Ang Miss Universe 2014 ay ang ika-63 edisyon ng Miss Universe pageant, na ginanap sa FIU Arena sa Miami, Florida Estados Unidos noong 25 Enero 2015.
Miss Universe 2014 | |
---|---|
Petsa | 25 Enero 2015 |
Presenters |
|
Entertainment |
|
Pinagdausan | FIU Arena, Miami, Florida, Estados Unidos |
Brodkaster | |
Lumahok | 88 |
Placements | 15 |
Hindi sumali |
|
Bumalik |
|
Nanalo | Paulina Vega Kolombya |
Congeniality | Queen Celestine Niherya |
Pinakamahusay na Pambansang Kasuotan | Elvira Devinamira Indonesya |
Photogenic | Gabriela Berrios Porto Riko |
Pagkatapos ng kompetisyon, kinoronahan ni Gabriela Isler ng Beneswela si Paulina Vega ng Kolombya bilang Miss Universe 2014. Ito ang ikalawang tagumpay ng Kolombya sa kasaysayan ng kompetisyon. Nagtapos bilang first runner-up si Nia Sanchez ng Estados Unidos, habang nagtapos bilang second runner-up si Diana Harkusha ng Ukranya.
Mga kandidata mula sa walumpu't-walong mga bansa at teritoryo ang lumahok sa edisyong ito. Pinangunahan ni Thomas Roberts at Natalie Morales ang kompetisyon, samantalang nagsilbi bilang mga backstage correspondent si Jeannie Mai. Nagtanghal sina Prince Royce, Nick Jonas, at Gavin DeGraw sa edisyong ito. Itinampok rin sa edisyong ito ang bagong DIC Crown na nagkakahalaga ng $300,000.
Nagsimula noong huling bahagi ng Setyembre 2013 ang mga negosasyon sa pagitan ng Kalihim ng Turismo ng Ceará sa Brazil at ng Miss Universe Organization, nang lumipad sa Fortaleza ang mga opisyales ng Miss Universe Organization upang simulan ang mga pag-uusap at pagsasaayos ng mga aktibidad para sa pageant. Ibinunyag ni Bismarck Maia, Kalihim ng Turismo ng Estado, sa pahayagan ng Fortaleza na Diário do Nordeste noong 11 Enero 2014 na ang pageant ay gaganapin sa Centro de Eventos do Ceará sa Fortaleza.
Noong 27 Marso 2014, tumugon sa pamamagitan ng isang sulatroniko si Annette Cammer, national licensing director ng Miss Universe Organization, sa isang tanong ng isang national director, na ang Miss Universe 2014 ay hindi na gaganapin sa Fortaleza, gaya ng ipinangako ng mga lokal na awtoridad. Opisyal nang tinapos ng Fortaleza ang kanilang bid upang idaos sa kanilang lungsod ang kompetisyon noong 20 Mayo, at apat na lungsod sa Brasil ang kanilang pinapalagay upang pumalit sa Fortaleza: Rio de Janeiro, Ribeirão Preto, Porto Alegre, at Manaus.
Noong 22 Agosto, nag-post si Donald Trump sa Twitter na nagsasaad na ang Miami at iba pang mga lungsod ay "naglalaban nang husto upang idaos ang pageant", at ang pag-anunsyo sa magiging host city ng pageant ay gagawin sa lalong madaling panahon. Ang partikular na pagbanggit ng lungsod ng Miami ay nag-udyok sa marami sa mga manonood ng pageant na maniwala na ang pageant ay idadaos sa lungsod sa unang pagkakataon mula noong 1997. Noong 9 Setyembre, ang mga pahayagang El Nuevo Dia ng Porto Riko, at El Nacional ng Beneswela ay naglimbag ng isang artikulo na nagsasabing ang mga kalahok ay mananatili sa isang hotel na pag-aari ni Trump sa Miami.
Noong 12 Setyembre, inanunsyo ng noo'y alkalde ng Miami na si Luigi Boria na ang kompetisyon ay gaganapin sa 18 Enero 2015 sa Doral. Noong Oktubre, inanunsyo ng Miss Universe Organization sa kanilang website na magaganap ang kompetisyon sa FIU Arena, Miami, Florida sa 25 Enero 2015, imbis na sa 18 Enero.
Ang mga kalahok mula sa walumpu't-walong mga mga bansa at teritoryo ay napili upang lumahok sa kompetisyon. Anim na kandidata ang nailuklok upang kumatawan sa kanilang bansa/teritoryo matapos maging isang runner-up sa kanilang kompetisyong pambansa o napili sa isang casting process, at pitong kandidata ang napili matapos ang pag-urong ng orihinal na kalahok.
Dahil nagkaroon ng salungatan sa iskedyul ng Miss Universe 2015 at Miss France 2016 kung saan obligadong dumalo si Miss France 2015 Camille Cerf ayon sa kanyang kontrata, at dahil sa kakatapos lang ng Miss World 2014 na naganap sa Reyno Unido na sinalihan ni Miss France 2014 Flora Coquerel, iniluklok si Miss France 2015 upang lumahok sa edisyong ito imbis na si Coquerel. Si Coquerel ay lumahok sa sumunod na edisyon. Iniluklok ang second runner-up ng Miss Polonia 2011 na si Marcela Chmielowska upang kumatawan sa kanyang bansa dahil sa salungatan sa iskedyul ng Miss Universe 2014 at Miss Polonia 2014 na naganap noong Disyembre 2014.
Iniluklok ang first runner-up ng Miss Belgium 2014 na si Anissa Blondin upang kumatawan sa kanyang bansa sa Miss Universe matapos bumitiw ni Miss Belgium 2014 Laurence Langen dahil sa mga personal na dahilan. Iniluklok si Anđelka Tomašević upang pumalit kay Arnela Zeković bilang kandidata ng Serbya sa edisyong ito dahil sa mga personal na dahilan. Iniluklok ang second runner-up ng Miss Universe Tanzania 2014 na si Nale Boniface upang kumatawan sa kanya matapos maaksidente ang orihinal na nagwagi na si Carolyne Bernard. Dapat sanang lalahok si Rolene Strauss sa Miss Universe at Miss World. Gayunpaman, dahil nagwagi na si Strauss bilang Miss World 2014, siya ay pinalitan ng first runner-up ng Miss South Africa na si Ziphozakhe Zokufa upang kumatawan sa kanyang bansa sa Miss Universe. Iniluklok ang first runner-up ng Miss Universe Thailand na si Pimbongkod Chankaew, matapos bumitiw ng orihinal na nagwagi na si Weluree Ditsayabut matapos nitong i-post sa kanyang social media na dapat bitayin ang mga taga-suporta ng Punong Ministro ng Taylandiya. Iniluklok ang first runner-up ng Miss Universe China na si Hu Yanliang matapos bumitiw ang orihinal na nagwagi na si Nora Xu dahil napagdesisyunan nito na ipagpatuloy na lamang ang kanyang pag-aaral. Iniluklok ang first runner-up ng Miss Universe Ukraine 2014 na si Diana Harkusha matapos bumitiw ng orihinal na nagwagi na si Anna Andres dahil sa mga personal na dahilan.
Bumalik sa edisyong ito ang mga bansang Kenya na huling sumali noong 2005, Ehipto at Portugal na huling sumali noong 2011, at Albanya, Heyorhiya, Irlanda, Kosobo, Santa Lucia, at Urugway na huling sumali noong 2012. Hindi sumali ang second runner-up ng Miss Vietnam 2014 na si Nguyễn Lâm Diễm Trang na dapat sanang iluluklok bilang kinatawa ng kanyang bansa dahil sa kakulangan sa oras para maghanda para sa patimpalak. Hindi sumali ang mga bansang Aserbayan, Botswana, Dinamarka, Estonya, Namibya, at Rumanya matapos na mabigo ang kanilang mga organisasyong pambansa na magdaos ng kompetisyong pambansa o magtalaga ng kalahok.
Pagkakalat | Kandidata |
---|---|
Miss Universe 2014 | |
1st runner-up |
|
2nd runner-up |
|
3rd runner-up |
|
4th runner-up |
|
Top 10 | |
Top 15 |
Award | Contestant |
---|---|
Miss Congeniality |
|
Miss Photogenic |
|
Pagkakalagay | Kandidata |
---|---|
Nagwagi |
|
Top 5 |
Mula sa labing-anim ng nakaraang taon, labinlimang semi-finalist ang napili sa pamamagitan ng paunang kompetisyon at ang mga closed-door interview. Lumahok sa swimsuit competition ang labinlimang mga semi-finalist, at kalaunan ay pinili ang sampung mga semifinalist. Lumahok sa evening gown competition ang sampung mga semifinalist at kalaunan ay pinili ang limang pinalista. Limang pinalista ang sumabak sa paunang question-and-answer round at final walk.
Walumpu't-walong kandidata ang lumahok para sa titulo.
Bansa/Teritoryo | Kandidata | Edad | Bayan |
---|---|---|---|
Albanya | Zhaneta Byberi | 19 | Tirana |
Alemanya | Josefin Donat | 20 | Leipzig |
Anggola | Zuleica Wilson | 21 | Cabinda |
Arhentina | Valentina Ferrer | 23 | Córdoba |
Aruba | Digene Zimmerman | 20 | Oranjestad |
Australya | Tegan Martin | 22 | Newcastle |
Austrya | Julia Furdea | 20 | Viena |
Bagong Silandiya | Rachel Millns | 23 | Wellington |
Bahamas | Tomii Culmer | 24 | Nassau |
Belhika | Anissa Blondin | 22 | Bruselas |
Beneswela | Migbelis Castellanos | 19 | Cabimas |
Brasil | Melissa Gurgel | 20 | Fortaleza |
Bulgarya | Kristina Georgieva | 22 | Sopiya |
Bulibya | Claudia Tavel | 25 | Santa Cruz |
Curaçao | Laurien Angelista | 27 | Willemstad |
Ehipto | Lara Debbana | 21 | Cairo |
Ekwador | Alejandra Argudo | 22 | Portoviejo |
El Salvador | Patricia Murillo | 22 | San Salvador |
Eslobakya | Silvia Prochádzková | 23 | Bratislava |
Eslobenya | Urška Bračko | 21 | Maribor |
Espanya | Desirée Cordero | 22 | Sevilla |
Estados Unidos | Nia Sanchez | 24 | Las Vegas |
Etiyopiya | Hiwot Mamo | 24 | Adis Abeba |
Gabon | Maggaly Nguema | 22 | Libreville |
Gana | Abena Appiah | 21 | Accra |
Gran Britanya | Grace Levy | 25 | Londres |
Gresya | Ismini Dafopoulou | 26 | Atenas |
Guam | Brittany Bell | 27 | Barrigada |
Guwatemala | Ana Luisa Montúfar | 21 | Lungsod ng Guwatemala |
Guyana | Niketa Barker | 24 | Georgetown |
Hamayka | Kaci Fennell | 23 | Kingston |
Hapon | Keiko Tsuji | 21 | Nagasaki |
Hayti | Christie Désir | 25 | Port-au-Prince |
Heorhiya | Ana Zubashvilli | 22 | Tbilisi |
Honduras | Gabriela Ordoñez | 21 | Comayagua |
Indiya | Noyonita Lodh | 21 | Bangalore |
Indonesya | Elvira Devinamira | 21 | Surabaya |
Irlanda | Lisa Madden | 23 | Cork |
Israel | Doron Matalon | 21 | Beit Aryeh-Ofarim |
Italya | Valentina Bonariva | 25 | Milan |
Kanada | Chanel Beckenlehner | 27 | Caledon |
Kapuluang Birheng Britaniko | Jaynene Jno Lewis | 26 | Tortola |
Kapuluang Turks at Caicos | Shanice Williams | 21 | Grand Turk |
Kasakistan | Aiday Issayeva | 25 | Almaty |
Kenya | Gaylyne Ayugi | 21 | Nairobi |
Kolombya | Paulina Vega | 22 | Barranquilla |
Kosobo | Artnesa Krasniqi | 23 | Pristina |
Kosta Rika | Karina Ramos | 21 | San José |
Kroasya | Ivana Mišura | 26 | Zagreb |
Libano | Saly Greige | 25 | Bishmizzine |
Litwanya | Patricija Belousova | 19 | Vilna |
Malaysia | Sabrina Beneett | 24 | Kuala Lumpur |
Mawrisyo | Pallavi Gungaram | 21 | Vacoas-Phoenix |
Mehiko | Josselyn Garciglia | 24 | La Paz |
Myanmar | Sharr Htut Eaindra | 20 | Yangon |
Niherya | Queen Celestine | 22 | Lagos |
Nikaragwa | Marline Barberena | 27 | Chichigalpa |
Noruwega | Elise Dalby | 19 | Hamar |
Olanda | Yasmin Verheijen | 21 | Amsterdam |
Panama | Yomatzy Hazlewood | 23 | Lungsod ng Panama |
Paragway | Sally Jara | 21 | Asuncion |
Peru | Jimena Espinoza | 26 | Lungsod ng Lima |
Pilipinas | Mary Jean Lastimosa | 27 | Tulunan |
Pinlandiya | Bea Toivonen | 22 | Helsinki |
Polonya | Marcela Chmielowska | 23 | Varsovia |
Porto Riko | Gabriela Berríos | 24 | Toa Baja |
Portugal | Patrícia Da Silva | 25 | Lisboa |
Pransiya | Camille Cerf | 20 | Coulogne |
Republikang Dominikano | Kimberly Castillo | 26 | Higüey |
Republikang Tseko | Gabriela Franková | 21 | Praga |
Rusya | Yulia Alipova | 24 | Balakovo |
Santa Lucia | Roxanne Didier-Nicholas | 23 | Castries |
Serbiya | Anđelka Tomašević | 21 | Zubin Potok |
Singapura | Rathi Menon | 24 | Singapura |
Sri Lanka | Avanti Marianne | 25 | Colombo |
Suwesya | Camilla Hansson | 26 | Estokolmo |
Suwisa | Zoé Metthez | 21 | Neuchâtel |
Tansaniya | Nale Boniface | 23 | Dodoma |
Taylandiya | Pimbongkod Chankaew | 20 | Bangkok |
Timog Aprika | Ziphozakhe Zokufa | 23 | Cape Town |
Timog Korea | Yoo Ye-bin | 22 | Daegu |
Trinidad at Tobago | Jevon King | 26 | Diego Martin |
Tsile | Hellen Toncio | 20 | Santiago |
Tsina | Hu Yanliang | 24 | Beijing |
Turkiya | Dilan Çiçek Deniz | 20 | Istanbul |
Ukranya | Diana Harkusha | 20 | Kharkiv |
Unggarya | Henrietta Kelemen | 21 | Budapest |
Urugway | Johana Riva | 24 | Montevideo |
This article uses material from the Wikipedia Tagalog article Miss Universe 2014, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Maaaring gamitin ang nilalaman sa ilalim ng CC BY-SA 4.0 maliban kung nabanggit. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tagalog (DUHOCTRUNGQUOC.VN) is an independent company and has no affiliation with Wiki Foundation.