Përveç Dodonës së famshme të Epirit, autorët e lashtë kanë shkruar se në Greqinë antike ekzistonte edhe një tjetër Dodonë e cila ishte një qytet që ndodhej në rajonin e Perrhaebias në Thesali, pranë malit Olimp.
Dodona Thesaliane përmendet në Katalogun e Anijeve në Iliadën e Homerit së bashku me qytet-shtetet Kyfos dhe Gonos dhe “brigjet e Titaresios", të gjitha të sunduara nga Guneus dhe që u përkasin Enienëve dhe Peraebejve. Këto vende dhe grupe etnike ndodhen të gjitha në Thesalinë e lashtë, jo në Epir; dhe kështu, nuk mund të ketë dyshim, se ky fragment tek Homeri i referohet Dodonës në Thesali. Megjithatë, Dodona tjetër dhe orakulli i saj me të cilin u konsultua Odiseu, përmendet nga Homeri në veprën ‘Odisea’.
Ka një tjetër përmendje nga Homeri në Iliadë për Dodonën, me mendime të ndryshme se për cilën Dodonë bëhet fjalë; disa supozojnë se Akili, nuk iu lut Zeusit në Dodonën e Epirit, por ai iu lut atij në Dodonën Thesaliane si perëndia mbrojtës i vendit të tij të lindjes, pasi Akili banonte në Thesali; ndërsa të tjerë pohojnë se përmendja e Sellëve, emri i të cilit diku tjetër lidhet me Dodonën Thesprote, tregon për vendin në Epir. Duke qenë se nuk ka asnjë provë për ekzistencën e një orakulli në Dodonën Thesaliane, ka të ngjarë që lutja e Akilit t'i drejtohej perëndisë në Epir, orakulli i të cilit kishte fituar tashmë një famë të madhe, siç e shohim në një fragment në ‘Odisea’. Dodona e Thesalisë thuhet se është quajtur edhe Bodona; dhe nga ky vend thuhet se ka marrë një koloni Dodona thesprote dhe emrin e saj.
This article uses material from the Wikipedia Shqip article Dodona e Thesalisë, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.