கரண் சிங்: இந்திய அரசியல்வாதி

ஜம்மு காஷ்மீர் மாநில ஆளுநராகவும், இந்திய தேசிய காங்கிரசு கட்சியின் தலைவர்களில் ஒருவராகவும் இருந்தவர். மேலும் இந்திய நாடாளுமன்றத்தின் மக்களவை மற்றும் இந்திய நாடாளுமன்றத்தின் மாநிலங்களவை உறுப்பினராகவும் பணியாற்றியவர். இந்திய அரசின் சுற்றுலா, விமானப் போக்குவரத்து, சுகாதாரம் மற்றும் குடும்ப நல அமைச்சராகவும் பணியாற்றியவர். மேலும் அமெரிக்காவுக்கான இந்தியாவின் தூதுவராகவும் பணியாற்றியவர்.பனாரசு இந்து பல்கலைக்கழகம் மற்றும் கஷ்மீர் பல்கலைக்கழகம் ஆகியவற்றின் துணைவேந்தராகப் பணியாற்றியவர். பல நூல்களை எழுதியவர். காஷ்மீர் பிரச்சினைகளில் இந்திய அரசுக்கு அவ்வப்போது ஆலோசனைகள் வழங்குபவர்.

கரண் சிங்
کرن سنگھ
கரண் சிங்
இந்திய மாநிலங்களவை உறுப்பினர்
பதவியில் சனவரி 2012 – சனவரி 2018
பதவியில் சனவரி 2006 – சனவரி 2012
பதவியில் சனவரி 2000 – சனவரி 2006
பதவியில் நவம்பர் 1996 – ஆகஸ்டு 1999
இந்திய மக்களவை உறுப்பினர் உதம்பூர் மக்களவைத் தொகுதி
பதவியில் 1967 - 1970 1971 - 1977 1977 - 1980 1980 - 1984
பின்னவர்	கிரிதாரி லால் டோக்ரா
சுற்றுலா & விமானப் போக்குவரத்து அமைச்சர், இந்திய அரசு
பதவியில் 1967 - 1973
சுகாதாரம் & குடும்ப நல அமைச்சர், இந்திய அரசு
பதவியில் 1973 - 1977
கல்வி & பண்பாட்டுத் துறை அமைச்சர், இந்திய அரசு
பதவியில் 1979 - 1980
அமெரிக்காவுக்கான இந்தியாவின் தூதுவர்
பதவியில் 1989 - 1990
முன்னையவர்	பி. கே. கௌல்
பின்னவர்	ஆபித் உசைன்
ஜம்மு காஷ்மீர் இராச்சியத்தின் ஆளுநர்
பதவியில் 17 நவம்பர் 1952 – 30 மார்ச் 1965
முன்னையவர்	ஹரி சிங்
பின்னவர்	பதவி ஒழிக்கப்பட்டது
ஜம்மு காஷ்மீர் மாநிலத்தின் முதல் ஆளுநர்
பதவியில் 30 மார்ச் 1965 – 15 மே 1967
முன்னையவர்	பதவி உருவாக்கப்பட்டது
பின்னவர்	பகவான் சகாய்
தனிப்பட்ட விவரங்கள்
பிறப்பு	9 மார்ச்சு 1931 (1931-03-09) (அகவை 93) கேனிஸ், பிரான்சு
தேசியம்	இந்தியன்
அரசியல் கட்சி	இந்திய தேசிய காங்கிரசு கட்சி
துணைவர்	யசோ இராச்சிய இலக்குமி
வாழிடம்	புதுதில்லி
கையெழுத்து

2019 ஜம்மு காஷ்மீர் மறுசீரமைப்பு சட்டத்தின் மூலம் இந்திய அரசியலமைப்பு சட்டம், பிரிவு 370 மற்றும் இந்திய அரசியலமைப்புச் சட்டம், பிரிவு 35ஏ ஆகியவைகள் நீக்கப்பட்டதன் மூலம் ஜம்மு காஷ்மீர் மற்றும் லடாக் பகுதிகள் சமூகப் பொருளாதாரம் மற்றும் கல்வியில் முன்னேறும் என கரண்சிங் கருத்து தெரிவித்துள்ளார்.

இராசபுத்திர டோக்ரா வம்சத்தில் பிறந்த கரண் சிங், பள்ளிக் கல்வியை டேராடூனில் உள்ள டூன் பள்ளியிலும், கல்லூரிக் கல்வியை கஷ்மீர் பல்கலைக்கழகத்திலும், அரசியல் அறிவியலில் முதுநிலை படிப்பு மற்றும் முனைவர் படிப்பை தில்லி பல்கலைக்கழகத்திலும் முடித்தவர்.

கரண்சிங்கிற்கு யசோ இராச்சிய இலக்குமி எனும் மனைவியும், அஜாத சத்ரு எனும் மகனும், ஜோத்சனா எனும் மகளும் உள்ளனர்.

இவரது சீரிய குடியியல் பணியைப் பாராட்டி இந்திய அரசு, 2005இல் பத்ம விபூசன் விருது வழங்கியது.

• ஜம்மு காஷ்மீர் இராச்சியம்
• ஜம்மு காஷ்மீர் வரலாறு
• ஜம்மு காஷ்மீர்
• குலாப் சிங்
• ரண்பீர் சிங்
• ஹரி சிங்