இறுக்கி அல்லது சுருக்கி (sphincter) என்பது உடலில் காணப்படும் குழலியை அல்லது உடற்பாதையை அல்லது சில குறிப்பிட்ட பகுதிகளைச் சுற்றி அமைந்துள்ள வட்டத் தசைகளிலான ஒரு அமைப்பாகும், இயல்பான உடற்செயற்பாட்டு நிலையின் போது இவை உடற்பாதையைச் சுருங்கி விரியச் செய்கின்றன.
மாந்த உடலில் 50க்கும் மேற்பட்ட இறுக்கிகள் உள்ளன; இவற்றில் சில நுண்ணோக்கி மூலமே நோக்கலாம், குறிப்பாக மயிர்த்துளைக்குழாய்முன் இறுக்கிகள்.
இறுக்கிகள் உடற்பாதையில் ஒருபகுதியில் இருந்து மற்றைய பகுதிக்கு நீர்மங்களின் ஓட்டத்தைக் கட்டுப்படுத்துகின்றன; உதாரணமாக, கீழ் உணவுக்குழாய் இறுக்கி உணவையும் நீரையும் இரைப்பைக்குள் செல்லவிடுகின்றது, இது உணவு உட்கொள்ளும் நேரத்திலேயே விரிவடைகின்றது. உணவு உட்கொள்ளலிலும் பார்வையிலும் அன்றாடம் இறுக்கிகள் செயற்படுகின்றன. உணவு விழுங்கப்படும் சமயத்தில் மூச்சுக்குழல்வாய்மூடி வாதனாளியை மூடுவதனால் உணவானது மூச்சுக்குழாயை அடைவதில்லை, இது நுரையீரலுக்குள் நீர்மங்களோ பிறபொருட்களோ நுழைவதைத் தடுக்கின்றது.
இறுக்கிகள் உடற்கூற்றியல் இறுக்கி, செயற்பாட்டு இறுக்கி என வகைப்படுத்தப்பட்டுள்ளது.
இறுக்கிகள் இச்சையுடன் அல்லது இச்சையின்றி (தன்னிச்சையாக) இயங்கக்கூடியவை.
This article uses material from the Wikipedia தமிழ் article இறுக்கி, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.