Summer
De summer is eyn van de veer seisonen.
Et wördt in de weaderkünde beskreaven as de månden juni, juli en augustus up et noordelik halvrund, en december, januari en februari up et südelik halvrund. Et stearnkündig bepålde begin van de summer is de summersünnewende (rund 21 juni up et noordelik halvrund en rund 21 december up et südelik halvrund). De sünne geyt dan döär et summerpunt, de sünne bereikt dee dag de hougste stand boaven de ender en de dag düürt et langst. De summer endig mid de harvst-ekwinoks (rund 23 september up et noordelik halvrund en 20 määrt up et südelik halvrund).
Üm praktiske readenen begint de weaderkündige summer eyrder, up 1 juni up et noordelik halvrund en up 1 december up et südelik halvrund. Dit düürt dan tot 1 september (in et noorden) en 1 määrt (in et süden).
De summer kenmarkt sik döär vry houge temperaturen en relativ weinig neaderslag.
Begin van de stearnkündige summer
Up et noordelik halvrund, in de kummende jåren:
| Jår | Datum | Tyd |
|---|---|---|
| 2020 | 20 juni | 23:43 |
| 2021 | 21 juni | 05:32 |
| 2022 | 21 juni | 11:13 |
| 2023 | 21 juni | 16:57 |
| 2024 | 20 juni | 22:50 |
De anegeaven tyd is de plaatselike neaderlandske summertyd.
Up et südelik halvrund beginnen up disse datums de winter.
Neadersassisk
Üütgånde verwysing
 | Commons: Summer - plaatjes, filmkes en/of gelüüdsbestanden. |
 | Dit artikel is eskreaven in et westveluwsk, in de Nysassiske Skryvwyse. |
This article uses material from the Wikipedia Nedersaksisch article Summer, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.