பெர்னார்டோ பெர்டோலூசி

தி கன்ஃபார்மிஸ்ட், பாரிஸில் லாஸ்ட் டேங்கோ, 1900, தி லாஸ்ட் எம்பரர் (இந்தத் திரைபப்டத்திற்காக இவர் சிறந்த இயக்குனருக்கான அகாடமி விருதையும் சிறந்த தழுவல் திரைக்கதைக்கான அகாதமி விருதையும் வென்றார். ), த ஷெல்டரிங் ஸ்கை, லிட்டில் புத்தர், ஸ்டீலிங் பியூட்டி மற்றும் ட்ரீமர்ஸ் ஆகியன இவரது திரைப்படங்களில் மிகவும் முக்கியமானது ஆகும்.

இவரது படைப்புகளை அங்கீகரிக்கும் விதமாக, 2011 கேன்ஸ் திரைப்பட விழாவின் தொடக்க விழாவில் கௌரவ பாம் டி ஓர் விருது இவருக்கு வழங்கப்பட்டது.

1979 ஆம் ஆண்டில் திரைக்கதை எழுத்தாளர் கிளேர் பெப்லோவை திருமணம் செய்தார். 2018 இல் இவர் இறக்கும் வரை இவருடன் இணைந்து வாழ்ந்தார்.

பெர்டோலூசி இத்தாலிய நகரமான பார்மாவில், எமிலியா-ரோமாஞா பகுதியில் பிறந்தார்.இவரின் தந்தை நினெட்டா (ஜியோவானார்டி) ஆசிரியர் மற்றும் கவிஞர், புகழ்பெற்ற கலை வரலாற்றாசிரியர், மானுடவியலாளர் மற்றும் திரைப்பட விமர்சகர் ஆவார் . இவரது தாய் அட்லியோ பெர்டோலூசி ஆகியோரின் மூத்த மகன் ஆவார். இவரது தாய் ஆஸ்திரேலியாவில், ஒரு இத்தாலிய தந்தை மற்றும் ஒரு ஐரிஷ் தாய்க்கு பிறந்தார். கலைஞர்கள் நிறைந்த சூழலில் வளர்க்கப்பட்ட பெர்டோலூசி தனது பதினைந்து வயதில் எழுதத் தொடங்கினார். தனது முதல் நூலிற்காக பிரீமியோ வயரெஜியோ உட்பட பல சிறப்புவாய்ந்த இலக்கிய பரிசுகளைப் பெற்றார்.இத்தாலிய திரைப்படத் தயாரிப்பாளர் பியர் பாவ்லோ பசோலினி இவரின் முதல் புதினத்தினை வெளியிட உதவினார்.

பெர்டோலூசிக்கு கியூசெப் (27 பிப்ரவரி 1947 - 16 ஜூன் 2012) எனும் ஒரு சகோதரர் இருந்தார். இவர் நாடக இயக்குனரும் நாடக ஆசிரியரும் ஆவார். திரைப்பட தயாரிப்பாளர் ஜியோவானி பெர்டோலுசி (24 ஜூன் 1940 - 17 பிப்ரவரி 2005) இவரது உறவினர் ஆவார். இவருடன் இணைந்து பல படங்களில் பணியாற்றியுள்ளார்.

பெர்டோலுசி ஒரு இறைமறுப்பாளர் ஆவார்.

பெர்டோலுசியின் படங்கள் பெரும்பாலும் அரசியல் கருத்ஹினை மையமாகக் கொண்டு இருந்தன. இவர் ஒரு மார்க்சியவாதி, 1960 களின் பிற்பகுதியில் இதேபோல் பல வெளிநாட்டு கலைஞர்களை வேலைக்கு அமர்த்திய லுச்சினோ விஸ்கொண்டியைப் போலவே, பெர்டோலுசி தனது திரைப்படங்களைப் பயன்படுத்தி அரசியல் கருத்துக்களை வெளிப்படுத்தினார். எனவே இவை மிகவும் சர்ச்சைக்குரியதாக அமைந்தது.

செப்டம்பர் 27, 2009 அன்று, அமெரிக்காவிற்கு ஒப்படைக்கக் காத்திருந்த ரோமன் போலன்ஸ்கியை விடுவிக்க சுவிஸ் அரசாங்கத்திடம் முறையிட்ட கையெழுத்திட்டவர்களில் பெர்டோலுசியும் ஒருவராக இருந்தார்.

24 ஏப்ரல் 2015 அன்று ட்விட்டரில், பெர்டோலூசி, 2013 சவார் கட்டிடம் சரிவை நினைவுகூரும் ஃபேஷன் புரட்சியின் வியர்வைக் எதிர்ப்பு பிரச்சாரமான #whomademyclothes இல் பங்கேற்றார், இது ஆடைத் தொழிலின் வரலாற்றில் மிக மோசமான விபத்து.

பெர்டோலுசி நவம்பர் 26 2018 அன்று தனது 77 ஆம் வயதில் ரோமில் நுரையீரல் புற்றுநோயயினால் இறந்தார்.

தி லாஸ்ட் எம்பரர் (இந்தத் திரைபப்டத்திற்காக இவர் சிறந்த இயக்குனருக்கான அகாதமி விருதையும் சிறந்த தழுவல் திரைக்கதைக்கான அகாதமி விருதையும் வென்றார். 2011 கேன்ஸ் திரைப்பட விழாவின் தொடக்க விழாவில் கௌரவ பாம் டி ஓர் விருது இவருக்கு வழங்கப்பட்டது.