ಕುಣಿಯೋಣು ಬಾರಾ ಕುಣಿಯೋಣು ಬಾ, ಇಳಿದು ಬಾ ತಾಯಿ ಇಳಿದು ಬಾ, ನಾನು ಬಡವಿ ಆತ ಬಡವ ಒಲವೆ ನಮ್ಮ ಬದುಕು, ಇಂಚ ಸುರುವಾಪುನ ಕವಿತೆಲೆನ್ ಕೇನಂದಿ ಕನ್ನಡಿಗೆರ್ ಇದ್ಯೆರ್.
ಉತ್ಸಾಹೊದ ಚಿಲ್ಮೆ ಆದಿಪ್ಪುನ, ಬೇನೆದ ಜೀವೊಗು ದೈರ್ಯೊ ಕೊರ್ಪುನ, ಪ್ರೀತಿ ಪ್ರೇಮೊನು ಮೂಡಾವುನ ಕವಿತೆಲೆನ್ ಕಟ್ಟ್ದ್ ಕೊರ್ನಾರ್ ಕನ್ನಡೊದ ವರಕವಿ ಬೇಂದ್ರೆ. 'ರಸೊ ಜನನೊ, ವಿರಸೊ ಮರಣೊ ಸಮರಸೊನೆ ಜೀವನೊ' ಪಂಡ್ಂದ್ ಬದ್ಕ್ದ ಬಗೆಟ್ ಮಲ್ಲಾದಿಗೆದ ಪಾತೆರ ಪಾತೆರ್ನ ಕವಿ ಬೇಂದ್ರೆ.
ಬೇಂದ್ರೆ ೧೮೯೬ನೆ ಇಸವಿ ಜನವರಿ ೩೧ದಾನಿ ಪುಟ್ಯೆರ್. ಬೇಂದ್ರೆನ ಅಮ್ಮೆರ್ ರಾಮಚಂದ್ರ ಭಟ್ಟ, ಅಪ್ಪೆ ಅಂಬಿಕೆ(ಅಂಬವ್ವ). ಬೇಂದ್ರೆರ್ನ ಕಾವ್ಯನಾಮೊ ಅಂಬಿಕಾತನಯದತ್ತ. ಬೇಂದ್ರೆನ ಮನೆತನೊದ ಪುದರ್ ಠೋಸರ. ಬೇಂದ್ರೆ ವೈದಿಕ ಕುಟುಂಬೊ. ಒಂಜಿ ಕಾಲೊಡು ಸಾಂಗ್ಲಿ ಸಂಸ್ಥಾನೊಗು ಸೇರ್ನ ಗದಗ ಪಟ್ಟಣೊದ ಕೈತಲ್ದ ಶಿರಹಟ್ಟಿಗ್ ಬತ್ತ್ ನೆಲೆಯಾಯೆರ್. ದ.ರಾ.ಬೇಂದ್ರೆ ಪತ್ತೊಂಜಿ ವರ್ಸೊದಾರಿಪ್ಪುನಗ ರಾಮಚಂದ್ರ ಭಟ್ರ್ ತೀರ್ಯೆರ್. ೧೯೧೩ಡ್ ಮೆಟ್ರಿಕ್ಯುಲೇಶನ್ ಓದ್ಯೆರ್. ಬುಕ್ಕೊ ಪುಣೆದ ಕಾಲೇಡ್ ಓದದ್ ೧೯೧೮ಡ್ ಬಿ.ಎ. ಓದಿಯೆರ್. ೧೯೩೫ಡ್ ಎಂ.ಎ. ಪದವಿ ಮಾಲ್ತ್ದ್ ಒಂತೆ ಸಮಯೊ ೧೯೪೪ - ೧೯೫೬ಗ್ ಮುಟ್ಟ ಸೊಲ್ಲಾಪುರೊದ ಡಿ.ಎ.ವಿ ಕಾಲೇಡ್ ಪ್ರಾಧ್ಯಾಪಕೆರಾದ್. ಬೇಂದ್ರೆ ೧೯೧೯ಡ್ ಹುಬ್ಬಳ್ಳಿಡ್ ಲಕ್ಷ್ಮೀಬಾಯಿ ಪನ್ಪುನಾರೆನ್ ಮದಿಮೆ ಆಯೆರ್.
This article uses material from the Wikipedia ತುಳು article ದ.ರಾ.ಬೇಂದ್ರೆ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.