Dr Summer isch di wermscht vu dr vier Johreszyte in dr gmäßigte un arktische Klimazone vu dr Ärd.
Je nodäm, eb dr Winter uf dr Nord- oder dr Sidhalbchugle herrscht, wird unterschide zwisch em Nordsummer un em Sidsummer. Dr Nordsummer findet glychzytig mit em Sidwinter statt.
D Johreszyte entstehn, wel d Ärdrotation nit in dr Ebeni vu dr Umlaufbahn um d Sunne erfolgt, sundern um 23,4° gnaigt isch. Doderdur lige Sid- un Nordpol im Wächsel als e halb Johr im Sunneliecht, un dr Zenitstand vu dr Sonne wächslet im Johreskrais zwisch em sidlige un em nerdlige Wändekrais. An dr geografische Pol herrscht e halbes Johr lang d „Polardag“, in dr Nechi vu dr Polarkrais git s e baar Wuche lang Mitternachtssunne un „Wyssi Nächt“.
Astronomisch fangt dr Summer mit dr Summersunnewändi aa, em Zytpunkt, wu d Sunne sänkrächt iber em Wändekrais vu dr aigene Ärdhelfti stoht un d Däg am lengschte sin:
Derno wäre d Däg wider chirzer un d Nächt lenger. Dr Summer hert uf mit dr Spotjohrs-Dag-un-Nacht-Glychi am
Wel d Umlaufbahn vu dr Ärd um d Sunnen um 1,7 Prozänt vun ere Kraisbahn abwycht, sin di vier Johreszyte nit ganz glych lang. D Nordsummer e weng lenger un milder wie d Sidsummer, wel d Ärd im Nordsummer e weng wyter ewäg isch vu dr Sunne (Aphel am 5. Juli) .
Meteorologisch fangt dr Nordsummer am 1. Juni aa un dr Sidsummer am 1. Dezämber, wel d Meteorologe bi dr Johresyzte alliwyl volli Monet zelle.
Phänologisch cha dr Summeraafang zimli vum astronomische abwyche un hangt unter anderem ab vu dr Kontinäntalitet vum Klima.
Sommer im dütschsprochige Wikisource
Dä Artikel basiert uff ere fräie Übersetzig vu dere Version vum Artikel „Sommer“ vu de dütsche Wiki Alemannisch. E Liste vu de Autore un Versione isch do z finde. |
This article uses material from the Wikipedia Alemannisch article Sommer, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.