Sean Saifa Wall

Sean Saifa Wall e ka përshkruar fëmijërinë dhe procesin e rritjes në Bronx në 1980 me pjesëtarë të tjerë interseks në familje. Në një intervistë me Pidgeon Pagonis ai përshkruan se si xhaxhai i tij ishte detyruar të flinte në kolltukun e spitalit pas një ndërhyrje kirurgjikale, për shkak të diskriminimit. Ai hoqi paralele duke u shprehur: “Edhe pse në pamje të parë duken tema të ndryshme, ato ndajnë një emërues të përbashkët, dhuna ndaj grupeve të margjinalizuar”. Diagnostikuar me sindromën “partial androgen insensitivity”, ai ishte subjekt i ndërhyrjes kirurgjikale në moshën 13 vjeçare, duke e kushtëzuar për të marrë gjatë gjithë jetës terapinë hormonale.

Wall bëri vullnetaren pranë organizatës jo-qeveritare njujorkeze Gay Men's Health Crisis në moshën 14 vjeçare, përpara studimeve në Williams College. Ai udhëtoi më vonë drejt Kubës për të dokumentuar sistemin shëndetësor lokal.

Wall shërbeu si president i “Interact Advocates for Intersex Youth” për tre vite.

Në 2015 Wall iu bashkua një bordi ndërkombëtar këshillimi për të parën iniciativë filantropike Intersex Human Rights Fund të themeluar prej Astraea Lesbian Foundation for Justice. Ai ka zhvilluar gjithashtu një projekt artistik me titull EMERGE.

Pjesë e punës së tij këshilluese janë intervistat për Nightline, BuzzFeed, HuffPost Live si dhe ka shkruar për Advocate dhe Quartz. Wall ka qenë ligjërues në TEDxGrandRapids në maj 2015.