Deimos - uobrozek zuůnaczůny bez sůnda Viking 1
Uodkryće | |
---|---|
Uodkrywca | Asaph Hall |
Data uodkryćo | 12 śyrpńo 1877 |
Charakterystyka uorbity | |
Strzedńe uoddalyńe uod postrzodka planety | 23 460 km |
Mimostrzůd | 0,0002 |
Perycentrum | 23 455 km |
Apocentrum | 23 465 km |
Uokres uobjygu | 1,26244 d |
Gibkość uorbitalno | 1,35 km/s |
Nachylyńe orbity | 27,58° (ku ekliptyce)0,93° (ku puaszczyzńy růwńika Marsa) |
Je naturalnym satelitům | Marsa |
Charakterystyka fizyczno | |
Wymjary | 15,0 × 12 × 10,4 km |
Uobjyntość | ~5 700 km3 |
Masa | 1,48×1015 kg |
Gynstość | 1,471 |
grawitacyjny szwůng | 0,0039 m/s² (0,0004 g) |
Gibkość ućeczki | 0,0056 km/s |
Uokres zwyrtńyńo nauobkouo uośe | synchrończny s uokresym uorbitalnym |
Albedo | 0,068 |
Klarowność uobserwowalno (s Źymje) | 12,4 m |
Temp. powjyrzchńe | ~233 K |
Deimos (abo Dejmos; ze gr. trwoga) to mjyńszy a dalszy s dwůch kśynżycůw Marsa. Deimos je planetojidům przechwycůnům bez Marsa. Mjano kśynżyca je uod syna Boga Aresa we mitologiji greckij.
Uodkrywcům Deimosa je amerikański gwjoźdźorz Asaph Hall. Pjyrszy roz uostou uůn zaobserwowany 12 śyrpńo 1877 we uobserwatorjum wojynnyj marynarki USA kole godźiny 7:48 UTC. Kapka dńi ńyskorzi (12 śyrpńo) Asaph Hall uodkrył tyż drugi kśynžyc Marsa, Fobosa.
Mars uoglůndany s Deimosa je 1000 razy wjynkszy (ze szyrzkům kůntowům 33°) a 400 razy klarowńiejszy uod Mjeśůnczka we pełńi. Deimos uoglůndany s Marsa mo szyrzke kůntowům ńy wjynkszům kej 2,5' a gouymi ślypjůma wyglůndo kej gwjozda. Jego maksymalno klarowność s Marsa je taka, kej Wynus uoglůndanyj s Źymje. Uokres objygu wynośi ůngyfer 30,5 h. Beztůż prowje pokrywo śe uůn s dugośćům marsjańskij doby (24,5 h). Deimos je fest blisko powjyrzchńe planety . Beztůż ńy je uůn widoczny s powjyrzchńe planety s uobszarůw uo wspůłrzyndnej rubośći planetograficznej wyższyj kej 82°.
Deimos je to planetojida, kera we strone Marsa uostoua skerowana bez pole grawitacyjne Jowisza. Je uůn fest ńysferyczny a mo wymjary 15 × 12 × 10 km. Deimos skłodo śe s lodu a skoł bogatych we wůngel. Jego powjyrzchńo je pokryta kraterami. Masa kśynżyca je fest mało: ~1,4687×1015 kg – ponad 3 razy mjyńszo uod gůry Gjewůnt.
This article uses material from the Wikipedia Ślůnski article Deimos, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tekst udostympniany na licyncyji CC BY-SA 4.0, jeźli niy było podano inakszyj. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ślůnski (DUHOCTRUNGQUOC.VN) is an independent company and has no affiliation with Wiki Foundation.