விடுமுறை நாட்கள் என்பன தனிப்பட்ட மனிதர், அரசுகள் அல்லது சமய அமைப்புகள் முக்கியத்துவம் வாய்ந்ததாகக் கருதும் சிறப்பு நாட்கள் ஆகும்.
இந்தக் கட்டுரையில் மேற்கோள்கள் அல்லது உசாத்துணைகள் எதுவும் இல்லை. |
”விடுமுறை நாள்” என்னும் தொடருக்கு உலகின் பல நாடுகளில் பல பொருள் கொள்ளப்படுகிறது. ஐக்கிய இராச்சியம், ஆஸ்திரேலியா, கனடா போன்ற நாடுகளில் விடுமுறை என்றால் வழக்கமான பணி அல்லது கல்வி கற்கையில் ஈடுபடாமல் ஓய்வு எடுக்கும் நாளாகும். ஐக்கிய அமெரிக்காவில் “விடுமுறை” என்பது ஏதேனும் பண்டிகை அல்லது விழாவைக் கொண்டாடக் குறிக்கும் நாள் எனக் கொள்ளப்படுகிறது. இந்தியாவில் விடுமுறை என்பது நிறுவனங்கள் பண்பாடு, அரசியல், சமூக, சமய காரணங்களால் மூடப்பட்டிருக்கும் நாட்களைக் குறிக்கிறது.
சிறப்பு நாட்களில் பணியிலிருந்து விடுப்பு தரப்படுவது மட்டுமன்றி பணி/கல்வி அட்டவணையின் ஒரு இயல்பு அங்கமாகவும் விடுப்பு அளிக்கப்படலாம். வாரத்தின் ஆறு நாட்கள் பணிபுரிந்தவர்களுக்கு, ஒரு நாள் ஓய்வெடுப்பதற்காகவும் விடுமுறை அளிக்கப்படுகிறது.
பல சமயங்களில் வாரத்தில் உள்ள ஏழு நாட்களில் ஒரு நாள் கட்டாய ஓய்வு நாளாகக் கடைபிடிக்கப்படுகிறது. எடுத்துக்காட்டாக யூதத்தில் வெள்ளிக்கிழமை சூரிய மறைவிலிருந்து சனிக்கிழமை இரவு வரையிலான காலம் ஷபாத் என்னும் கட்டாய ஒய்வு நாளாக கடைபிடிக்கப்படுகிறது. கிறித்தவத்தில் ஞாயிற்றுக்கிழமையும் பல இசுலாமிய நாடுகள் வெள்ளிக்கிழமையும் இவ்வாறு வார விடுமுறையாகக் கொண்டாடப்படுகின்றன. உலகின் பெரும்பாலான நாடுகளில் (கிறித்தவ நாடுகள் இல்லையெனினும்) ஞாயிற்றுக்கிழமை வார விடுமுறை நாளாகக் கடைபிடிக்கப்படுகிறது.
இந்தியாவில் தொழிலாளர்களுக்கு வார விடுமுறை, ஆண்டு விடுமுறை, தேசிய விடுமுறை, மாநில விடுமுறை, தற்செயல் விடுமுறை, மருத்துவ விடுமுறை போன்றவைகளை அளிக்க வேண்டும் என இந்தியத் தொழிற்சாலைகள் சட்டம் 1948 இல் கூறப்பட்டுள்ளது. இதுபோல் பெண்களுக்கு பேறுகால விடுமுறை அளிக்கப்பட வேண்டும் என்றும் இந்திய பேறு கால நலச் சட்டம் 1961இல் தெரிவிக்கப்பட்டுள்ளது.
இந்தியத் தொழிற்சாலைகள் சட்டம் 1948 பிரிவு 52இன் கீழ் வார விடுமுறை குறித்த விதிமுறைகள் தெரிவிக்கப்பட்டுள்ளன. அவை,
தேசிய விடுமுறை நாட்களாக மூன்று நாட்கள் அறிவிக்கப்பட்டுள்ளன:
இந்நாட்களில் அனைத்து அமைப்புககளும் கட்டாயமாக விடுமுறை வழங்குமாறு சட்டபூர்வமாக்கப்பட்டுள்ளன. நடுவண் அரசின் பல்வேறு அமைச்சகங்களும், அரசுடைமை நிறுவனங்களும் அவை அமைந்துள்ள மாநில அரசு விடுமுறைகளைத் தழுவியும் அம்மாநில ஊழியர் சம்மேளனங்களின் பரிந்துரையின்படியும் ஒவ்வொரு ஆண்டும் அந்த ஆண்டுக்குரிய விடுமுறைகளை அறிவிக்கின்றன.
தமிழ்நாட்டில் உள்ள விடுமுறை நாட்கள்
இந்த விடுமுறை நாட்களைத் தவிர பணியாளர்களின் தனிப்பட்டத் தேவைகளுக்காக "பணி விடுப்புக்கள்" கொடுக்கப்படுகின்றன. இவை தற்செயல் நிகழ்வுகள், பேறு காலத் தேவைகள், உடல்நலக்குறைவுகள் போன்றவற்றிற்காக ஆண்டுக்கு இவ்வளவு நாட்கள் என ஒவ்வொரு அமைப்பாலும் வரையறுக்கப்பட்டு ஊழியர் நியமன உத்தரவில் குறிப்பிடப்படுகின்றன. தவிர நடுவண் மற்றும் அரசு மற்றும் அரசு நிறுவனங்களில் பதினோரு வேலை நாட்களுக்கு ஒருநாள் என ஈட்டிய விடுப்பு வழங்கப்படுகிறது.
This article uses material from the Wikipedia தமிழ் article விடுமுறை நாள், which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.