L' agritchultuthe ( agritchultuthe) est la faîs'sie d'mangi, dé taile, dé fouâle, et d'aut's matéthiaux en tchultivant des pliantes ou en êl'vant des bêtes.
Ch't' articl'ye fut c'menchie en Jèrriais |
42% (estînmé 2002) d'la populâtion du monde travâlent dans l'agritchultuthe, mais raîque 4.4% (estînmé 2005) du bein finnancyi mondial veint d'l'agritchultuthe.
Dans les touos vièrs temps, nou chassait et tchilyait des frits, des lédgeunmes et des réchinnes s'lon les saîsons d'avoût et s'lon l'èrmueûthie saîsonniéthe des bêtes.
I' sembliéthait qu'des gens c'menchîtent à apprivouaîsi des bêtes et plianter d'la s'menche dans des difféthentes contrées, sustout dans l'Êst du Mitan, y'a dans les 10,000 ans. Y'a du têmouongnage archéologique d'la fèrméthie sus les bords du Nil, entré les deux riviéthes en Mésopotanmie, et en Anatolie dans la P'tite Âsie.
Pouortchi qu'les gens ont c'menchi à r'nonchi eune vie d'èrmueûthie à seule fîn d'settler dans des villages et graie des fèrmes? Nou n'sait pon, mais ch'tait p't-êt' qu'i' y'eût un changement d'clyînmat, ou qu'la craîssance d'la populâtion oblyigîtent eune manniéthe dé vie tchi pouôrrait souôt'nîn pus d'gens.
Ch'tait en l'Âge dé Bronze, qu'la fèrméthie d'vînt êtablyie et qu'nou trouve les preunmié empithes – car pouor souongni eune armée i' faut des stôrres dé mangi.
En 2004, la FAO des Nâtions Unnies estînmit la production agritchultuthelle mondiale coumme sied:
Les manniéthes dé production (millions d'tonnes) 2004 | |
---|---|
céréales | 2,264 |
lédgeunmes and m'lons | 866 |
réchinnes and patates | 715 |
lait | 619 |
frit | 503 |
viande | 259 |
hielle dé pliante | 133 |
paîsson (estînmé 2001) | 130 |
oeux | 63 |
pais | 60 |
taile dé pliante | 30 |
R'source: UN FAO[1] |
Les manniéthes tchultivées (millions d'tonnes) 2004 | |
---|---|
ros à chucre | 1,324 |
maïs | 721 |
fronment | 627 |
riz | 605 |
patate | 328 |
bette à chucre | 249 |
soya | 204 |
palme à hielle | 162 |
orge | 154 |
tonmate | 120 |
R'source: UN FAO[2] |
This article uses material from the Wikipedia Nouormand/Normaund article Agritchultuthe, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nouormand/Normaund (DUHOCTRUNGQUOC.VN) is an independent company and has no affiliation with Wiki Foundation.