Metohia

Metohia është emër që rrjedh nga fjala greke, μετόχια metóchia, përkatësisht, μετόχιον metóchion, që do të thotë "pronë monastike, një referencë kjo për gjoja numrin e madh të fshatrave dhe pronave në rajon që ishin në pronësi të manastirit ortodoksë serbë dhe malit Athos gjatë mesjetës. Për filologët ballkanologë është i njohur fakti që fjala serbe kishtare metohija ("tokë në pronësi të manastirit" ose "territor i pronave të kishës") është huazuar nga greqishtja mesjetare (bizantine). Me këtë emër emërtoheshin shumë katunde e rajone, përkatësisht feude dhe vendbanime të veçanta, po aq sa kishte edhe manastire dhe prona të tyre. Në tekstet kishtare serbe përmenden "metohijat" e Kishës së Shmitrit në Prizren (1309-1313), pastaj të Deçanit (1330), të Dobrushtës dhe të Hoçës (1355) dhe disa të tjera. Pas pushtimit të Kosovës, me këtë emërtim kishtar pushteti serb e emërtoi krahinën të cilën shqiptarët tradicionalisht e quanin Rrafsh i Dukagjinit, emërtim që rrjedh nga emri i derës feudale arbërore të Dukagjinëve në Dukagjin apo Malet e Dukagjinit siq i quan Pjetër Mazreku në vitin 1633 dhe kryeqendra e saj Gjytetja e Re n'Dukagjin, përkatësisht: Ciuitas noua, sine Ducagina; Città noua o Ducagini; Gjytetja e re, n'Dukagjin, siq e përmend Frang Bardhi në vitin 1635.

Deri në vitin 1969, në burimet serbe, Kosova zyrtarisht quhej Kosova dhe Metohia. Me Ligjin Kushtetues të Kosovës u hoq fjala tendencioze "Metohia" nga emërtimi i Kosovës.

• Metehu
• Metehia
• Krahina Socialiste Autonome e Kosovës