Мулло Нуров

Рӯдакӣ)">Шайнаки Гадо, ноҳияи Ҳисор, ҶШС Тоҷикистон — 2 декабри 1992, Тоҷикистон) — майори милиса, бозраси БДА ва яке аз намодҳои Душанбе дар замони шӯравӣ.

Мулло Нуров
Таърихи таваллуд	8 март 1936(1936-03-08)
Зодгоҳ	Шайнаки Гадо, деҳоти Чортеппа, ноҳияи Рӯдакӣ, ҶШС Тоҷикистон, ИҶШС
Таърихи даргузашт	2 декабр 1992(1992-12-02) (56 сол)
Маҳалли даргузашт	Тоҷикистон

Ӯ 8 марти 1936 дар рустои Шайнаки Муллогадои ноҳияи Ҳисор севумин писар дар хонаводаи Нурмаҳмад Нуров ба дунё омадааст. Падараш номи ӯро Ёрмаҳмад гузошт. Писари боҳушу доно бузург шуд. Падараш дар хона ҷувози равғанкашӣ дошт, ӯ дар ин кор падарашро ёрӣ мекард ва дар лаҳзоти истироҳат аз ӯ дарси хондани Қуръон мегирифт. Дар ҳаштсолагӣ Ёрмуҳаммад бештаре аз оёти Қуръонро азёд кард, ки боиси ба худ гирифтани номи дувумаш — Мулло гардид ва ӯ то поёни умр бо ин ном зиндагӣ кард.

Ба гуфтаи бастагонаш, ӯ аз кӯдакӣ шефтаи мошинҳо буд ва орзу дошт, ки ба унвони ронанда кор кунад. Дар даҳаи 1950 ба сафи Артиши Шӯравӣ даъват шуд. Ӯ дар Қазоқистон, дар мавзеъҳои мушакии Байконур хидмат кардааст. Ба гуфтаи худи Нуров, дар артиш ронандаи «падар»-и мушаксозони ИҶШС Сергей Королев буд ва ҳамзамон ба ӯ муяссар шуд, ки фазонавардони машҳур, аз ҷумла Валентина Терешковаро аз наздик бубинад.