Bajram Pollozhani (1950, Morovishti, Strugë) është një avokat i shquar shqiptar nga Maqedonia e Veriut, anëtar i Gjykatës Kushtetuese të vendit nga viti 2003 deri në vitin 2007.
Bajram Pollozhani u lind më 16 korrik 1950 në fshatin Moroishtë të Strugës, atëherë në Republikën Popullore Federative të Jugosllavisë. Shkollën fillore dhe të mesmen e kreu në vitin 1969 në Moroishtë. Në vitin 1974 diplomoi në Fakultetin Juridik të Universitetit të Prishtinës dhe deri në vitin 1990 punoi si studiues, këshilltar dhe asistent i sekretarit (ministri), nënsekretar në departamentet për legjislacion. Në vitin 1984 ai dha provimin e gjyqtarit. Në vitin 1986 ka mbrojtur temën e magjistraturës në Universitetin e Prishtinës, ndërsa në vitin 2002 ka mbrojtur edhe disertacionin e doktoraturës në shkencat kushtetuese dhe juridike. Në vitet 1991-1996 ka ushtruar profesionin e avokatit. Në vitet 1998 - 2001 ishte zëvendësministër i Drejtësisë i Republikës së Maqedonisë, e më pas këshilltar republikan në ministri, nënkryetar i Këshillit qeveritar për kriptombrojtje dhe anëtar i Këshillit juridik të Qeverisë. Është anëtar i shumë komisioneve për përgatitjen e ligjeve në qeveri.
Nga marsi 2002 deri më 30 maj 2003 ishte profesor i asociuar në Universitetin e Evropës Juglindore në Tetovë.
Gjyqtar në Gjykatën Kushtetuese të Republikës së Maqedonisë u zgjodh më 31 maj 2003 dhe gjyqtar kushtetues qëndroi deri në vitin 2007.
This article uses material from the Wikipedia Shqip article Bajram Pollozhani, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.