Daca

Dacca (ধাক), est una tzitade e capitale de Bangladesh. Tenet populatzione de unos 7.000.940 bividores, e in s'àrea metropolitana s'istimat chi bivant unos 12 milliones de persones, cosa chi nde faghet su conglomeradu majore de s'istadu e sa de deghennoe de su mundu. Sa tzitade est posta in unu canale de su riu Dhaleswari, in su tzentru de sa regione produtora de juta prus manna de su mundu. Est su tzentru industriale, cummertziale e amministrativu de su Bangladesh, cun cummèrtziu ativu de juta, arrosu, tzùcaru e te. Possedet una flòrida indùstria tèssile e s'artesania puru tenet unu rolu econòmicu de primu òrdine.

Fundada a cara de s'annu 1000 cun su nùmene de Jahangir Nagar, in su de 17 sèculos si fiat fata unu tzentru mannu de artesania, e in su de 18 sèculos fiat lòmpida su lugore màssimu in si fàghere famosa pro is recamos in oro e pro is sedas. In su de 19 sèculos però, sa fabricatzione de custos produtos non pòdiat cumpètere prus cun sa produtzione industriale in crèschida, cosa chi nd'aiat fatu menguare sa populatzione.

Est istada amministrada dae su Regnu Unidu a partire su 1765, e in su 1947 fiat fata capitale de su Pakistàn Orientale a pustis de s'indipendèntzia e partidura de s'Ìndia. Su 1971, sa tzitade fiat passada a èssere sa capitale de su nou Bangladèsh separadu de su Pakistàn.