சேற்று பூனைப்பருந்து

சேற்று பூனைப்பருந்து
காப்பு நிலை
தீவாய்ப்புக் கவலை குறைந்த இனம்  (IUCN 3.1)
உயிரியல் வகைப்பாடு
திணை:	விலங்கு
தொகுதி:	முதுகுநாணி
வகுப்பு:	பறவை
துணைவகுப்பு:	Neornithes
உள்வகுப்பு:	Neognathae
பெருவரிசை:	Neoaves
வரிசை:	அசிபித்ரிபார்மசு
குடும்பம்:	அசிபித்ரிடே
பேரினம்:	Circus
இனம்:	C. aeruginosus
இருசொற் பெயரீடு
Circus aeruginosus (லின்னேயஸ், 1758)
Dark green: present all year Light green: nesting only Blue: wintering only

சதுப்பு நிலங்களிலும் ஏரிகளிலும் நெல்வயல்களிலும் இப்பறவையைக் காணலாம். இவை நடு, வட ஐரோப்பாவில் இனப்பெருக்கும் செய்கின்றன. குளிர் காலத்தில் ஆப்பிரிக்காவுக்கும் இந்திய துணைக்கண்டத்துக்கும் வலசை வருகின்றன. இவை நீர்நிலைகளை ஒட்டிய காட்டுப் பகுதியில் தங்கிச் செல்கின்றன.

• 48 cm முதல் 58 cm வரை நீளமுள்ளது.
• ஆண்: பறக்கும்போது இறக்கையின் உட்புறப் பகுதி செம்பழுப்பாகவும் அதன் நுனி கருப்பாகவும் இருக்கும்; அவற்றிற்கு இடைப்பட்ட பகுதி சாம்பல் நிறமாக இருக்கும். இறக்கையின் வெளிப்புறப் பகுதி கரும்பழுப்பாகவும் காணப்படும்.
• பெண்: முழுவதும் கரும்பழுப்பாகக் காணப்படும்; உச்சந்தலையும் இறக்கையின் மேல்முனையும் வெளிர் மஞ்சள் நிறத்திலிருக்கும்.
• முதிர்வடையாத பருந்து: முழுவதும் கரும்பழுப்பு நிறத்திலிருக்கும். பெண் பருந்துக்குரிய அடையாளமான வெளிர் மஞ்சள் தலை/இறக்கை இருக்காது.
• பொது: பார்வையாளரை நோக்கிப் பறந்து வரும்போது இறக்கை 'V' வடிவத்திலிருக்கும்.

 

• தரையிலோ புதரிலோ குட்டையான கம்பங்களிலோ நீண்ட நேரம் அமைதியாகக் காத்திருக்கும்; சில மீட்டர் உயரம் பறந்து நகங்களை நீட்டியவாறு தரையிறங்கும்.
• அனைத்துப் பருந்துகளும் வயல்வெளித் தரையிலேயே சேர்ந்து அடைந்து ஓய்வெடுக்கும்.
• வாத்து, உள்ளான் உள்ளிட்ட சிறு பறவைகளை வேட்டையாடுவோருக்கு நன்கு அறிமுகமான பருந்து இது. அடிபட்ட பறவையை வேடர்கள் வந்து எடுப்பதற்குள் கவர்ந்து சென்று விடும்.

சேற்று பூனைப்பருந்து, வழக்கமான பூனைப் பருந்து பாணியில் வேட்டையாடுகிறது. இரையைத் தேடும் போது தட்டையான திறந்த நிலத்தின் மீது தாழ்வாக சறுக்குகிறது. இதன் இறக்கைகள் ஆழமற்ற V- வடிவத்திலும் பெரும்பாலும் தொங்கும் கால்களுடனும் இருக்கும். இது சிறிய பாலூட்டிகள், சிறிய பறவைகள், பூச்சிகள், ஊர்வன மற்றும் தவளைகளை உணவாக உண்ணுகிறது.

rufous = செம்பழுப்பு; harrier = வேட்டைப்பருந்து; dark brown = கரும்பழுப்பு;