1949 திரைப்படம் லைலா மஜ்னு
லைலா மஜ்னு 1949 ஆண்டில் வெளிவந்த தெலுங்கு வரலாற்றுத் திரைப்படத்தின் தமிழ் மொழிமாற்றத் திரைப்படம் ஆகும்.
பி. எஸ். ராமகிருஷ்ணாவின் இயக்கத்தில் வெளிவந்த இத்திரைப்படத்தில் நாகேசுவரராவ், பானுமதி முக்கிய பாத்திரங்களில் நடித்திருந்தனர். பாடல்களுக்கு சி. ஆர். சுப்பராமன் இசையமைத்திருந்தார். தமிழ்த் திரைப்படத்தில் வசனங்களையும் பாடல்களையும் எஸ். டி. சுந்தரம் எழுதியிருந்தார்.
| லைலா மஜ்னு | |
|---|---|
 பேசும் படம் விளம்பரம் | |
| இயக்கம் | பி. எஸ். இராமகிருஷ்ணா |
| தயாரிப்பு | பி. எஸ் ராமகிருஷ்ணா பரணி கலையகம் |
| கதை | சமுத்ராலா (தெலுங்கு திரைக்கதை / வசனம்) எஸ். டி. சுந்தரம் தமிழ் வசனம் |
| மூலக்கதை | சூஃபியின் லைலா-மஜ்னு |
| திரைக்கதை | பி. எஸ் ராமகிருஷ்ணா |
| இசை | சி. ஆர். சுப்பராமன் |
| நடிப்பு | அக்கினேனி நாகேஸ்வர ராவ் பானுமதி ராமகிருஷ்ணா |
| ஒளிப்பதிவு | பி. எசு. ரங்கா |
| படத்தொகுப்பு | பி. எஸ். இராமகிருஷ்ணா |
| கலையகம் | வாகினி, ஸ்டார் கம்பைன்சு |
| வெளியீடு | 5 நவம்பர் 1949 |
| ஓட்டம் | 169 நிமி |
| நாடு | இந்தியா |
| மொழி | தெலுங்கு, தமிழ் |
நடிகர்கள்
- அக்கினேனி நாகேஸ்வர ராவ் (கயாசு மஜ்னு)
- பானுமதி ராமகிருஷ்ணா (லைலா)
- முக்கமாலா (அமீர் சர்வார்)
- சி. எஸ். ஆர்.
- ஸ்ரீரஞ்சனி (ஜரீனா)
- சிவராவ் (அன்வர்)
- ஆரணி சத்யநாராயணா
- சீதாராம் (மௌலவி)
- ஹேமலதா (லைலாவின் தாயார்)
- சுரபி பாலசரசுவதி
- பேபி கிருஷ்ணவேணி (பால லைலா)
- சிட்டிபாபு (பால கயாசு)
- கே. பி. சுப்பாராவ்
- லலிதா
- பத்மினி
தகவல்கள்
லைலா மஜ்னு திரைக்கதை ஊமைப் படமாக முதலில் 1922 ஆம் ஆண்டில் ஜே. ஜே. மதன் தயாரிப்பிலும், பின்னர் 1927 இல் மணிலால் ஜோசியின் இயக்கத்திலும் வெளிவந்தது. 1931 ஆம் ஆண்டில் கஞ்சிபாய் ரத்தோட் இயக்கத்தில் இந்தியில் பேசும் படமாக வெளிவந்தது. ஜே. ஜே. மதன் 1931 இல் மீண்டும் இந்தியில் வெளியிட்டார். 1936 இல் ஈஸ்ட் இந்தியா பிக்சர்சு பாரசீக மொழியில் வெளியிட்டது. 1940 இல் தர்மவீர் சிங் பஞ்சாபி மொழியில் வெளியிட்டார். 1941 இல் பஷ்தூ மொழியில் வெளியிடப்பட்டது. 1945 இல் சுவரன் லதா, நசீர் அகமது ஆகியோரின் நடிப்பில் வெளியான இந்தத் திரைப்படம் பெரும் வெற்றியடைந்தது.
1949 அக்டோபரில் இத்திரைப்படம் தெலுங்கில் வெளியிடப்பட்டு, பின்னர் தமிழில் மொழிமாற்றம் செய்யப்பட்டு 1949 நவம்பரில் வெளியிடப்பட்டது. 1950 இல் எஃப். நாகூரின் இயக்கத்தில் லைலா மஜ்னு என்ற பெயரில் டி. ஆர். மகாலிங்கம், எம். வி. ராஜம்மா ஆகியோரின் நடிப்பில் வெளிவந்தது. இதே திரைக்கதை 1953 இலும், 1976 இலும் (இந்தி, வங்காளம்), பின்னர் 1982 இலும் வெளிவந்தன.
மேற்கோள்கள்
- ராண்டார் கை (2 சனவரி 2006). "Tribute To A Legend". தி இந்து. http://www.thehindu.com/todays-paper/tp-features/tp-metroplus/tribute-to-a-legend/article3185008.ece. பார்த்த நாள்: 24-05-2017.
இவற்றையும் பார்க்க
வெளி இணைப்புகள்
This article uses material from the Wikipedia தமிழ் article லைலா மஜ்னு (1949 திரைப்படம்), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.