ಸವಿತಾ ನಾಗಭೂಷಣ ನಮ್ಮ ನಡುಟು ಉಪ್ಪುನ ಸೂಕ್ಷ್ಮ ಮನಸ್ಸ್ದ ಕಾವ್ಯ ಸಂವೇದನೆದ ಮೂಲಕ ಗುರುತಿಸವೊಂದಿನಾರ್.
ಹೆಚ್ಚಾದ್ ವಿಮರ್ಶೆದ ಗೊಂದಲಲೆಗ್ ಗೂಡಾವಂದೆ ಯಾನಾಂಡ್ ಎನ್ನ ಕವಿತೆ ಆಂಡ್ ಪನ್ಪುನ ನಿರ್ಲಿಪ್ತತೆಡ್ ತನ್ನ ಅನುಭವ, ನೆನೆಪುಲೆಗ್ ಕವಿ ಭಾಷೆದ ಉಡುಗೆ ತೊಡಿಸಾದ್ ಕರಿನ ನಾಲ್ ದಶಕೊರ್ದು ಬರೆಯೊಂದು ಉಪ್ಪುನಾರ್. ಬರವಣಿಗೆ ಪನ್ಪುನವು ಅರೆಗ್ ತಾನ್ ಉಪ್ಪುನಾತೇ ಸಹಜ. ಅವರ ಕಲ್ಪನೆಯ ತೆಕ್ಕೆಗೆ ಸುತ್ತಲಿನ ಪರಿಸರ ಹೂವು, ಹಣ್ಣು, ಚಂದ್ರ, ತಾರೆ, ಭೂಮಿ, ಆಕಾಶ, ಗಿಡ, ಮರ, ಬಳ್ಳಿ ಮಾತಲಾ ಕಾವ್ಯ ವಸ್ತುವಾದ್ ಬಿಚ್ಚೊಂದು ಪೋಪುಂಡು. ತಾನ್ ಬದುಕೊಂದು ಉಪ್ಪುನ ಸಮಾಜದ ಬೇನೆ ಬೇಸರ್ಗ್ ದನಿ ಆವೊಂದೇ ಅಲ್ಪದ ಸಮಸ್ಯೆ, ಕಾವುಲೆಗ್ ಸರಳ ಸಾಂತ್ವನೊಲು ಅರೆನ ಕವಿತೆಲೆಡ್ ತಿಕ್ಕುಂಡು. ಒರ ಒರ ತುಂಟ ಪೊಣ್ಣನ ಬಾಯಿಪಾಠದಂಚ ಅರೆನ ಕವಿತೆಲು ಪೊಸಲೋಕವೊಂಜೆನ್ ನಮ್ಮ ದುಂಬು ಬುಡ್ಪಾದ್ ಕೊರ್ಪುಂಡು. ಶಬ್ದೊಲೆನ ಆಡಂಬರೊಡು ಅರೆನ ಕವಿತೆಲು ಒಲ್ಪಲಾ ಮುಚ್ಚಿದ್ ಪೋಪುಜಿ. ಸಹೃದಯ ಮನಸ್ಸ್ ಕವಿತೆದ ಜಾಡ್ ಪತೊಂದು ಹಿಂಬಾಲಿಸಿಯೆರೆ ಒಂತೆಲಾ ಕಷ್ಟ ಆವಂದಿಲೆಕೊ ಅಂಚನೇ ಅರೆನ ಬರವಣಿಗೆದ ಶೈಲಿ ನವಿರಾದ್ ಉಂಡು; ಅತೇ ಪ್ರಬುದ್ಧವಾದ್ಲಾ ಉಂಡು.
ಜೀವ ಸಂವೇದನೆನ್ ಸರಕು ಪ್ರಪಂಚ ಆಕ್ರಮಿಸವೊಂದು ಉಪ್ಪುನೆತ ಬಗೆಟ್ಟ್ ತೀವ್ರವಾಯಿನ ವಿಷಾದ ವ್ಯಕ್ತಪಡಿಸವುನ ಆರ್ ಜೀವ ಕಾರುಣ್ಯದ ನೆಲೆಯೊಂಜೆನ್ ಶೋಧಿಸಾಯೆರೆ ಪ್ರಯತ್ನ ಮಲ್ಪುವೆರ್. ಬುದ್ಧೆ, ಬಸವೆ, ಗಾಂಧಿ, ಅಂಬೇಡ್ಕರ್ ಚಿಂತನೆಯ ಎಳೆಗಳು ಈ ಹುಡುಕಾಟದ ಬಿರು ಬಿಸಿಲಿನ ಹಾದಿಯ ನೆರಳುಗಳು. ಬಂದೂಕಿನ ನಳಿಕೆಯಲ್ಲೂ ಗೂಡು ಕಟ್ಟುವ ಗುಬ್ಬಚ್ಚಿಗಳ ಚಿತ್ರ ಕಲ್ಪಿಸವುನ ಆರ್ ಕೌರ್ಯೊನು ಧಿಕ್ಕರಿಸುನ ಪಾತೆರೊನು ಪನ್ಪೆರ್.
ನಿನ್ನ ಸಾವಿರ ಸಾವಿರ
ನದಿಗಳಲ್ಲಿ ಬಂದೂಕಿನ
ಅಲೆಗಳು ತೇಲುವುದನ್ನೂ
ಪುಟಿಯುವ ಮೀನುಗಳ ಬದಲು
ಗುಂಡುಗಳು ಹಾರಾಡುವುದನ್ನೂ
ಓಕುಳಿಯ ಬದಲು
ನೆತ್ತರು ಹರಿಯುವುದನ್ನೂ
ಧಿಕ್ಕರಿಸುತ್ತೇನೆ. (ಧಿಕ್ಕರಿಸುತ್ತೇನೆ)
ಈ ಧಿಕ್ಕಾರೊದ ಉಲಯಿ ಮಾನವತ್ವೊನು ಅರಳಿಸುನ ಹಂಬಲ ಮೊನಚು ಬಾಣವಾದ್ ತಿರ್ಗ್ದ್ ಬರ್ಪುಂಡು.
ಗೆಳೆಯಾ.....
ಕೋವಿ, ಗುಂಡು, ರಕ್ತ, ಚೀತ್ಕಾರ
ಈ ಭುವಿಗೆ ತುಂಬಾ ಹಳತು.
ಬದುಕ ಬೆಳಗಿಸಲು ಹೊಸ ಅಸ್ತ್ರಗಲೇನಾದರೂ
ನಿನ್ನ ಬಳಿ ಇವೆಯಾ, ಹೇಳು.... (ಬೆಡಿ ಪತ್ತ್ನ ಕೈಕುಲೇ ಕಂಬನಿನ್ ಒರೆಸೊಡು)
ಬಲೆಯೊಳಗಿದ್ದರೂ ದುಃಖ ಬಯಲೊಳಗಿದ್ದರೂ ದುಃಖ
ಬೀಸೋ ಕಲ್ಲಿನ ನಡುವೆ ಬದುಕು ಕಾಣಕ್ಕ....(ದುಃಖ)
ಪೊಣ್ಣನ ಶಕ್ತಿದ ಕುರಿತಾದ್ ಪಾತೆರುನ ಸವಿತಾ ಅರೆನ ಕವನೊಲೆಡ್ ತಾಯ್ತನ, ಧಾರಣಶಕ್ತಿ, ವಾತ್ಸಲ್ಯ, ಪ್ರಶ್ನೆ ಮಾತಲಾ ಉಂಡು. ವ್ಯವಸ್ಥೆನ್ ಉಂದೆತ್ತ ಮೂಲಕನೇ ತೂಪುನ ಹಂಬಲಲಾ ಉಂಡು. `ಕೊಂಡ ಹಾಯುವಳು’ ಅರೆನ ನನೊಂಜಿ ಮಹತ್ವದ ಕವನ. ಪೊಣ್ಣು ಸುಕೋಮಲೆ, ಚಂಚಲೆ ಇಂಚಿತ್ತಿ ಪೂರ್ವಕಲ್ಪಿತ ಚಿತ್ರಣೊಲೆಗ್ ಬದಲಾದ್ ಅ ಕಂಡನಿ, ಇಲ್ಲ್, ಜೋಕುಲೆನ್ ಬೆರಿಕ್ಕ್ ಕಟ್ಡೊಂದು ಸಾಗುನ ಪೊಣ್ಣನ ಚಿತ್ರ ಅಲೆನ ಅದಮ್ಯ ಚೇತನದ ಶಕ್ತಿ ಕೇಂದ್ರಲಾ ಆಪುಂಡು ಪನ್ಪುನವು ಕವಿತೆ ಸಾರ್ಥಕ್ಯ.
ಗಂಡ ಕುಡಿಯುವನು
ನಿತ್ಯ ಹೊಡೆಯುವನು
ಮೈ ತುಂಬ ಸಾಲ
ಮನೆ ತುಂಬಾ ಮಕ್ಕಳು
ಹಸಿವು ನೋವು
ಮಿಗಿಲಾಗಿ ಸವತಿಯ ಕಾಟ
ಹರಕೆ ಹೊತ್ತಿಹಳು
ಒಮ್ಮೆ, ಮತ್ತೊಮ್ಮೆ
ಮಗದೊಮ್ಮೆ
ಹಾಯುವಳು ಕೊಂಡ
ನೋಡುವನವಳ ಗಂಡ
ದೂರದಿಂದಲೇ ಮಂಕಾಗಿ.
ಜಾಗತೀಕರಣ, ಷೇರುಪೇಟೆ, ರೈತೆರೆ ಸಮಸ್ಯೆ, ಭಯೋತ್ಪಾದನೆ, ಪೌರ ಕಾರ್ಮಿಕ ಇಂಚ ಅನೇಕ ಸಂಗತಿಲು ಅರೆನ್ ಕಾಡ್ದ್ಂಡ್. ಅಯಿಕ್ಕೊಂಜಿ ಸಾಂತ್ವನದ ಸಾದಿ ನಾಡುನ ಕುತೂಹಲೊನು ಕವಿತೆಲು ಒರಿಪಾವಾವೊಂದುಂಡು. ಯುದ್ಧ, ಸಾವು ತನನ್ ಕಂಗೆಡಿಸ್ನಗ `ಬುದ್ಧ ನನ್ನನ್ನು ಸಂತೈಸುತ್ತಾನೆ’ ಪನ್ಪುನ ಭರವಸೆಡ್ ಕವಯಿತ್ರಿ ಆಶಾಭಾವ ತಾಳುವೆರ್. ಸುತ್ತಲ್ದ ನಿಸರ್ಗದೊಟ್ಟುಗು ಮಾನವನ ಅಸ್ಥಿತ್ವೊನು ಗುರುತಿಸೊಂದು ಅತಿ ನಿರೀಕ್ಷೆಲ್ ಇಜ್ಜಂದೆ ತನ್ನಷ್ಟೆಗೇ ತಾನ್ ತೂವೊಂದಿನ/ತೆರಿಯೊಂದಿನ ಕಾವ್ಯ ರಿಂಗಣೊಡು ಜೀವ ಮಿಡಿತದ ಸದ್ದನ್ ಕೇನುನ ಬಾಲೆದ ಮುಗ್ಧ ಮನಸ್ಸ್ನ್ ಆರ್ ಇನಿಕ್ಕ್ಲಾ ಆತುಕೊಂಡ್ದೆರ್. ಎನ್ನ ಪೂರ ಪದ್ಯೊಲೆಡ್ ಉಪ್ಪುನಂಚ ಮೂಲುಲಾ ತಾರೆ, ಮೋಡ, ಗಾಳಿ, ಕಡಲು, ಸೂರ್ಯೆರ್ ಉಲ್ಲೆರ್, ನಿಕ್ಕ್ ಇಷ್ಟ ಆಂಡ ಈ ಓದು, ಒತ್ತಾಯ ಇಜ್ಜಿ ಇಷ್ಟವಾಯಿಜಿಂಡ ಬೊಡ್ಚಿ. ಎಂಕ್ ಕಿಂಚಿತ್ತ್ಲಾ ಕೋಪ ಇಜ್ಜಿ. ಸಾಹಿತಿ ಡಿ.ಎಸ್.ನಾಗಭೂಷಣ ಮೆರೆನ ಕಂಡನಿ.
ಟೆಂಪ್ಲೇಟ್:ಚುಟುಕು
This article uses material from the Wikipedia ತುಳು article ಸವಿತಾ ನಾಗಭೂಷಣ್, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.