ಯೋಗ

ಹಿಂದೂ ಧರ್ಮೊ, ಬೌದ್ಧ ಧರ್ಮೊ ಬುಕ್ಕೊ ಜೈನ ಧರ್ಮೊಡು ಈ ಪದೊನ್ ಧ್ಯಾನೊದ ಆಚರಣೆಲೆಡ್ ಗಳಸುವೆರ್. ಹಿಂದೂ ಧರ್ಮೊಡು, ಹಿಂದೂ ತತ್ವಶಾಸ್ತ್ರೊಡು ಆಜಿ ಸಂಪ್ರದಾಯಬದ್ಧ(ಆಸ್ತಿಕ) ಶಾಖೆ/ಪಂಥೊಲೆಡ್ ಒಂಜೆಗ್ ಈ ಪದೊನ್ ಗಳಸುವೆರ್. ಅತ್ತಂದೆ ಆ ಪಂಥೊಲು ತನ್ನ ಆಚರಣೆಲೆಡ್ದ್ ಮುಟ್ಟಿಯೆರೆ ಬಯಕ್ಕುನ ನೋಟೊಡು ಉಂದುವೇ ಪದೊನು ಗಳಸುವೆರ್. ಜೈನ ಧರ್ಮೊಡು ಮಾನಸಿಕ,ಮೌಖಿಕ ಬುಕ್ಕೊ ದೈಹಿಕ ಇಂಚಮಾಂತ ಚಟುವಟಿಕೆಗ್ ಇಡಿಯಾದ್ ಈ ಪದೊನ್ ಗಳಸುವೆರ್.

ಹಿಂದೂ ತತ್ವಶಾಸ್ತ್ರೊಡು ಪ್ರಸ್ತಾಪೊ ಆಯಿನ ಯೋಗದ ಮುಖ್ಯ ಶಾಖೆಲು ಪಂಡ ರಾಜ ಯೋಗ, ಕರ್ಮ ಯೋಗ,ಜ್ಞಾನ ಯೋಗ, ಭಕ್ತಿ ಯೋಗ, ಬುಕ್ಕೊ ಹಠ ಯೋಗ. ಪತಂಜಲಿನ ಯೋಗಸೂತ್ರೊಡು ಪ್ರಸ್ತಾಪೊ ಆಯಿನ ಬುಕ್ಕೊ ಹಿಂದೂ ತತ್ವಶಾಸ್ತ್ರೊದ ಸಂದರ್ಭೊಡು ಸರಳವಾದ್ ಯೋಗಂದ್ ಪನ್ಪುನ ರಾಜ ಯೋಗೊ ಸಾಂಖ್ಯ ಸಂಪ್ರದಾಯೊಗು ಸೇರ್‍ನವು. ಬೇತೆ ಬೇತೆ ಹಿಂದೂ ಗ್ರಂಥೊಲೆಡ್ ಉಪನಿಷತ್ತುಲು, ಭಗವದ್ಗೀತೆ, ಹಠಯೋಗ ಪ್ರದೀಪಿಕಾ, ಶಿವಸಂಹಿತೆ ಬುಕ್ಕೊ ದಿಂಜ ಅತಂತ್ರಲು ಸೇರ್‍ನಂಚ ಯೋಗೊದ ಬೇತೆಬೇತೆ ಮೋರೆ ಮರ್ಗಿಲ್‍ಲೆನ್ ಚರ್ಚಿಸಾವುಂಡು.

ಸಂಸ್ಕೃತೊ ಪದೊ ಯೋಗ ಮಸ್ತ್ ಅರ್ತೊಲೆನ್ ಹೊಂದ್‌ಂಡ್. ಯೋಗೊ ಪದೊಕು "ನಿಯಂತ್ರಿಸು" "ಐಕ್ಯವಾಗು" ಅತ್ತಂಡ "ಒಗ್ಗಟ್ಟಾಗು" ಇಂಚಿತ್ತಿನ ಅರ್ತೊಲ್ ಸಂಸ್ಕೃತೊ ಮೂಲೊ "ಯುಜ್‌,"ಡ್ದ್ ವ್ಯತ್ಪನ್ನವಾತ್‍ಂಡ್. ಇಂದೆನ ರೂಪಾಂತರೊಲು ಪಂಡ "ಸೇರಿಸುವಿಕೆ", "ಜೊತೆಗೂಡುವಿಕೆ", "ಒಕ್ಕೂಟ", "ಸಂಯೋಗ", ಬುಕ್ಕೊ "ನಿಮಿತ್ತ/ಉಪಕರಣ". ಭಾರತೊಡ್ದ್ ಪಿದಾಯಿಡ್ ಯೋಗ ಪದೊನ್ ಸಾಮಾನ್ಯವಾದ್ ಹಠ ಯೋಗ ಬುಕ್ಕೊ ಅಯಿತ ಆಸನೊಲೆನ್ ಸೂಚಿಸಯರ ಭಂಗಿಲು ಅತ್ತಂಡ ವ್ಯಾಯಾಮೊದ ಒಂಜಿ ರೂಪೊ ಆದ್ ಪರಿಗಣಿಸವೆರ್. ಯೋಗೊನು ಅಭ್ಯಾಸೊ ಮಲ್ಪುನಕುಲು ಅತ್ತಂಡ ಯೋಗ ಸಿದ್ಧಾಂತೊನು ಅನುಸರಿಸವುಕುಲೆನ್ ಯೋಗಿ ಅತ್ತಂಡ ಯೋಗಿನಿ ಪಂಡ್‍ದ್ ಲೆಪ್ಪುವೆರ್.

ಜೂನ್‌ ೨೧, ೨೦೧೫ದಾನಿ ಕಾಂಡೆ ಏಳೆರ್ದ್ ಏಳರೆಕ್ಕ್ ಮುಟ್ಟ ಅರ್ಧೊ ಗಂಟೆದ ಸುರೂತ ವಿಶ್ವಯೋಗ ದಿನಾಚರಣೆನ್ ರಾಜಪಥೊಡು ಕೇಂದ್ರ ಸರ್ಕಾರ ಪ್ರಧಾನಿ ನರೇಂದ್ರ ಮೋದಿಯೆರೆನ ನೇತೃತ್ವೊಡು ಆಚರಿಸವೊಂದುಲ್ಲೆರ್. ಈ ಐತಿಹಾಸಿಕ ಸಂದರ್ಭೊಡು ಪ್ರಧಾನಿಯೆರೆ ಜೊತೆಟ್ ಕೇಂದ್ರ ಗೃಹ ಸಚಿವೆರ್ ರಾಜನಾಥ್‌ ಸಿಂಗ್‌ ಯೋಗ ಮಲ್ಪುವೆರ್. ವಿಶ್ವ ಯೋಗದಿನೊನು ಐತಿಹಾಸಿಕ ಆಪುನ ನಿಲೆಟ್ ಕೇಂದ್ರ ಸರ್ಕಾರ ಮಸ್ತ್ ಗಣ್ಯೆರೆನ್ ಲೆತ್ತ್‌ದೆರ್. ಕಾಂಗ್ರೆಸ್‌ ಅಧ್ಯಕ್ಷೆ ಸೋನಿಯಾ ಗಾಂಧಿ, ಕಾಂಗ್ರೆಸ್‌ ಉಪಾಧ್ಯಕ್ಷೆರ್ ರಾಹುಲ್‌ ಗಾಂಧಿ ಅಂಚನೆ ದೆಹಲಿದ ಸಿಎಂ ಅರವಿಂದ್​ ಕೇಜ್ರಿವಾಲ್ ಅಕ್ಲೆನ್ ಲೆತ್ತ್‌ದೆರ್. ಈ ಲೇಸ್‍ಡ್ ಜೋಕ್ಲು, ಸೈನಿಕೆರ್, ಬುಕ್ಕೊ ಪೊಲೀಸೆರ್ ಇಂಚ ೧ ಲಕ್ಷೊಗು ಹೆಚ್ಚ ಜನೊ ಭಾಗವಹಿಸವೆರ್. ದೇಸೊದ ಪೂರ ರಾಜ್ಯೊಡುಲಾ ಎಲ್ಲೆ ಅಂತಾರಾಷ್ಟ್ರೀಯ ಯೋಗ ದಿನಾಚರಣೆನ್ ಮಲ್ರೊಂದುಲ್ಲೆರ್. ಯೋಗತರಬೇತಿ ಕಾರ್ಯಕ್ರಮೊಲು ನಡಪಿಯರ ಉಂಡು.

ಪತಂಜಲಿನ ಯೋಗೊ ಸೂತ್ರೊಲು

ಭಗವದ್ಗೀತೆ

ಹಠ ಯೋಗೊ

 

ಬೌದ್ಧಧರ್ಮೊಡು ಯೋಗೊ

ಜೈನಧರ್ಮೊಡು ಯೋಗೊ

ಇಸ್ಲಾಂ ಧರ್ಮೊಡು ಯೋಗೊ

ಕ್ರೈಸ್ತ ಧರ್ಮೊಡು ಯೋಗೊ