Бангкок

Шаҳр
Бангкок
тайландӣ: กรุงเทพมหานคร
Парчам Нишон
HGЯO
Кишвар	Таиланд
Роҳбар	Chadchart Sittipunt[d]
Таърих ва ҷуғрофиё
Таъсис	21 апрел 1782
Масоҳат	1 568,737 км²
Баландии марказ	2 м
Минтақаи замонӣ	UTC+07:00[d]
Аҳолӣ
Аҳолӣ	▼5 676 648 тан (31 декабр 2018)
Шиносаҳои ададӣ
Пешшумораи телефон	+66 Шаблон:Без начала
Нишонаи почта	10###
bangkok.go.th Шаблон:Ref-th(англ.)
Бангкок
Парвандаҳо дар Викианбор

Дар резишгоҳи дарёи Меном-Чао-Прая, 30 км дуртар аз соҳили халиҷи Сиами Баҳри Ҷануби Хитой, ҷойгир аст. Аҳолиаш 9,1 млн нафар (бо сокинони атрофаш; 2010).

Бангкок яке аз шаҳрҳои аз ҷиҳати иқтисодӣ пешрафтаи Осиёи Ҷанубу Шарқӣ буда, маркази савдою нақлиёти байналхалқист. Масоҳ. 1,5 ҳазор км. Яке аз шаҳрҳои серсайёҳи ҷаҳон буда, даромади асосиаш аз ҳисоби сайёҳӣ ба даст меояд. Маркази р. о. дорад. Аэропорти нави байналмилалии Бангкок-Суварнабхум (28 сент. 2006) яке аз бузургтарин аэропортҳои дунё ба ҳисоб меравад. Дар Бангкок ва гирду атрофи он корхонаҳои тахтабурӣ, таъмири киштӣ, з-ди шоликӯбӣ, коркарди нафт, з-ди семент, ф-каҳои истеҳсоли резин, коғаз, пойафзор, шиша, маснуоти кулолӣ фаъолият дошта, саноати кимиё тараққӣ кардааст. Ҳунармандӣ низ ривоҷ ёфтааст. Аз чӯб, филиззот ва сангҳои қиматбаҳо ҳар гуна маснуоти армуғонӣ тайёр мекунанд. Яке аз соҳаҳои тараққикардаи Бангкок васлкунӣ (ҷамъкунӣ) ва истеҳсоли қисмҳои компютер, телевизор, трансформатор ва радиоприёмник мебошад.

Иқлими Бангкок субэкваторӣ, тамоми сол гарм аст. Зимистон камбориш, аммо моҳи сент. сербориштарин (350 мм) мавсим аст. Наҳрҳои сершумор шаҳрро бо дарёи Чао-Прая мепайванданд, аз ин рӯ, Бангкокро Венетсияи Шарқӣ ном мебаранд. Қасру маъбадҳои зиёд дорад (садаҳои 18-19). Дар Бангкок донишгоҳ (1917), институтҳои тиббӣ, политехникӣ, кишоварзӣ, китобхонаи миллӣ, музейи миллӣ ва театрҳо мавҷуданд. Ҳамчун шаҳр аз садаи 16 вуҷуд дорад.