கியூரி

இது அனைத்துலக முறை அலகுகள் அல்லாத மெட்ரிக்கு அலகு. இவ்வலகு நோபல் பரிசாளர்கள் மேரி கியூரி, பியர் கியூரி ஆகியோரைப் பெருமைப்படுத்து முகமாக சூட்டப்பட்டது இதனைக் கீழ்க்காணுமாறு வரையறுக்கிறார்கள்:

1 Ci = 3.7 × 10¹⁰ கதிரியக்கச் சிதைவுகள் ஒரு நொடிக்கு.

இவ்வலகின் தொடர்ந்த பயன்பாட்டை இப்பொழுது ஊக்குவிப்பதில்லை

ஒரு கியூரி என்பது ஏறத்தாழ ஒரு கிராம் இரேடியம் ஓரிடத்தான் (ஐசோடோப்பு) ²²⁶Ra என்பதின் கதிரியக்கச் செயற்பாடு ஆகும்.

கதிரியக்கச் செயற்பாட்டுக்கு அனைத்துலக முறை அலகுகள் வழி வந்த அலகு பேக்குரெல் (குறியீடு: Bq) ஆகும். ஒரு கியூரி என்பது 37 கிகா பேக்குரெல் ஆகும், அதாவது:

1 Ci = 3.7 × 10¹⁰ Bq = 37 GBq

அதே போல ஒரு பேக்குரெல் என்பது,

1 Bq ≅ 2.703 × 10⁻¹¹ Ci ஆகும்.

கதிரியக்கத்தைக் குறிக்கப் பயன்படும் மற்றொரு அலகு மைக்குரோ கியூரி (microcurie):

1 μCi = 3.7 × 10⁴ சிதைவுகள் ஒரு நொடிக்கு = 2.22 × 10⁶ சிதைவுகள் ஒரு மணித்துளிக்கு

ஒரு கதிரியக்க மருத்துவமுறை இயந்திரம் ஏறத்தாழ 1000 Ci அளவு கதிரியக்கத்தை சீசியம்-137 அல்லது கோபால்ட்டு-60 போன்ற கதிரியக்க ஓரிடத்தான்களில் இருந்து வெளியிடும். இந்த அளவு கதிரியக்கச் செயற்பாடு ஒருசில மணித்துளிகளிலேயே உடலுக்கு மிகவும் தீங்கு தரும் அளவாகும்.

சராசரியான ஒரு மாந்த உடலில் ஏறத்தாழ 0.1 μCi அளவு இயற்கையான பொட்டாசியம்-40 கதிரியக்கச் செயற்பாடு நிகழும்.

கியூரிகள் சில நேரங்களில் ஒரு நொடிக்கு ஏற்படும் கதிரியக்கச் சிதைவுகளைக் குறிப்பதற்கு மாறாக கதிரியக்கப் பொருளின் அளைவைக் குறிக்கப் பயன்படுத்துகின்றனர், எடுத்துக்காட்டாக சீசியம்-137 1 Ci. இப்படிச் சொல்லும் பொழுது 1 Ci கதிரியக்கம் உருவாக்கத் தேவைப்படும் அணுக்களின் எண்ணிக்கையைக் குறிக்கும் கதிரியக்கச் சிதைவு வீதத்தைக் கொன்டு இந்த அணுக்களின் எண்ணைக் கணக்கிடலாம்:

N (அணுக்கள்) * λ (s^-1) = 1 Ci = 3.7 × 10¹⁰ (Bq)

ஆகவே,

N = 3.7 × 10¹⁰ / λ

இதில் λ என்பது அடுக்கேற்ற முறையில் உள்ள படி அல்லது மேலெண் சிதைவைக் குறிக்கும் (s⁻¹).

• கைகர் துகள் அளவி