Wurtzbach. Bagama't bukas si Duterte na idaos ang kompetisyon sa Pilipinas, hindi niya gustong pagbayarin ang pamahalaan ng mga gastusin sa pagsasagawa nito. Dalawang linggo pagkatapos ng pag-uusap, pinangalanan na ng Kagawaran ng Turismo ang Pilipinas bilang host country ng Miss Universe 2016. Ayon sa pangulo ng Miss Universe Organization na si Paula Shugart, ang Pilipinas ang pangunahing bansang napili upang idaos ang kompetisyon, ngunit may iba pang mga bansa ring isinaalang-alang.

Sa kabila ng pahayag ng Kagawaran ng Turismo, hindi pa pinal ang desisyon na idaos ang kompetisyon sa Pilipinas at sa mga sumunod na buwan, ilang beses na nagbago ang isip ng Miss Universe Organization tungkol sa usapin.

Hindi ibinunyag ng mga inisyal na ulat ang mga dahilan ng pagkasira ng mga negosasyon, ngunit iniugnay ng isang ulat ang mga alalahanin ng organisasyon sa mga pahayag ni Duterte tungkol sa dating Pangulo ng Estados Unidos na si Barack Obama, gayundin sa kaniyang mga planong tapusin ang ugnayan ng Pilipinas at Estados Unidos. Ang mga pahayag na ito ay hindi tinanggap ng mabuti ng WME/IMG. Isang pahayag ni Duterte, kung saan sinabi niyang ikalulugod niyang patayin ang kasing dami ng mga adik sa droga gaya ng pagpatay ni Adolf Hitler sa mga Hudyo noong Holokausto ang humantong sa CEO ng WME na si Ariel Zev Emanuel na kanselahin ang mga pag-uusap. Nagpadala ng mga kinatawan ang dating gobernador ng Ilocos Sur at pangulo ng LCS Group na si Chavit Singson, kasama na ang ilang mga kaibigang Israeli, papuntang Estados Unidos upan hikayatin si Emanuel na panatiliin ang kaniyang interes upang idaos ang kompetisyon sa Pilipinas. Nakatulong sa muling pagbabalik ng negosasyon ang paghingi ng tawad ni Duterte ukol sa kaniyang mga pahayag tungkol sa Holocaust at ang pagdagdag ni Singson ng mga programa para sa women empowerment sa kompetisyon.

Noong 1 Setyembre 2016, kinumpirma ng noo'y Kalihim ng Turismo na si Wanda Tulfo-Teo na ang kompetisyon ay gaganapin sa SM Mall of Asia Arena sa Pasay. Ang Philippine Arena ang isa pang lokasyong isinasaalang-alang ng Kagawaran ng Turismo, ngunit hindi ito inaprubahan ng organisasyon dahil sa mga "kadahilanang pangseguridad". Ang pinal na desisyon ng Miss Universe Organization ay inanunsyo noong 3 Nobyembre, noong ipinahayag ni Wurtzbach sa pamamagitan ng video message na ang Pilipinas ang siyang host country para sa Miss Universe 2016, at gaganapin ito sa 30 Enero 2017 sa SM Mall of Asia Arena. Nilagdaan ang kasunduan sa pakikipagtulungan noong 16 Nobyembre, kasabay ng paglunsad ng opisyal na websayt at Facebook page ng kompetisyon.

Pagpili ng mga kalahok

Ang mga kalahok mula sa walumpu't-anim na mga bansa at teritoryo ay napili upang lumahok sa kompetisyon. Walong kandidata ang nailuklok upang kumatawan sa kanilang bansa/teritoryo matapos maging isang runner-up sa kanilang kompetisyong pambansa o napili sa isang casting process, at apat na kandidata ang napili matapos ang pag-urong ng orihinal na kalahok.

Iniluklok ang first runner-up ng Miss Belgium 2016 na si Stephanie Geldhof bilang kandidata ng Belhika sa Miss Universe matapos na pinili ni Miss Belgium 2016 Lenty Frans na kumalahok lamang sa Miss World 2016. Inilukok ang second runner-up ng Miss Universe Vietnam 2015 na si Đặng Thị Lệ Hằng matapos na piliin ng first runner-up ng Miss Universe Vietnam 2015 na si Ngô Trà My na magpakasal. Dapat sanang sasali si Miss Bolivia 2015 Paula Schneider upang kumatawan sa Bulibya. Gayunpaman, dahil sa personal na kadahilanan, pinalitan siya ni Miss Bolivia 2016 Antonella Moscatelli. Dapat sanang sasali si Miss Universe Kazakhstan 2015 Regina Valter upang kumatawan sa bansang Kasakistan, subalit ito ay nagpakasal. Dahil dito, pinalitan si Valter ni Miss Universe Kazakhstan 2016 Darina Kulsitova. Iniluklok ang first runner-up ng Miss Universe Puerto Rico 2016 na si Brenda Jiménez upang kumatawan sa Porto RIko matapos mapatalsik sa puwesto si Miss Universe Puerto Rico 2016 Kristhielee Caride dahil sa kaniyang ugali. Iniluklok ang first runner-up ng Miss Russia 2016 na si Yuliana Korolkova bilang kandidata ng Rusya sa Miss Universe matapos na pinili ni Miss Russia 2016 Yana Dobrovolskaya na kumalahok lamang sa Miss World 2016.

Unang sumali sa edisyong ito ang Sierra Leone, at bumalik ang mga bansang Barbados, Belis, Eslobenya, Guam, Kapuluang Birhen ng Estados Unidos, Kasakistan, Kenya, Lupangyelo, Malta, Namibya, Rumanya, Sri Lanka, at Suwisa. Huling sumali noong 2001 ang Malta, noong 2007 ang Barbados at Belis, noong 2009 ang Lupangyelo, noong 2011 ang Kapuluang Birhen ng Estados Unidos, noong 2013 ang Namibya at Rumanya, at noong 2014 ang Eslobenya, Guam, Kasakistan, Kenya, Sri Lanka, at Suwisa. Hindi sumali ang mga bansang El Salvador, Gabon, Gana, Gresya, Irlanda, Libano, Montenegro, at Serbiya sa edisyong ito. Hindi sumali sina Adela Zoranic ng Montenegro at Bojana Bojanic ng Serbiya dahil sa hindi isiniwalat na dahilan. Hindi sumali ang mga bansang El Salvador, Gabon, Gana, Gresya, Irlanda, at Libano matapos na mabigo ang kanilang mga organisasyong pambansa na magdaos ng kompetisyong pambansa o magtalaga ng kalahok.

 

Mga pagkakalagay

§ – Binoto ng mga manonood upang mapabilang sa Top 13

Mga espesyal na parangal

 

Pormat ng kompetisyon

Ilang mga pagbabago sa pormat ng kompetisyon ang ipinatupad ng Miss Universe. Ang bilang ng mga semi-finalist ay ibinaba sa labintatlo kumpara sa labinlima ng mga nagdaang taon. Ang mga resulta ng paunang kompetisyon at ng closed-door interview ang nagpasiya sa napiling labindalawang mga semi-finalist. Isinagawa ang internet voting kung saan ang mga manonood ay maaaring bumoto para sa isa pang kandidata upang umabante sa semi-finals na siya kokompleto sa labintatlong mga semi-finalist. Kumalahok sa swimsuit competition ang labintatlong semi-finalist at kalaunan ay pinili ang siyam na semi-finalist. Kumalahok sa evening gown competition ang siyam na semi-finalist at kalaunan ay pinili ang anim na pinalista. Anim na pinalista ang sumabak sa paunang question-and-answer round, at tatlong pinalista naman ang sumabak sa final question at final walk.

Komite sa pagpili

Paunang kompetisyon

• Cynthia Bailey – Modelo, personalidad sa telebisyon at aktres
• Rob Goldstone – Dating mamamahayag at international marketing director
• Francine LeFrak – Producer para sa teatro, telebisyon, at pelikula
• Riyo Mori – Miss Universe 2007 mula sa Hapon
• Fred Nelson – Pangulo at Executive Producer ng People's Choice Awards
• Dayanara Torres – Miss Universe 1993 mula sa Porto Riko

Final telecast

• Cynthia Bailey – Modelo, personalidad sa telebisyon at aktres
• Mickey Boardman – Editorial director at advice columnist para sa Paper magazine
• Francine LeFrak – Aktibista at tagapagtatag ng Same Sky para sa mga taong nabubuhay na may HIV
• Leila Lopes – Miss Universe 2011 mula sa Anggola
• Sushmita Sen – Miss Universe 1994 mula sa Indiya
• Dayanara Torres – Miss Universe 1993 mula sa Porto Riko

Walumpu't-anim na kandidata ang lumahok para sa titulo.

Bansa/Teritoryo	Kandidata	Edad	Bayan
Albanya	Lindita Idrizi	20	Elbasan
Alemanya	Johanna Acs	24	Eschweiler
Anggola	Luísa Baptista	21	Cuando Cubango
Arhentina	Estefanía Bernal	21	Buenos Aires
Aruba	Charlene Leslie	24	Oranjestad
Australya	Caris Tiivel	23	Perth
Austrya	Dajana Dzinic	21	Viena
Bagong Silandiya	Tania Dawson	24	Auckland
Bahamas	Cherell Williamson	24	Nassau
Barbados	Shannon Harris	22	Bridgetown
Belhika	Stephanie Geldhof	19	Aalst
Belis	Rebecca Rath	23	Dangriga
Beneswela	Mariam Habach	21	El Tocuyo
Biyetnam	Đặng Thị Lệ Hằng	23	Đà Nẵng
Brasil	Raissa Santana	21	Umuarama
Bulgarya	Violina Ancheva	21	Sopiya
Bulibya	Antonella Moscatelli	21	Santa Cruz
Curaçao	Chanelle de Lau	21	Willemstad
Dinamarka	Christina Mikkelsen	24	Copenhague
Ekwador	Connie Jiménez	21	Ventanas
Eslobakya	Zuzana Kollárová	25	Bratislava
Eslobenya	Lucija Potočnik	25	Maribor
Espanya	Noelia Freire	24	Ciudad Real
Estados Unidos	Deshauna Barber	27	Washington, D.C.
Gran Britanya	Jaime-Lee Faulkner	27	Sheffield
Guam	Muñeka Taisipic	19	Yona
Guwatemala	Virginia Argueta	22	Jutiapa
Guyana	Soyini Fraser	26	Georgetown
Hamayka	Isabel Dalley	20	Montego Bay
Hapon	Sari Nakazawa	23	Shiga
Hayti	Raquel Pélissier	25	Port-au-Prince
Heorhiya	Nuka Karalashvili	25	Tbilisi
Honduras	Sirey Moran	26	El Progreso
Indiya	Roshmitha Harimurthy	22	Bangalore
Indonesya	Kezia Warouw	25	Manado
Israel	Yam Kaspers Anshel	19	Herzliya
Italya	Sophia Sergio	24	Napoles
Kanada	Siera Bearchell	23	Moose Jaw
Kapuluang Birheng Britaniko	Erika Creque	22	Road Town
Kapuluang Birhen ng Estados Unidos	Carolyn Carter	27	Saint Croix
Kapuluang Kayman	Monyque Brooks	25	West Bay
Kasakistan	Darina Kulsitova	19	Semey
Kenya	Mary Esther Were	27	Nairobi
Kolombya	Andrea Tovar	23	Quibdó
Kosobo	Camila Barraza	23	Pristina
Kosta Rika	Carolina Rodríguez	27	Alajuela
Kroasya	Barbara Filipović	19	Zagreb
Lupangyelo	Hildur María Leifsdóttir	24	Kópavogur
Malaysia	Kiran Jassal	20	Subang Jaya
Malta	Martha Fenech	27	St. Julian's
Mawrisyo	Kushboo Ramnawaj	26	Rivière Du Poste
Mehiko	Kristal Silva	25	Ciudad Victoria
Myanmar	Htet Htet Htun	24	Yangon
Namibya	Lizelle Esterhuizen	20	Windhoek
Niherya	Unoaku Anyadike	22	Lagos
Nikaragwa	Marina Jacoby	21	Matagalpa
Noruwega	Christina Waage	21	Nes
Olanda	Zoey Ivory	23	Almere
Panama	Keity Drennan	26	Lungsod ng Panama
Paragway	Andrea Melgarejo	22	Villarrica
Peru	Valeria Piazza	26	Lungsod ng Lima
Pilipinas	Maxine Medina	26	Lungsod Quezon
Pinlandiya	Shirly Karvinen	24	Helsinki
Polonya	Izabella Krzan	21	Olsztyn
Porto Riko	Brenda Jiménez	22	Aguadilla
Portugal	Flávia Brito	23	Vilamoura
Pransiya	Iris Mittenaere	23	Lille
Republikang Dominikano	Rosalba García	24	Maimón
Republikang Tseko	Andrea Bezděková	21	Praga
Rumanya	Teodora Dan	27	Bucharest
Rusya	Yuliana Korolkova	22	Orsk
Sierra Leone	Hawa Kamara	26	Freetown
Singapura	Cheryl Chou	20	Singapura
Sri Lanka	Jayathi De Silva	26	Colombo
Suwesya	Ida Ovmar	21	Luleå
Suwisa	Dijana Cvijetić	23	Gossau
Tansaniya	Jihan Dimachk	20	Dar es Salaam
Taylandiya	Chalita Suansane	22	Samut Prakan
Timog Aprika	Ntandoyenkosi Kunene	24	Mkhondo
Timog Korea	Jenny Kim	23	Seoul
Tsile	Catalina Cáceres	26	Santiago
Tsina	Li Zhenying	21	Shanghai
Turkiya	Tansu Sila Çakir	21	Istanbul
Ukranya	Alena Spodynyuk	19	Kyiv
Unggarya	Veronika Bodizs	24	Budapest
Urugway	Magdalena Cohendet	22	Artigas