Frano Gjini (Shkodër, 20 shkurt 1886 - 11 mars 1948) ka qenë prift dhe ipeshkëv shqiptar, i martirizuar nga regjimi komunist pas kryengritjes së Postribës.
Hapja e procesit dioqezan për lumnimin e tij, u shpall më 10 nëntor të viti 2002, nga prefekti i asokohshëm i Kongregatës për Ungjillëzimin e Popujve, kardinali Kreshencio Sepe, gjatë kremtimit të Eukaristisë, në katedralen e Shkodrës. Lumnimi dhe pranimi si shenjtor ndodhi më 5 nëntor 2016, në sheshin para katedrales së Shën Shtjefnit në Shkodër.
Frano Gjini | |
Emri | Frano |
Mbiemri | Gjini |
Lindur më | 20 shkurt 1886 |
Lindur në | Shkodër, Perandoria Osmane |
Vdiq më | 11 mars 1948 |
Vdiq në | Shkodër, Shqipëri |
Kombësia | Shqiptar |
Shtetësia | Shqiptare |
Profesioni | Ipeshkëv – Abat i Mirditës, në Orosh |
U lind në Shkodër, i biri i Pjetër dhe Drande Gjinit. Mësimet e para dhe të mesme i kreu në Shkodër në Kolegjin Saverjan i etërve Jezuit ndërsa studimet e larta për Filozofi dhe Teologji i kreu në Romë, Itali, ku u shugurua meshtar. Më pas shërbeu si prift në Laç të Kurbinit, Vlorë, Durrës ku edhe u shugurua ipeshkev ndërsa më 1932 u emërua abat i Mirditës. Gjatë kësaj kohe Imzot Gjini përvetsoi disa gjuhë dhe predikonte fenë në këtë mjedisë në moton "Fe Atdhe". Më 1945 Selia e Shejtë e emëroi zëvendësdelegat apostolik në vend të delegatit apostolik Leone Nigris. Gjatë kësaj kohe ai mbronte interesat e komunitetit katolik shqiptar në Shqipëri e cila në këtë kohë qeverisej nga komunistët.
Për veprimtarin e tij Imzot Gjini u arrestua më 18 nëntor 1946 me akuzat a.) Agjent i Vatikanit dhe i Anglo-Amerianëve dhe b.) Bashkëpunëtor me një grup klerikësh Françeskanesh si At Mati Prennushi, At Çiprian Nika etj. që kishin ndermarre futjen ne kishen Françeskane e mëfsheh ”armë” me qëllim për të organizuar kryengritje ndaj rregjimit.
Imzot Gjini akuzat e ngritura nga regjimi nuk i pranoi dhe më 11 mars 1948 pas 16 muaj hetuesie ai u pushkatua.
This article uses material from the Wikipedia Shqip article Frano Gjini, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.