Agrikultura mak atividade hanesan kuda to'os ka hakiak animal hodi kria aihan ka medisina no agrikultura Mak Sai Hun ba Vida Moris Nia .
Iha mundu agrikultura hahu'u tinan 10.000 liu ba iha area naran Crescente Fértil, ne'ebé ohin loron konhese nu'udar nasaun Irak, Syria, Turquia, no Egito. Dahuluk ema kuda trigu no cevada, maibe iha tempu ne'eba sira mos hetan aihoris fuik. Iha tempu ne'eba karik ema hahuu agrikultura tanba iha mudansa ba klimatika no mudansa rai. Ho agrikultura ema bele han barak liu se kompara ho buka aihan fuik.
Iha mundu populasaun hamutuk 2,5 billaun mak halo to'os. Parte 80 % husi populasaun Timór Lorosa'e halo to'os hodi fornese aihan loron-loron. Iha nasaun riku sira, populasaun 10% de'it mak halo to'os.
Iha nasaun riku sira, to'os sira luan tebes no ema kuda aihan liuliu hodi fa'an no distribui deit, laos hodi konsume. To'os nain sira iha nasaun riku mos uza makina atu bele hodi halo fasil no kuda aihan barak liutan. Sistema agrikultura ne'e avansadu maibe bele kria polusaun ba rai no ar, tanba uza produtu kimika barak.
Iha mundu tomak produtu agrikultura ne'ebé produz barak liu mak: tohu, batar no foos.
This article uses material from the Wikipedia Tetun article Agrikultura, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Conteúdo disponibilizado nos termos da CC BY-SA 4.0, salvo indicação em contrário. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tetun (DUHOCTRUNGQUOC.VN) is an independent company and has no affiliation with Wiki Foundation.