Аҳмад Зоҳир
Аҳмад Зоҳир (дарӣ: احمد ظاهر; 14 июн 1946 (1946-06-14), Кобул — 14 июни 1979, Кобул, Афғонистон) — сароянда ва оҳангсози афғонистонӣ.
| форсӣ: احمد ظاهر | |
 Аҳмад Зоҳир, солҳои 70-уми асри гузашта | |
| Иттилооти асосӣ | |
| Таърихи таваллуд | 14 июн 1946 |
| Зодгоҳ | |
| Таърихи даргузашт | 14 июн 1979 (33 сол) |
| Маҳалли даргузашт | |
| Солҳои фаъолият | 1964 — 1979 |
| Кишвар | |
| Пеша(ҳо) | сароянда ва оҳангсоз |
| Соз | гитор |
| Ношир(он) | EMI[d] |
| ahmadzahir.com | |
.svg){kind=small}
Шарҳи ҳол
Аҳмад Зоҳир 14-уми июни соли 1946 дар оилаи ходими давлатии Афғонистон Абдузоҳир ба дунё омадааст. Хатмкардаи литсеи «Ҳабибия» ва Дорулмуаллимини Кобул, муддате дар шаҳри Деҳлӣ (Ҳиндустон) дар риштаи таълиму тарбия таҳсил намудааст. Аз 15-солагӣ ба сурудхонӣ шурӯъ намуда, нахустконсерташро дар 18-солагӣ доир кардааст. Овози форам, маҳорату малака ва дониши хуб дар интихоби матну оҳанг ва тарзи нави иҷрои суруд ба ӯ имкон доданд, ки дар муддати кӯтоҳ шуҳрат ёбад.
Сабк
Нахустин ҳунарманди Афғонистон аст, ки созҳои мусиқии барқиро истифода кардааст. Аз соли 1972 то поёни умр ҳамасола бонуфузтарин ҷоизаи санъати сарояндагии Афғонистон «Хонандаи беҳтарини сол»-ро сазовор гардидааст.
Эҷодиёт
Феҳристи таронаҳои Аҳмад Зоҳир беш аз 600 сурудро дар бар мегирад, ки асосан ба забони дарӣ ва чанде ба забонҳои пашту, ҳиндӣ, англисӣ ва русӣ суруда шудаанд. Оҳангу таронаҳояш аз рӯйи сабку шеваи иҷро асосан дар пайравии оҳангҳои анъанавии миллӣ ва қисман сабки мусиқии ҳиндӣ ва ғарбӣ эҷод шудаанд. Бар асоси оҳангҳои такмилдодаи халқӣ низ таронаҳои зиёде сурудааст. Барномаи бебаҳояш аз эҷодиёти қариб сад шоири пешину муосири форс-тоҷик гулчин шудааст. Ба мавзӯъҳои ишқӣ, ватандӯстӣ-иҷтимоъӣ зиёдтар таваҷҷуҳ намудааст.
Дар Тоҷикистон суруду таронаҳои Аҳмад Зоҳир маҳбубияти зиёд доранд. Бисёр сарояндагони тоҷик дар пайравии ӯ таронаҳо месароянд. Дар бораи ҳаёту эҷодиёти Аҳмад Зоҳир садҳо лавҳаву мақола ва китобҳои алоҳида нашр шудаанд.
Феҳрасти сурудҳо
Ин феҳрист аз ҷониби устод Комилҷон Аҳроров ва дигар ҳаводорони санъати волои Аҳмад Зоҳир тартиб дода шудааст:
Эзоҳ
Адабиёт
- Боз омадам. Душанбе, 1992;
- Султони Ҳамад. Султони қалбҳо. Душанбе, 2005;
- Султони Ҳамад. Пайванди Аҳмад Зоҳир бо Мавлавӣ. Душанбе, 2007;
- Исфандиёр. Як мушт шеъру як мушт оҳанг. Душанбе, 2008;
- Султони Ҳамад. Аҳмад Зоҳир ва мусиқии Ғарб. Душанбе, 2012.
Пайвандҳо
This article uses material from the Wikipedia Тоҷикӣ article Аҳмад Зоҳир, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Муҳтаво таҳти иҷозатномаи CC BY-SA 4.0 ва ё дигар дастрас аст. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тоҷикӣ (DUHOCTRUNGQUOC.VN) is an independent company and has no affiliation with Wiki Foundation.