Emin Duraku (Gjakovë, 20 prill 1918 - Lipjan, 23 dhjetor 1942) ishte aktivist komunist shqiptar, anëtar i Grupit komunist të Shkodrës dhe i Partisë Komuniste Jugosllave.
Lindi më 1918 në Gjakovë, i biri i Rexhepit dhe Zelihasë. Shkollën fillore e kreu në vendlindje.
Më 1938 arrestohet nga regjimi zogist skeda është kjo: vjeç 21, nga Gjakova, banues në Shkodër, student në klasën e 6-të të liceut, i pamartuar, i padënuar. Mohoi pjesëmarrjen në organizatë komuniste. U dënua me tre vjet "për faje kundër rregullit shtetnor dhe ekonomik më 10 shkurt 1939. Pas 7 prillit doli nga burgu duke përfituar nga një dekret i mëkëmbësit Jacomoni. Pas pushtimit italian të Shqipërisë, raportohet ndër pjesëmarrësit e demonstratës së parë antifashiste me studentë dhe konviktorë të Shkodrës me flamurin shqiptar pa sëpatat e liktorit.
Me Fadil Hoxhën u kthye në vendlindje në verën 1939. Punoi pranë Komitetit Krahinor të Partisë, Vasil Shanto i kishte kërkuar që të vendosnin kontaktet me komunistët kosovarë dhe t'i çonin literaturë. Me Fadilin i raportojnë Miladin Popoviqit se mundësia për krijimin e partisë komuniste ishte nëse vinte ndihma e Partisë Komuniste Jugosllave. Miladini u premtoi ndihmën dhe u dha materiale propagandistike.
Njësitë fashiste i bënë atentat, vdiq më pas në spitalin e Prizrenit. I rënë dëshmor për kauzën komuniste, një batalioni iu dha emri i tij.
Me vdekjen e tij u bë dëshmor i kauzës komuniste, duke i dhënë emrin e tij një njësie partizane, ansambleve dhe shkollave.
This article uses material from the Wikipedia Shqip article Emin Duraku, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.