2015 பாகாப் படுகொலை (2015 Baga massacre) நைசீரியாவின் போர்னோ மாநிலத்தில் பாகா நகரிலும் அதன் சுற்றுப்புறத்திலும் சனவரி 3,2015 முதல் சனவரி 7 வரை போகோ அராம் நடத்திய, சில அறிக்கைகளின்படி இன்னமும் நடத்துகின்ற, திரள் கொலைகளும் தாக்குதல்களும் ஆகும்.
சனவரி 3 அன்று இந்த நகரில் சாட், நைஜர், மற்றும் நைஜீரியாத் துருப்புக்களைக் கொண்டு அமைக்கப்பட்டிருந்த பன்னாட்டு கூட்டு செயல் படைப்பிரிவு தலைமையகத்தை போகோ அராம் தாக்கினர்; தொடர்ந்து ஆயிரக்கணக்கான உள்ளூர் மக்களை போகோ அராம் போராளிகள் கடத்திச் சென்றனர்; இவர்கள் சனவரி 7 அன்று திரளாகக் கொல்லப்பட்டதாக நம்பப்படுகின்றது.
2015 பாகாப் படுகொலை | |
---|---|
நைஜீரியாவில் பாகாவின் அமைவிடம் | |
இடம் | பாகா, போர்னோ மாநிலம், நைஜீரியா |
ஆள்கூறுகள் | 13°7′7.7″N 13°51′23.7″E / 13.118806°N 13.856583°E |
நாள் | 3 - 7 சனவரி 2015 |
தாக்குதலுக்கு உள்ளானோர் | உள்ளூர் மக்கள், நகரிலுள்ள நைசீரியப் படைத் தளம் |
தாக்குதல் வகை | திரள் கொலைகள், கட்டுப்பாடற்ற கொலைகள், பெட்றோல் குண்டுவீச்சு, மற்றவை |
இறப்பு(கள்) | குறைந்தது 100, 2,000க்கும் மேலாக "கணக்கில் இல்லாது" |
தாக்கியோர் | போகோ அராம் |
இறந்தவர்கள் எண்ணிக்கை "கூடுதலாக" இருக்குமென்று கூறப்பட்டாலும் உண்மையான மதிப்பீடு கிட்டவில்லை; தப்பி ஓடிய உள்ளூர் அதிகாரிகளும் மக்களும் "2,000க்கும்" கூடுதலான மக்கள் கொல்லப்பட்டிருக்கலாம் அல்லது "காணப்படவில்லை" என்றும் கூறுகின்றனர்; ஆனால் சில அறிக்கைகளின்படி "குறைந்தது நூறு" உயிரிழப்புகள் நிகழ்ந்துள்ளதாகக் கூறுகின்றன. பல அரசு அலுவலர்கள் இவற்றை மறுத்துள்ளனர்; சிலர் எந்தப் படுகொலையும் நடக்கவில்லை என்றும் நைசீரியப் படைகள் போராளிகளை எதிர்த்து துரத்தி விட்டதாகவும் கூறுகின்றனர். இதனை உள்ளூர் அலுவலர்களும் மக்களும் தப்பிவந்தவர்களும் பன்னாட்டு ஊடகங்களும் மறுக்கின்றனர்.
பாகாவும் குறைந்தது 16 மற்ற ஊர்களும் எரியூட்டி அழிக்கப்பட்டதாகவும் 35,000 மக்கள் இடம்பெயர்ந்துள்ளதாகவும் கூறப்படுகின்றது. சாட் ஏரியை கடக்கையில் பலர் மூழ்கி இறந்ததாகவும் இந்த ஏரியின் தீவுகளில் பலர் அடைபட்டிருப்பதாகவும் கூறப்படுகின்றது. இந்தத் தாக்குதல்கள் மூலம் போகோ அராம் போர்னோ மாநிலத்தில் 70% பகுதிகளில் தனது ஆதிக்கத்தை நிலைநாட்டியுள்ளது.
This article uses material from the Wikipedia தமிழ் article 2015 பாகாப் படுகொலை, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.