ಸಾರಾ ಅಬೂಬಕ್ಕರ್ (ಜೂನ್ ೩೦, ೧೯೩೬) ಕನ್ನಡದ ಪ್ರಮುಖ ಕಥೆ, ಕಾದಂಬರಿಗಾರ್ತಿಯಾದ್ ಪ್ರಸಿದ್ಧೆರಾತೆರ್.
ಸಾರಾ ಅಬೂಬಕ್ಕರ್ | |
---|---|
ಪುಟ್ಟಿನ ಊರು | ಜೂನ್ ೩೦, ೧೯೩೬ ಕಾಸರಗೋಡು |
ಬಾಸೆ | ಕನ್ನಡ |
ಕನ್ನಡದ ಪ್ರಖ್ಯಾತ ಲೇಖಕಿ ಸಾರಾ ಅಬೂಬಕ್ಕರ್ ಅವರು ಜೂನ್ ೩೦, ೧೯೩೬ಕ್ ಕಾಸರಗೋಡಿನ ಚಂದ್ರಗಿರಿ ತೀರದ ಕುಗ್ರಾಮವೊಂಜೆಟ್ ಪುಟ್ಟಿಯೆರ್. ಅಮ್ಮೆರ್ ನ್ಯಾಯವಾದಿಗಲಾದ್ ಇತ್ತ್ನ ಪಿ. ಅಹಮದ್ ಬೊಕ್ಕ ಅಪ್ಪೆ ಚೈನಾಬಿ. ಸಾರಾ ಅರೆನ ಪ್ರಾಥಮಿಕ ವಿದ್ಯಾಭ್ಯಾಸ ಪುಟ್ಟ್ನ ಊರುಡೇ ಆಂಡ್. ಬೊಕ್ಕ ಆರ್ ಹೈಸ್ಕೂಲು ಮುಟ್ಟ ಕಲ್ತ್ನೆ ಕಾಸರಗೋಡುಡು. ಅರೆಬಿಕ್ ಕಲ್ತ್ದ್ ಇತ್ತ್ನ ಅಜ್ಜಿ ಪನೊಂದು ಇತ್ತ್ನ ಕಥೆಕುಲೆರ್ದ್ ಆಕರ್ಷಿತೆರಾದ್ ಸಾಹಿತ್ಯೊಡು ದಾದಂಡಲಾ ಸಾಧಿಸವೊಡು ಪನ್ಪುನ ಆಶಯ ಅರೆನ ಬಾಲ್ಯೊಡೇ ಮೂಡಿದ್ ಬತ್ತ್ದ್ ಇತ್ತ್ಂಡ್. ಎಂಜಿನಿಯರ್ ಆದ್ ಇತ್ತ್ನ ಅಬೂಬಕ್ಕರ್ ಅರೆನ ಒಟ್ಟುಗು ಸಾರಾ ಅರೆನ ಮದಿಮೆ ಆಯಿ ಬೊಕ್ಕ ವಿದ್ಯಾಭ್ಯಾಸೊಗು ವಿದಾಯ ಪನ್ಪುನಂಚ ಆಂಡ್. ಆಂಡ ಓದುನೆಟ್ ನಿರಂತರ ಆಸಕ್ತೆರಾದ್ ಇತ್ತ್ನ ಸಾರಾ ಶಿವರಾಮಕಾರಂತೆರ್, ಇನಾಂದಾರ್, ಭೈರಪ್ಪ, ಅನಂತಮೂರ್ತಿ ಮೊಕುಲೆನ ಬರವಣಿಗೆಗ್ ಮಾರ್ ಪೋದ್ ಸದಾ ಓದುನೆಟ್ ಮಗ್ನೆರಾದ್ ಇತ್ತೊಂದು ಇತ್ತೆರ್. ಮನೋವಿಜ್ಞಾನದ ಬಗೆಟ್ಟ್ ತ್ರಿವೇಣಿಯೆರ್ ಬರೆಯಿನ ಕಾದಂಬರಿಲು ಸಾರಾನ್ ಆಕರ್ಷಣೆ ಪುಟ್ಟಂಡ್. ಬದುಕೊಂದು ಇತ್ತ್ನ ಸುತ್ತಮುತ್ತಲ್ದ ಪರಿಸರೊಡು ಮನೋವ್ಯಾಕುಲತೆಗೊಳಗಾವೊಂದು ಇತ್ತ್ನ ಮಸ್ತ್ ಸಹ ಧರ್ಮೀಯೆರೆನ ಕುರಿತಾದ್ ಅರೆನ ಮನಸ್ಸ್ ನಿರಂತರವಾದ್ ಮಿಡಿಯೊಂದು ಇತ್ತ್ಂಡ್. ತಲಾಕ್ ಸಂಪ್ರದಾಯ, ಜೋಕುಲಾಯಿನೆರ್ದ್ ಬೊಕ್ಕದ ಅಸಹನೀಯ ಬದುಕ್ ಉಂದು ಪೂರ ಸಾರಾ ಮೆರೆನ್ ಕಾಡೊಂದು ಇತ್ತ್ಂಡ್.
ಅಣ್ಣೆ ಕನತ್ದ್ ಕೋರೊಂದು ಇತ್ತ್ನ ವೈಕಂ ಮಹಮದ್ ಬಷೀರ್ ಅರೆನ ಕಾದಂಬರಿಲೆನ ಓದುದ ಪ್ರಭಾವೊರ್ದು ಅರೆಡ ಬರೆವೊಡು ಪನ್ಪುನ ಅಂತರಾಳದ ಒತ್ತಡ ನಿರಂತರವಾದ್ ಹೊರಹೊಮ್ಮೊಂದು ಇತ್ತ್ಂಡ್. ಹಲವಾರ್ ವರ್ಸೊ ಸಾಮಾಜಿಕ ಸಮಸ್ಯೆಲೆನ ಮಥನೊರ್ದು ಆದ್ ಎಂ.ಕೆ.ಇಂದಿರಾ ಮೆರೆನಂಚ ನಲ್ಪ ಕರಿನೆರ್ದ್ ಬೊಕ್ಕ ಸಾರಾ ಅಬೂಬಕ್ಕರ್ ಬರೆಯೆರೆ ಸುರುಮಲ್ತೆರ್. ಇಂಚ ಆರ್ ಬರೆಯಿನ ಸುರುತ ಕಾದಂಬರಿ ‘ಚಂದ್ರಗಿರಿಯ ತೀರದಲ್ಲಿ’ ಲಂಕೇಶ್ ಪತ್ರಿಕೆಡ್ ಧಾರಾವಾಹಿಯಾದ್ ಪ್ರಕಟ ಆಂಡ್. ಈ ಕಥೆಟ್ಟ್ ಪಿದಯಿ ಬತ್ತ್ನ ವಾಸ್ತವಿಕ ಬದುಕುದ ಚಿತ್ರಣ ಬೊಕ್ಕ ಧರ್ಮದ ಕಟ್ಟುಪಾಡುಲೆಡ್ ಶೋಷಿತೆರಾಯಿನ ಮಹಿಳೆಯೆರೆನ ದ್ವನಿಕುಲು ಅಸಂಖ್ಯಾತ ಓದುಗೆರೆನ ಹೃದಯೊನು ತಟ್ಟಿದ್ ಈ ಕಾದಂಬರಿ ಮಾತ ಕಡೆಟ್ಟ್ಲಾ ಮೆಚ್ಚುಗೆ ಪಡೆಂಡ್. ಆಯಿರ್ದ್ ಬೊಕ್ಕ ಸಾ.ರಾ.ಅಬೂಬಕ್ಕರ್ ಬರೆಯಿನ ಒರಿನ ಹಲವಾರ್ ಕಾದಂಬರಿಲು ಪಂಡ:
ಇಂಚಿತ್ತಿ ಹಲವಾರು ಪ್ರಮುಖ ಪ್ರಶಸ್ತಿ ಗೌರವೊಲು ಅರೆಗ್ ಸಂದ್ದ್ಂಡ್.
ನಮಡ ಮೂಡ್ದ್ ಬತ್ತ್ನ ಮುಕ್ತ ಮಾನೋಭಾವದ ಬಗೆಟ್ಟ್ ಸಾರಾ ಅಬೂಬಕ್ಕರ್ ಇಂಚ ಪನ್ಪೆರ್: “ಎನ್ನ ಅಜ್ಜೆರ್ ಪುಡಿಯಾಪುರ ಮಹಮದ್ ಆರ್ ಕೇರಳದ ಕಾಸರಗೋಡುಡು ಕೃಷಿಕೆರಾದ್ ಇತ್ತೆರ್. ಪಿರಾಕ್ದ ಕಾಲದಾರ್ ಆದ್ ಇತ್ತ್ಂಡಲಾ ಪ್ರಗತಿಪರ ಧೋರಣೆ ಹೊಂದ್ನಾರ್ ಆದ್ ಇತ್ತೆರ್. ಅರೆನ ಕಾಲೊಡೇ ಮಹಿಳಾ ಸ್ವಾತಂತ್ರ್ಯದ ಕನ ಕಟ್ಟ್ದ್ ಇತ್ತೆರ್. ಎನ್ನ ಅಮ್ಮೆರ್ ಪುಡಿಯಾಪುರ ಅಹಮದ್ ವಕೀಲೆರಾದ್ ಇತ್ತೊಂದು ಪ್ರಶ್ನಿಸುನ ಮನೋಭಾವ ಬುಲೆಪಾವೊಂದು ಇತ್ತೆರ್. ದಾದನೇ ಅಂಡಲಾ ಪ್ರಶ್ನಿಸವಂದೇ ಒತ್ತೊನಿಯೆರೆ ಬಲ್ಲಿ ಪನ್ಪುನ ಪಾಠೊನು ಎಂಕ್ ಪಂಡ್ದ್ ಕೊರೊಂದು ಇತ್ತೆರ್. ಎನನ್ ಶಾಲೆಗ್ ಸೇರಾದ್ ಓದಯೆರ್. ಅಂಚಾದ್ ಯಾನ್ ಪ್ರತಿಯೊಂಜೆನ್ಲಾ ಪ್ರಶ್ನಿಸಯೆರೆ ಸುರು ಮಲ್ತೆ. ಮುಸ್ಲಿಂ ಮಹಿಳೆಗ್ ಪ್ರತಿನಿತ್ಯ ಆಪುನ ಶೋಷಣೆ, ಅವಮಾನೊಲೆನ್ ಎಂಕ್ ಸಹಿಸಿಯೆರೆ ಆವೊಂದು ಇಜ್ಜಂಡ್. ಅಯಿನ್ ಲೇಖನಿದ ಮೂಲಕ ಬಿಚ್ಚದ್ ದೀಯೆ. ಯಾನ್ ಓದ್ದ್ನೆ ಮೆಟ್ರಿಕ್ ಮುಟ್ಟ ಮಾತ್ರ (11ನೇ ತರಗತಿ) ಎನನ್ ನನಲಾತ್ ಓದಿಸವೊಡು ಪನ್ಪುನ ಆಸೆ ಅಮ್ಮೆರೆಗ್ ಇತ್ತ್ಂಡ್. ಆಂಡ ಅನಿದ ಸಮಾಜ ಮುಸ್ಲಿಂ ಪೊಣ್ಣು ಜೋಕುಲು ಓದುನೆನ್ ಸಹಿಸೊಂದು ಇಜ್ಜಂಡ್. ಅಂಚಾದ್ ಪೊಣ್ಣು ಜೋಕುಲೆಗ್ ಶಿಕ್ಷಣ ತಿಕ್ಕೊಡೇ, ಉಂದೆಕ್ಕಾದ್ ಹೋರಾಟ ಮಲ್ಪೊಡು ಪಂಡ್ದ್ ಯಾನ್ ಅಪಗನೇ ನಿರ್ಧಾರ ಮಲ್ತ್ದ್ ಇತ್ತೆ.”
ಪೊಣ್ಣು ಜೋಕುಲೆಗ್ ಶಿಕ್ಷಣ ತಿಕ್ಕೊಡು ಪಂಡ್ದ್ ನಿರಂತರವಾದ್ ಪ್ರತಿಪಾದಿಸುನ ಸಾರಾ ಅಬೂಬಕ್ಕರ್ “ಪೊಣ್ಣು ಜೋಕುಲು ಪ್ರಾಣಿಲು, ಪೆದ್ದಿಯೆರೆ ಉಪ್ಪುನ ಯಂತ್ರೊಲು ಪಂಡ್ದ್ ಬಿಂಬಿಸುನ ಸಮಾಜ ನಮ್ಮವು. ಇಸ್ಲಾಂದ ಮೂಲೊಡು ಪೊಣ್ಣಗ್ ಅಪಾರವಾಯಿನ ಗೌರವ ಉಂಡು. ಆಂಡ ಸೌದಿ ಅರೇಬಿಯಾ ಮೂಲದ `ವಹಾದಿಸಂ’ ನು ದುಂಬು ದೀವೊಂದು ಇತ್ತೆದ ವಿಶ್ವದ ನಾನಾ ಭಾಗೊಲೆಡ್ ಪೊಣ್ಣು ಜೋಕುಲೆಗ್ ಶಿಕ್ಷಣ ಕೊರಿಯೆರ ಬಲ್ಲಿ ಪಂದ್ ವಾದ ಮಲ್ತೊಂದು ಉಲ್ಲೆರ್. ಪೊಂಜೊವುನಕ್ಲೆಗ್ ಶಿಕ್ಷಣ ತಿಕ್ಕೊಡು. ಅಯಿಟ್ಟ್ಲಾ ಅಪ್ಪೆನಕುಲೆಗ್ ಅಕ್ಷರ ಜ್ಞಾನ ಬೋಡು. ಆಂಡ ಕೇರಳ, ಕರ್ನಾಟಕ ಕರಾವಳಿ ಭಾಗದ ಬಹುತೇಕ ಮುಸ್ಲಿಂ ಕುಟುಂಬೊಲೆಡ್ ಅಪ್ಪೆನಕುಲೆಗ್ ಶಿಕ್ಷಣ ಇಜ್ಜಿ. ಒಲ್ಪನೋ ದೂರದ ದುಬೈಡೋ, ನನೊಂಜಿ ತಿಕ್ಕ್ಡ್ ಕುಲ್ಲ್ನ ಕಂಡನಿ ದುಡ್ಡು ಕಡಪುಡುವೆ. ಅಯಿನ್ ಜೋಕುಲು ಮಜಾ ಮಲ್ಪುವೆರ್. ದುಡ್ಡುನು ಸರಿಯಾದ್ ನಿರ್ವಹಿಸಿಯೆರೆ ಬರಂದಿ ಜೋಕುಲು ಕುಟುಂಬ ಸಮೇತ ಹಾಳಾಯಿನೆನ್ ಯಅನ್ ಕಣ್ಣಾರೆ ತೂತೆ. ಅಂಚಾದ್ ಅಪ್ಪೆನಕುಲೆನ್ ಶಿಕ್ಷಣೊರ್ದು ವಂಚಿಸವುನೆ ಸರಿಯತ್ತ್.” ಪಂಡ್ದ್ ಸ್ಪಷ್ಟಪಡಿಸವೆರ್.
This article uses material from the Wikipedia ತುಳು article ಸಾರಾ ಅಬೂಬಕ್ಕರ್, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.