රාම් චරන් යනුවෙන් හැඳින්වෙන්නේ තෙලිඟු සිනමාවේ කාර්යයේ නියුතු ඉන්දියානු චිත්රපට නළුවකු, නර්තන ශිල්පියකු, නිෂ්පාදකවරයකු, ව්යාපාරිකයකු සහ ව්යවසායකයෙකි.
ඔහු නන්දි සම්මාන යුගලක්, දකුණු ෆිල්ම්ෆෙයාර් සම්මාන දෙකක්, සිනේමා සම්මාන දෙකක් සහ සන්තෝෂම් හොඳම නළුවා සම්මානය දෙවරක් හිමි කරගෙන ඇත. චරන් ටොලිවුඩයේ ඉහළම ආදායම් ලබන නළුවන්ගෙන් අයකු ලෙස සැලකේ.
රාම් චරන් | |
---|---|
උපත | රාම් චරන් තේජා කෝනිදේලා 27 මාර්තු 1985 මදුරාසි (වර්තමාන චෙන්නායි), තමිල් නාඩු, ඉන්දියාව |
නිවහන | හයිදරාබාද්, තෙලංගානා, ඉන්දියාව |
ජාතිකත්වය | ඉන්දියානු |
රැකියාව |
|
සක්රීය වසර | 2007–වර්තමානය |
කලත්රයා(යන්) | උපසානා කාමිනේනි |
දෙමව්පියන්(s) | චිරන්ජීවි සුරේඛා කෝනිදේලා |
පවුල | බලන්න චිරන්ජීවි පවුල |
2016දී ඔහු විසින් කෝනිදේලා නිෂ්පාදන සමාගම යන නාමය යටතේ සිය නිෂ්පාදන නිවස ස්ථාපනය කරන ලදී.
රාම් චරන් උපත ලැබූයේ තෙලිඟු නළු චිරන්ජීවි සහ සුරේඛාට දාව චෙන්නායිහි දී ය. ඔහුට සොහොයුරියන් දෙදෙනකු වේ. අල්ලු රාම ලිංගයියාගේ මුණුපුරා වන ඔහු නාගේන්ද්ර බාබු, පවන් කල්යාණ්, සහ අල්ලු අරවින්ද්ගේ බෑණා වේ. එසේම ඔහු අල්ලු අර්ජුන්, වරුන් තේජ් සහ සායි ධර්ම් තේජ්ගේ ඥාති සොහොයුරා වේ. 2011 දෙසැම්බර් 1 දින හයිදරාබාද්හි දී චරන් උපසානා කාමිනේනි සමග විවාහ ගිවිස ගත්තේ ය. උපසානා ඇපලෝ පුණ්යායතනයේ උප-සභාපතිනිය මෙන්ම B Positive සඟරාවේ ප්රධාන කතුවරිය ද වේ. උපසානා යනු ඇපලෝ රෝහල්වල විධායක සභාපතිවරයා වන ප්රතාප් සී. රෙඩ්ඩිගේ මිණිපිරියයි. අනතුරුව 2012 ජූනි 14 දින ටෙම්පල් ට්රීස් ෆාම් හවුස් හිදී ඔවුහු විවාහ වූහ.
රාම් චරන් අශ්වාරෝහකයකු මෙන්ම ව්යාවසායකු ද වේ. ඔහුට රාම් චරන් හයිදරාබාද් පෝලෝ රයිඩිං ක්ලබ් නැමැති පෝලෝ කණ්ඩායමක් ද හිමි ය. ඔහු මා ටීවී අධ්යක්ෂක මණ්ඩලයේ ද සේවය කරයි.
2015 ජූලි මස මුල් කාලයේ, ඔහු තමන්ගේම හයිදරාබාද්-පාදක කරගත් TruJet නම් ගුවන් සේවාව ඇරඹී ය.
Devil's Circuit නැමැති බාධක දිවීම් ශ්රේණියේ සම-අයිතිකරු ද රාම් චරන් ය.
2007දී, රාම් චරන් චිත්රපට ක්ෂේත්රය වෙත පිවිසියේ චිරුතා චිත්රපටයේ ප්රධාන චරිතය නිරූපණය කරමිනි. පූරි ජගන්නාධ් විසින් අධ්යක්ෂණය කළ මෙය ඍජු මධ්යස්ථාන 178ක සහ තවත් මධ්යස්ථාන 15ක දින 50 කඩඉම සම්පූර්ණ කළේ ය. මෙම චිත්රපටය මධ්යස්ථාන 40ක දින 100 සම්පූර්ණ කළේ ය. මෙහි ඔහු නිරූපණය කළේ සිය පියාගේ ඝාතකයින්ව මරාදැමීමට අදිටනින් පසුව චරන් නැමැත්තකුගේ චරිතයයි. ඔහුගේ රංගන ප්රතිභාව අගය කරමින් Rediff.com සඳහන් කොට තිබුණේ "රාම් චරන් බලාපොරොත්තු තබාගත හැකි නළුවෙකි. නර්තන සහ ක්රියාදාම විශිෂ්ට බැව් පෙනේ. නර්තන අංගවල ඔහු වඩාත් තේජාන්විත ය. දෙබස් හැසිරවීම සහ අනුගමනය කරන ශෛලිය මගින් ඔහු සිය තරු පියාගෙන් පැහැදිළිව විශේෂ වී ඇත." මෙම චිත්රපටයේ රංගනය හේතුවෙන් ෆිල්ම්ෆෙයාර් හොඳම දකුණු කෝඩුකාර සම්මානය සහ නන්දි විශේෂ ජූරියේ සම්මානය ඔහුට හිමි විය.
2009දී ඔහුගේ දෙවන චිත්රපටය වූ එස්. එස්. රාජමෞලි විසින් අධ්යක්ෂනය කළ බ්ලොක්බස්ටරයක් වූ මගධීරා මුදාහැරීමත් සමග, ඔහුට ටොලිවුඩයේ ප්රමුඛ නළුවකු ලෙස නාමයක් ගොඩනගා ගැනීමට හැකි විය. ඔහු මෙහි ද්විත්ව චරිත නිරූපණය කළ අතර, ඉන් එකක් 17වන සියවසේ රාජස්ථානයේ රාජධානියක නිර්භීත සෙබලකුගේ චරිතයකි. මෙහි දී ඔහු කුමරියකට පෙම් කරන අතර ඇයව ඔහුට අහිමී වීමෙන් පසුව මියයයි. දෙවන චරිතය එම කුමරියගේ නැවත උපතක් වන තරුණියකගේ සිත දිනාගන්නට උත්සාහ දරන මෝටර් බයිසිකල් රියැදුරකුගේ චරිතයකි. ඔහුගේ ප්රතිභාව දැවැන්ත විචාරක පැසසුමක් හිමි කරගත්තේ ය. The Times of India පුවත්පත රචනාකොට තිබුණේ "රාම් චරන් නිර්භීත සෙබලකු බවට පත්ව දිවියටත් වඩා විසල් චරිතයක් අපහසුවකින් තොරව නිරූපණය කරයි. ඔහු සිය අසුන් පැදවීමේ සහ නර්තන හැකියාවන් පරිපූර්ණ අයුරින් පෙන්වයි." IndiaGlitz සඳහන් කොට තිබුණේ "තරන් පරිණත නිරූපණයකට පැමිණ ඇති අතර ඔහු චිත්රපටය මැනවින් නිරූපණය කොට ඇත. ඔහුගේ චරිත දෙකටම සාධාරණයක් ඉටුකොට ඇති අතර, ඔහු බොහෝ ස්ථානවල අපට ඔහුගේ පියා සිහිගන්වයි." එස්. එස්. රාජමෞලිගේ අධ්යක්ෂණයක් වන මෙය, හොඳම නළුවා සඳහා ෆිල්ම්ෆෙයාර් සම්මානය – තෙලිඟු ඇතුළු ෆිල්ම්ෆෙයාර් සම්මාන පහක් හිමි කරගත්තේ ය. එමෙන්ම නන්දි ජූරියේ විශේෂ සම්මානය ද චරන්ට හිමි විය. 2009දී, ඔහු පෙප්සිහි වෙළඳ දැන්වීම් ව්යාපාර සමග සම්බන්ධ වීම හේතුවෙන් කතාබහට ලක්වූ පුද්ගලයකු බවට පත් විය.
2010දී චරන් බොම්මාරිල්ලු භාස්කර්ගේ චිත්රපටයක් වූ Orangeහි ප්රධාන චරිතය නිරූපණය කළේ ය. මෙහි ඔහු නිරූපණය කළේ රාම් නැමැති ඕසට්රේලියාවේ නේවාසික-නොවන ඉන්දියානුවකුගේ චරිතයකි. ඔහුගේ අදහස් සදහටම පෙම් කිරීමට එරෙහිව වේ. IndiaGlitz රචනා කළේ "රාම් චරන් චිත්රපටය පුරාම විශිෂ්ට රංගනයක නියැළෙයි. ඔහුගේ විලාසය, අංග රචනය, ඇඳුම් ශෛලිය, අතිරේක අංග සහ ශරීර භාෂාව හේතුවෙන් ප්රේක්ෂකයාට නාගරික තරුණයකුගේ හැඟීමක් ඇතිවේ. ඔහු ක්රියාදාම, නර්තන, දෙබස් හැසිරවීම, දේහ භාෂාව යන සියලු අංශවලින් දියුණු වී සිටියි."
ඔහුගේ ඊළඟ චිත්රපටය වූයේ සම්පත් නන්දි අධ්යක්ෂණය කළ රච්චා චිත්රපටයයි. මෙහි ඔහු බෙටිං රාජ් නැමැති සූදුකරුවකුගේ චරිතයක් නිරූපණය කළේ ය. IndiaGlitz රචනාකර තිබුණේ " ඔහුගේ චිරු අතීතයේ සිටියාටත් වඩා හොඳින් චිරුගේ ලක්ෂණ විදහාපායි. ඔහුගේ අතිමන්ද්ර ස්වරය හෝ හැසිරීම ක්රියාදාම අතින් ඔහු සුපිරිතරුවකි. ප්රබල පිටපතකින් ආධාර ලද ඔහුට මීට වඩා හොඳට එය කිරීමට හැකියාව තිබිණි." චිත්රපටය 2012 අප්රේල් 5 මුදාහැරුණු අතර, ආර්ථික අතින් සාර්ථකත්වයට පත් විය.
2013 වර්ෂයේ ඔහුගේ පළමු නිකුතුව වූයේ වී. වී. විනායක් විසින් අධ්යක්ෂණය කළ නායක් චිත්රපටයයි. මෙහි ද ඔහු ද්විත්ව චරිත නිරූපණයක් සිදුකළේ කොල්කතාවේ මාෆියා කල්ලියක සාමාජිකයකු සහ හයිදරාබාදයේ සරල මෘදුකාංග ඉංජිනේරුවරයකු ලෙස ය. The Times of India පුවත්පත රචනා කර තිබුණේ "රාම් චරන් දක්ෂ ලෙස කටයුතු කර ඇති අතර, ඔහුගේ චරිත දෙක අතර කිසිදු වෙනසක් දක්නට නොලැබේ." යහපත් විචාරක ප්රතිචාර ලද මෙය ආර්ථික අතින් ද සාර්ථක විය.
චරන් සිය බොලිවුඩ් ආගමනය සනිටුහන් කළේ සංජීර් චිත්රපටය තුළිනි. මෙය එම නාමයම ඇති 1973 චිත්රපටයේ ප්රතිනිර්මාණයකි. මෙහි ඔහු සිය දෙමාපියන්ගේ ඝාතකයාව සොයාගන්නා ප්රතිඥා දී සිටින ACP විජේ ඛන්නාගේ චරිතය නිරූපණය කරයි. චරන් පිළිවැයුම් ගායකයකු ලෙස සිය ප්රවේශය සනිටුහන් කළේ "මුම්බායි කේ හීරෝ" තුළිනි. චිරන්තන් භාට් විසින් නිමවන ලද මෙය සංජීර්හි තෙලිඟු සංස්කරණය වූ තූෆන් ඇල්බමයේ ඇතුළත් ය.
ඔහුගේ ඊළඟ තෙලිඟු චිත්රපටය වූ වම්සි පෛඩිපල්ලි අධ්යක්ෂණය කළ යෙවඩු (2014) තුළ ද ඔහු චරිත දෙකක් නිරූපණය කළේ ය. ඉන් එකක් අනෙකාගේ මුහුණට සමානව මුහුණ සැත්කමක් මගින් සැකසීම නිසා පාතාල කණ්ඩායම්වල තර්ජනයට ලක්වන පුද්ගලයෙකි. Bangalore Mirror රචනාකොට තිබුණේ "රාම් චරන්ට නම්, යෙවඩු ඔහුගේ තූෆන් බොක්ස් ඔෆීස් අතින් සිරවීම නිසා නිසා සිය තත්ත්වය ගොඩනගා ගැනීමට වැදගත් වන්නකි. ඔහුගේ චරිතයට පැති දෙකක් අති අතර, ඔහු එහි විවිධත්වයක් ගෙනඒමට උපරිමයෙන් උත්සාහ දරයි. ඔහු නර්තනයේ යෙදෙන්නේ හෙට දවසක් නොඑන්නාක් මෙනි. ඔහුගේ නර්තනය බැලීමට තරම් අගනේ ය." Sify රචනා කර තිබුණේ "පෙර චිත්රපට – නායක් සහ තූෆන් හා සැසඳීමේ දී, රාම් චරන් තරමක් හොඳින් මෙය ඉටුකරන බැව් පෙනේ. ඔහුගේ රංගනය තීව්ර සහ ක්රියාදාම ජවනිකාවල දී අතිශයින් ක්රියාකාරී ය. ප්රේක්ෂකයා සතුටු කිරීමට ඔහු Freedom ගීතයෙහි තරමක් හොඳ පියවරක් තබා ඇති බැව් පෙනේ." චරන්ගේ එම වසරේම ඊළඟ චිත්රපටය වූයේ පවුලේ නාට්යයක් වන ගෝවින්දුඩු අන්දරිවාදෙලේ චිත්රපටයයි. මෙම චිත්රපටය විචාරකයින් වෙතින් ඉතාම ධනාත්මක ප්රතිචාර හිමි කරගත් අතර, බොක්ස් ඔෆීස් අතින් 40 කෝටි (US$6.2 මිලියන)කට අධික දළ ආදායමක් උපයාගත්තේ ය.
ඔහුගේ ඊළඟ චිත්රපටය වූයේ බෲස් ලී චිත්රපටයයි. ඔහු ධෲවා (2016) චිත්රපටයේ රූගත කිරීම්වලට දායක විය. මෑතක දී ඔහු මෙතෙක් නම්කොට නොමැති සුකුමාර් විසින් අධ්යක්ෂණය කළ චිත්රපටයක් සඳහා අත්සන් තැබී ය. මෙය 2017 දීවාලියෙන් පසුව තිරගත වේ යැයි පැවසේ.
ඔහු ඔහුගේ පියා වූ චිරන්ජීවිගේ 150වන චිත්රපටයේ අධ්යක්ෂකවරයා විය. එසේම ඔහු සිය මාමා වන පවන් කල්යාණ්ගේ නිෂ්පාදනයකට අත්සන් තැබී ය.
මෙමගින් මෙතෙක් මුදානොහැරුණු චිත්රපට නිරූපණය වේ. |
තේමාව | වර්ෂය | චරිතය | සටහන් | ප්රභවය |
---|---|---|---|---|
චිරුතා | 2007 | චරන් | ආරම්භක චිත්රපටය | |
මගධීරා | 2009 | කාල භෛරවා / හර්ෂා | ද්විත්ව චරිත | |
Orange | 2010 | රාම් | ||
රාචා | 2012 | රාජ් | ||
නායක් | 2013 | චරන් "චෙරී", සිද්ධාර්ත් නායක් | ද්විත්ව රංගනයකි. | |
සංජීර් | 2013 | ඒසීපී විජේ ඛන්නා | හින්දි චිත්රපටය | |
යේවදු | 2014 | චරන්, සත්යා | ||
ගෝවින්දුඩු අන්දාරිවදෙලේ | 2014 | අභි රාම් | ||
Bruce Lee - The Fighter | 2015 | කාර්තික් | ||
ධෲවා | 2016 | ධෲවා | ||
ඛායිඩි නම්බර් 150 | 2017 | ඇය ලෙසම | "අම්මඩු ලෙට්’ස් ඩූ කම්මඩු" ගීතයේ විශේෂ නිරූපණය | |
RC 11 | 2017 | රූගත කෙරෙමින් පවතියි. |
වර්ෂය | තේමාව | භාෂාව | රංගනය |
---|---|---|---|
2017 | ඛායිඩි නම්බර් 150 | තෙලිඟු | චිරන්ජීවි, කාජල් අගර්වාල් |
වර්ෂය | ගීත(ය) | චිත්රපටය | භාෂාව | සංගීතය | ගායක(යින්) |
---|---|---|---|---|---|
2013 | "මුම්බායි කේ හීරෝ" | තූෆන් | තෙලිඟු | චිරන්තන් භාට් | රාම් චරන්, ජස්ප්රීත් ජාස්, රෝෂිනී බැප්ටිස්ට් |
වර්ෂය | සම්මානය | ප්රවර්ගය | චිත්රපටය | ප්රතිඵලය | ප්රභවය |
---|---|---|---|---|---|
2008 | නන්දි සම්මාන | විශේෂ ජූරියේ සම්මානය | චිරුතා | දිනාගති | |
2008 | ෆිල්ම්ෆෙයාර් සම්මාන දකුණ | හොඳම ආධුනික නළුවා – දකුණ | චිරුතා | දිනාගති | |
2010 | නන්දි සම්මාන | විශේෂ ජූරියේ සම්මානය | මගධීරා | දිනාගති | |
2010 | ෆිල්ම්ෆෙයාර් සම්මාන දකුණ | හොඳම නළුවා – තෙලිඟු | මගධීරා | දිනාගති | |
2010 | සන්තෝෂම් චිත්රපට සම්මාන | හොඳම නළුවා | මගධීරා | දිනාගති | [තහවුරු කර නොමැත] |
2010 | සිනේමා සම්මාන | හොඳම නළුවා | මගධීරා | දිනාගති | [තහවුරු කර නොමැත] |
2013 | ෆිල්ම්ෆෙයාර් සම්මාන දකුණ | හොඳම නළුවා – තෙලිඟු | රාචා | නිර්දේශිත | [තහවුරු කර නොමැත] |
2013 | සිනේමා සම්මාන | හොඳම නළුවා | රාචා | නිර්දේශිත | [තහවුරු කර නොමැත] |
2014 | ෆිල්ම්ෆෙයාර් සම්මාන දකුණ | හොඳම නළුවා – තෙලිඟු | නායක් | නිර්දේශිත | [තහවුරු කර නොමැත] |
2014 | TSR – TV9 ජාතික චිත්රපට සම්මාන | Best Hero | නායක් | දිනාගති | [තහවුරු කර නොමැත] |
2014 | සිනේමා සම්මාන | හොඳම නළුවා | නායක් | නිර්දේශිත | [තහවුරු කර නොමැත] |
2015 | සන්තෝෂම් චිත්රපට සම්මාන | හොඳම නළුවා | ගෝවින්දුඩු අන්දාරිවාදෙලේ | දිනාගති | [තහවුරු කර නොමැත] |
2016 | රිට්ස් අයින් සම්මාන | වඩාත් පැසසුම් ලද පුද්ගලයා සම්මාන | දිනාගති | [තහවුරු කර නොමැත] | |
2016 | ඒෂියාවිෂන් සම්මාන | ඉන්දියාවේ යොවුන් සලකුණ | දිනාගති |
This article uses material from the Wikipedia සිංහල article රාම් චරන්, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). අන්ලෙසකින් සඳහන්කර නැති සෑම විටෙකම අන්තර්ගතය CC BY-SA 4.0 යටතේ ඇත. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki සිංහල (DUHOCTRUNGQUOC.VN) is an independent company and has no affiliation with Wiki Foundation.