Limba Frantzesa

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

Su frantzesu (le français /lə fʁɑ̃sɛ/ o la langue française /la lɑ̃ɡ fʁɑ̃sɛz/) est una limba romanza chi benit de su latinu faeddadu. Apartenet a su grupu gallo-romanzu e est originàriu de su norte de sa Frantza atuale. Si faeddat comente prima limba in Europa (Frantza, Bèlgiu, Isvìtzera, Mònacu e Lussemburgu) e fintzas in Amèrica in Canadà (Québec, Nou-Brunswick).

Est annotamala faeddadu in is Istados Unidos (frantzesu cajun e frantzesu acadianu), Haiti (cun su crèolu), e numerosos istados de su mundu, massimamente in Àfrica. Segundu istimaduras de s'Organisation Internationale de la Francophonie (fundadas subra projetziones demogràficas de is Natziones Unidas), durante su sèculu XXI su frantzesu s'at a fàghere sa de tres limbas cun nùmeru majore de faeddatores in su mundu, mescamente pro sa crèschida de sa populatzione de is paisos africanos francòfonos.

S'Organisation internationale de la francophonie càrculat chi ddoe fiant unos 300 millones (235 milliones usu cotidianu) de francòfonos in su mundu in s'annu 2018, de is cales unos 72 milliones faeddatores partziales.​ Est sa de chimbe limbas prus faeddadas de su mundu (sa de noe pro faeddatores nadios) e sa segunda limba in is relatziones internatzionales pro su nùmeru de paisos chi dda impreant comente limba ufitziale e/o de comunicatzione e pro su nùmeru de organizatziones internatzionales chi dda impreant a limba de traballu, comente podent èssere s'Organisation International de la Francophonie, s'Unione Europea, is Natziones Unidas, su Comitadu Olìmpicu Internatzionale, etz.