හීබෲ බයිබලය අනුව, සොලමන්ගේ දේවස්ථානය හෙවත් පළමු දේවස්ථානය යනු පුරාතන ජෙරුසලමේ පිහිටා තිබූ පූජනීය දේවස්ථානයයි.
(හීබෲ: בֵּית־הַמִּקְדָּשׁ: Beit HaMikdash) ක්රි.පූ. 587 ජෙරුසලම වටලෑමේ දී IIවන නෙබුකැඩ්නෙසර් විසින් එය විනාශ කරන ලදී. අනතුරුව ක්රි.පූ. 6වන සියවසේ දී එය විස්ථාපනය කරමින් දෙවන දේවස්ථානය ඉදිකරන ලදී.
හීබෲ බයිබලය පවසන්නේ මෙම දේවස්ථානය ඉදිකරන ලද්දේ ඊශ්රායල සහ ජුදා එක්සත් රාජධානියේ සොලමන් රජු විසින් බවයි. ජුදා රාජධානි සමයේ මෙම දෙවොල යාහ්වෙහ්ට පුදකොට තිබූ බවත් එහි සඳහන් වේ. ප්රතිඥාවේ යාත්රාව මෙය තුළ තැන්පත් කොට තිබූ බවත් පැවසේ. යුදෙව් ඉතිහාසඥ ජොසෆස් පවසන්නේ "දෙවොල ගිනිබත් කෙරුණේ එය ඉදිකොට වසර හාරසිය හැත්තෑවකුත්, මාස හයකුත් සහ දින දහයකටත් පසුව බවයි". නමුත් රබිනික මූලාශ්ර සඳහන් කරන්නේ පළමු දේවස්ථානය වසර 410ක් පැවතුණු බවයි. 2වන සියවසේ සෙඩර් ඕලම් රබ්බාගේ කෘති අනුව, මෙය ඉදිකෙරුණේ ක්රි.පූ. 832දී යයි ද, විනාශ වූයේ ක්රි.පූ. 422දී යයි ද සලකා ඇත. මෙය ආනාගමික ඇස්තමේන්තුවලට වඩා වර්ෂ 165ක් පසු අගයකි.
ජෙරුසලමේ ආගමික සංවේදනීයතාව සහ දේශපාලනික චංචල ස්වභාවය හේතුවෙන් මෙම දේවස්ථාන ගොඩැල්ලෙහි සීමිත පුරාවිද්යා සමීක්ෂණ පමණක් සිදුකොට ඇත. නූතන යුගයේ මෙහි කිසිදු පුරාවිද්යා කැනීමක් සඳහා අවසර ලබා දී නැත. එම නිසා, සොලමන්ගේ දේවස්ථානය පවැති බවට ඇත්තේ ඉතා සුළු පුරාවිද්යා සාක්ෂි සංඛ්යාවක් පමණි. "---හ්"හි නිවසෙහි පූජකයන් පිළිබඳ සඳහන් ඇත්දළ කැබැල්ලක් සහ ජෙහෝෂ් යටතේ දේවාලයේ ප්රතිසංස්කරණ කටයුතු පිළිබඳ අභිලේඛනයක් පුරාවස්තු වෙළඳපොලකින් හමුවී ඇති නමුත්, එහි විශ්වසනීයත්වය මතභේදයට ලක්ව ඇත.
|
|
|
It has a detailed account and treatment of Solomon's Temple and its significance.
සැකිල්ල:Solomon සැකිල්ල:Tabernacle and Jerusalem Temples
This article uses material from the Wikipedia සිංහල article සොලමන්ගේ දේවස්ථානය, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). අන්ලෙසකින් සඳහන්කර නැති සෑම විටෙකම අන්තර්ගතය CC BY-SA 4.0 යටතේ ඇත. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki සිංහල (DUHOCTRUNGQUOC.VN) is an independent company and has no affiliation with Wiki Foundation.