ᱥᱤᱛᱩᱝ ᱨᱤᱛᱩ
ᱥᱤᱛᱩᱝ ᱨᱤᱛᱩ ᱵᱟᱹᱭᱥᱟᱹᱠ ᱟᱨ ᱡᱷᱮᱸᱴ ᱵᱚᱝᱜᱟ ᱨᱮ ᱠᱤᱱ ᱟᱹᱭᱠᱟᱹᱣᱼᱟ ᱾ ᱱᱚᱶᱟ ᱨᱤᱛᱩ ᱨᱮ ᱫᱚ ᱟᱹᱰᱤ ᱩᱨᱤᱡ ᱥᱤᱛᱩᱝᱟ ᱾ ᱱᱚᱶᱟ ᱨᱤᱛᱩ ᱨᱮ ᱫᱚ ᱫᱤᱱ ᱢᱟᱨᱟᱝᱚᱜᱼᱟ ᱟᱨ ᱧᱤᱫᱟᱹ ᱫᱚ ᱦᱩᱰᱤᱧᱚᱜᱼᱟ ᱾ ᱱᱚᱶᱟ ᱨᱤᱛᱩ ᱨᱮ ᱫᱚ ᱠᱤᱥᱟᱹᱬ ᱦᱚᱲ ᱠᱚ ᱫᱚ ᱦᱮᱢᱟᱞ ᱯᱟᱱᱠᱷᱟ ᱞᱟᱛᱟᱨ ᱨᱮ ᱫᱤᱱ ᱠᱚ ᱠᱷᱮᱢᱟᱣᱟ ᱾ ᱟᱨ ᱨᱮᱸᱜᱮᱡ ᱦᱚᱲ ᱫᱚ ᱫᱟᱨᱮ ᱩᱢᱩᱞ ᱨᱮ ᱵᱟᱵᱮᱨ ᱠᱚ ᱩᱧᱟ ᱟᱨ ᱟᱫᱷᱟᱱ ᱫᱚ ᱱᱟᱦᱮᱞ ᱠᱚ ᱠᱚ ᱞᱟᱜ ᱨᱚᱜ ᱵᱟᱲᱟᱭᱟ ᱾ ᱱᱚᱶᱟ ᱨᱤᱛᱩ ᱨᱮ ᱟᱹᱰᱤ ᱠᱚᱢᱮ ᱫᱟᱜᱟ ᱟᱨ ᱛᱟᱞᱟ ᱛᱟᱞᱟ ᱨᱮ ᱫᱟᱜᱽ ᱠᱷᱟᱱᱮ ᱦᱚᱭ ᱜᱮ ᱵᱟᱹᱲᱛᱤ ᱟ ᱾ ᱫᱟᱜ ᱵᱟᱲᱟ ᱞᱮᱠᱷᱟᱱ ᱵᱟᱹᱫᱽ ᱠᱚ ᱯᱟᱲᱟᱜ ᱵᱟᱲᱟ ᱠᱟᱛᱮ ᱦᱳᱲᱳ ᱠᱚ ᱮᱨᱟ ᱾
ᱯᱟᱨᱟᱵᱽ ᱯᱩᱱᱟᱹᱭ
ᱱᱚᱶᱟ ᱨᱤᱛᱩ ᱨᱮ ᱦᱚᱸ ᱦᱚᱲ ᱯᱟᱨᱟᱵᱽ ᱠᱚ ᱢᱟᱱᱟᱣ ᱜᱮᱭᱟ ᱾ ᱚᱱᱟ ᱫᱚ ᱦᱩᱭᱩᱜ ᱠᱟᱱᱟ ᱨᱚᱡᱚ ᱯᱟᱨᱟᱵᱽ ᱾ ᱨᱚᱡᱚ ᱯᱟᱨᱟᱵᱽ ᱫᱤᱠᱩ ᱠᱚ ᱟᱹᱰᱤ ᱡᱟᱹᱥᱛᱤ ᱠᱚ ᱢᱟᱱᱟᱣᱟ ᱾ ᱱᱚᱶᱟ ᱫᱚ ᱫᱤᱠᱩ ᱠᱚᱣᱟᱜ ᱢᱤᱫ ᱧᱩᱢ ᱦᱟᱞᱟᱝ ᱯᱟᱨᱟᱵᱽ ᱠᱟᱱ ᱜᱮᱭᱟ ᱾ ᱱᱚᱶᱟ ᱯᱟᱨᱟᱵᱽ ᱨᱮ ᱫᱚ ᱰᱷᱤᱞᱣᱟᱹᱝ ᱠᱚ ᱠᱚ ᱵᱮᱱᱟᱣᱟ, ᱠᱚᱵᱟᱰᱤ ᱮᱢᱟᱱ ᱠᱚ ᱠᱚ ᱮᱱᱮᱡᱼᱟ ᱾ ᱟᱨ ᱥᱟᱱᱛᱟᱲ ᱦᱚᱲ ᱠᱚ ᱫᱚ ᱯᱤᱴᱷᱟᱹ ᱞᱮᱴᱚ ᱠᱚ ᱵᱮᱱᱟᱣᱟ ᱟᱨ ᱱᱚᱶᱟ ᱯᱟᱨᱟᱵᱽ ᱡᱚᱠᱷᱟᱜ ᱫᱚ ᱥᱩᱠᱨᱤ ᱡᱤᱞ ᱯᱤᱴᱷᱟᱹ ᱟᱹᱰᱤ ᱠᱚ ᱠᱩᱥᱤᱭᱟᱜᱼᱟ ᱾ ᱰᱷᱤᱞᱣᱟᱹᱝ ᱠᱚᱨᱮ ᱫᱚ ᱞᱚᱠᱟ ᱦᱟᱛᱮ ᱠᱚ ᱥᱮᱨᱮᱧᱟ ᱟᱨ ᱛᱮᱞᱟ ᱦᱚᱸ ᱟᱹᱰᱤ ᱛᱮᱫ ᱜᱮ ᱟᱸᱫᱚᱲ ᱠᱚᱜᱼᱟ ᱨᱚᱢᱚᱡᱽ ᱟᱠᱷᱲᱟ ᱠᱚ ᱞᱮᱠᱟ ᱾
ᱱᱟᱭᱠᱚ
ᱥᱤᱛᱩᱝ ᱨᱤᱛᱩ ᱨᱮ ᱟᱹᱰᱤ ᱞᱮᱠᱟᱱ ᱡᱚ ᱠᱚ ᱵᱤᱞᱤᱜᱼᱟ ᱾ ᱚᱱᱟ ᱠᱚ ᱡᱚᱢ ᱨᱮᱱᱟᱜ ᱫᱟᱣ ᱠᱚ ᱧᱟᱢᱟ ᱾ ᱡᱮᱞᱮᱠᱟ- ᱠᱩᱫᱽ, ᱛᱤᱨᱤᱞ, ᱛᱟᱨᱚᱵ, ᱵᱟᱹᱨᱩ, ᱮᱢᱟᱱ ᱠᱚ ᱟᱨ ᱥᱟᱦᱟᱱ ᱥᱟᱠᱟᱢ ᱠᱚᱦᱚᱸ ᱠᱚ ᱡᱟᱴᱟᱜ ᱡᱟᱣᱨᱟ ᱠᱟᱜᱼᱟ ᱟᱥᱟᱲ ᱵᱚᱝᱜᱟ ᱵᱟᱠᱷᱨᱟ ᱠᱚ, ᱡᱮᱢᱚᱱ ᱟᱞᱚ ᱠᱚ ᱮᱴᱠᱮᱴᱚᱬᱮ ᱟ ᱾
ᱠᱟᱭᱠᱚ
ᱱᱚᱶᱟ ᱨᱤᱛᱩ ᱨᱮ ᱟᱹᱰᱤ ᱡᱩᱨ ᱦᱚᱭ ᱟᱛᱮ ᱫᱟᱜ ᱤᱫᱤ ᱠᱟᱛᱮ ᱟᱹᱰᱤ ᱜᱟᱱ ᱫᱟᱨᱮ ᱯᱟᱹᱴᱩᱵ ᱤᱫᱤᱭᱟᱭ ᱾ ᱛᱟᱞᱟ ᱛᱟᱞᱟ ᱠᱚᱨᱮ ᱵᱤᱡᱽᱞᱤ ᱟᱛᱮ ᱫᱟᱜ ᱟᱭ ᱟᱹᱰᱤ ᱵᱚᱛᱚᱨ ᱜᱮ ᱾ ᱚᱱᱟᱛᱮ ᱴᱟᱹᱰᱤ ᱴᱮᱠᱚᱨ ᱠᱚᱨᱮ ᱟᱹᱰᱤ ᱢᱩᱥᱠᱤᱞ ᱵᱩᱡᱷᱟᱹᱣᱜᱼᱟ ᱴᱟᱴᱠᱟᱭ ᱜᱷᱟᱲ ᱜᱷᱩᱲ ᱠᱷᱟᱱ ᱾ ᱡᱚ ᱵᱤᱞᱤ ᱠᱚ ᱦᱚᱸ ᱧᱩᱨ ᱪᱟᱵᱟᱜᱼᱟ ᱾ ᱟᱹᱰᱤ ᱡᱩᱨ ᱠᱷᱤᱛᱤ ᱦᱩᱭᱩᱜᱼᱟ ᱾ ᱨᱮᱸᱜᱮᱡ ᱦᱚᱲ ᱠᱚ ᱫᱚ ᱫᱟᱨᱮ ᱵᱩᱴᱟᱹ ᱩᱢᱩᱞ ᱠᱚ ᱨᱮ ᱜᱮ ᱫᱤᱱ ᱠᱚ ᱠᱷᱮᱢᱟᱣᱟ ᱟᱨ ᱧᱤᱫᱟᱹ ᱫᱚ ᱵᱟᱨᱦᱮ ᱠᱚᱨᱮ ᱜᱮ ᱠᱚ ᱡᱟᱹᱯᱤᱫᱟ ᱾ ᱥᱤᱛᱩᱝ ᱛᱮ ᱟᱦᱟᱨ ᱯᱩᱠᱷᱨᱤ ᱠᱚ ᱟᱸᱡᱮᱫᱚᱜᱼᱟ ᱾ ᱩᱢ ᱟᱹᱨᱩᱵ ᱡᱚᱢ ᱧᱩ ᱞᱟᱹᱜᱤᱫ ᱡᱤᱣᱤᱭᱟᱱ ᱠᱚ ᱟᱹᱰᱤ ᱠᱚ ᱮᱴᱠᱮᱴᱚᱬᱮ ᱟ ᱾
ᱟᱨᱦᱚᱸ ᱧᱮᱞᱢᱮ
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱥᱤᱛᱩᱝ ᱨᱤᱛᱩ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.