Arnavut ciğeri (fjalë për fjalë mëlçia shqiptare) është një pjatë turke e bërë me kubikë të mëlçisë të qengjit ose viçit të skuqur me vaj të erëzuar me piper djegës, i shërbyer tradicionalisht me qepë dhe majdanoz.
Fjala Arnavut (Shqiptar) është pjesë e një pjate në kuzhinën e Stambollit e njohur si Arnavut ciğeri (mëlçi shqiptare).
Prejaedhja e Arnavut ciğeri qëndron në shekullin e pesëmbëdhjetë dhe pasojat e luftërave në atë që u bë Ballkani Osman (Rumelia) dhe imigrimi i shqiptarëve në rajonin e Stambollit. Njerëzit që udhëtonin nga Ballkani për në Anadollin osman dhanë ndikimet e tyre në këtë zonë, si p.sh. shqiptarët që u punësuan si shitës të lëvizshëm të mëlçisë së papërpunuar. Në fund të shekullit të 17-të, shqiptarët u përmendën nga udhëtari osman Evliya Çelebi si kasap në Stamboll me origjinë nga Ohri, Korça dhe Hurupişte (Argos Orestiko moderne) që shisnin mish qengji si mëlçi, zemër dhe veshka. Pjata Arnavut ciğeri u bë pjesë e kuzhinës turke gjatë periudhës osmane, kur osmanët përvetësuan traditat e kuzhinës nga popujt që takonin dhe i bashkuan me kuzhinën, praktikat dhe zakonet e tyre të gatimit.
This article uses material from the Wikipedia Shqip article Arnavut ciğeri, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.