சூரிய மைய வட்டணை

சூரியக் குடும்பத்தில் உள்ள அனைத்து கோள்கலும், வால்வெள்ளிகளும் சிறுகோள்களும் சூரியனும் அத்தகைய வட்டணையில் உள்ளன, பல செயற்கை ஆய்வுப்பொருட்களும் சிதிலங்களின் துண்டுகளும் உள்ளன. சூரிய குடும்பத்தில் உள்ள கோள்களின் நிலவுகள் சூரிய மைய வட்டணையில் இல்லை, ஏனெனில் அவை அந்தந்தக் கோள்களைச் சுற்றி வருகின்றன (நிலா சூரியனைச் சுற்றி குவிந்த வட்டணையைக் கொண்டிருந்தாலும்).

சூரிய குடும்பத்தின் ஈர்ப்புமையம், எப்போதும் சூரியனுக்கு மிக அருகில் இருக்கும் போது, சூரிய குடும்பத்தில் உள்ள மற்ற பெரிய பொருட்களான வியாழனும் பிற பெரிய வளிமக் கோள்களும் அந்த நேரத்தில் அமைந்துள்ள இடத்தைப் பொறுத்து, நேரம் செல்ல செல்ல விண்வெளியில் செல்கின்றன. இதேபோன்ற ஆர-விரைவு முறை மூலம் புறவெளிக்கோள்களைக் கண்டறிய முடிகிறது.

ஹீலியோ- முன்னொட்டு கிரேக்க வார்த்தையான "ἥλιος" என்பதிலிருந்து பெறப்பட்டது, அதாவது, இச்சொல் "சூரியன்" எனப்பொருள்படும், மேலும் ஹீலியோஸ், கிரேக்கத் தொன்மங்களில் சூரியக் கடவுள் ஆகும் .

1959 இல் உலூனா 1 என்ற விண்கலம் சூரிய மைய வட்டணையில் நிலைநிறுத்தப்பட்ட முதல் விண்கலம் ஆகும். தவறான நேரத்தில் ஏற்பட்ட மேல்-கட்ட எரிப்பு, நிலாவில் அதன் திட்டமிட்ட மொத்தலை தவறவிட்டது.

 

செவ்வாய் பெயரும் வட்டணை (டிஎம்ஐ) என்பது ஒரு சூரிய மைய வட்டணையாகும், இதில் ஒரு விண்கலத்தை அமைக்க ஒரு உந்துவிசை முறை பயன்படுத்தப்படுகிறது, இது செவ்வாய் பெயரும் வட்டணை என்றும் அழைக்கப்படுகிறது, இது செவ்வாய் வட்டணை வரை விண்கலத்தைக் கொண்டுசெல்லும்.

ஒவ்வொரு இரண்டு வருடங்களிலும், குறைந்த ஆற்றல் பெயர்நிலை வாய்ப்புகள் ஏற்படுகின்றன, இது கோள்களுக்கு இடையில் சாத்தியமான குறைந்த ஆற்றல் கொண்ட இயக்கத்துக்கு வழிவிடுகிறது. பெயரும் நுழைவுகள் விண்கலத்தை ஓகுமன் பெயர்நிலை வட்டணையில் அல்லது இரு நீள்வட்ட பெயர்நிலை வட்டணையில் வைக்கலாம். செவ்வாய் பெயரும் நுழைவு 2013 இல் நாசா மேவன் வட்டணைக்கலத்தால் ஒற்றை எரிப்பு முறையில் அடைந்தது போல அடைய முடியலாம் அல்லது 2013 இல் இசுரோவின் செவ்வாய் சுற்றுகலன் பயன்படுத்தியது போன்ற தொடர்ச்சியான புவியண்மைப் பலமுறை எரிப்பாலும் படிப்படியாக அடையலாம்.

• வானியங்கியல்
• பூமியின் வட்டணை
• புவி மைய வட்டப்பாதை
• சூரியமைய வாதம்
• சூரிய மைய வட்டணைச் செயற்கைப் பொருட்களின் பட்டியல்
• வட்டணைகளின் பட்டியல்
• குறைந்த ஆற்றல் பரிமாற்றம்