ᱡᱷᱟᱨᱠᱷᱚᱸᱰ: ᱥᱤᱧᱚᱛ ᱨᱮᱱᱟᱜ ᱯᱚᱱᱚᱛ

ᱡᱷᱟᱨᱠᱷᱚᱸᱰ ᱫᱚ ᱡᱟᱦᱮᱨ ᱟᱨ ᱠᱷᱚᱸᱰ ᱠᱷᱚᱱ ᱧᱩᱛᱩᱢ ᱟᱠᱟᱱᱟ ᱾ ᱚᱱᱟ ᱞᱟᱹᱜᱤᱫ ᱛᱮ ᱡᱷᱟᱨᱠᱷᱚᱸᱰ ᱫᱚ ᱡᱟᱦᱮᱨᱠᱷᱚᱸᱰ ᱦᱚᱸᱠᱚ ᱢᱮᱛᱟᱜᱼᱟ ᱾

ᱢᱟᱨᱮ ᱡᱩᱜᱽ

ᱡᱷᱟᱨᱠᱷᱚᱸᱰ ᱨᱮᱱᱟᱜ ᱦᱟᱡᱟᱨᱤᱵᱟᱜᱽ ᱦᱚᱱᱚᱛ ᱨᱮ ᱕᱐᱐᱐ ᱥᱮᱨᱢᱟ ᱢᱟᱨᱮ ᱜᱚᱝᱜᱷᱚᱨ ᱪᱤᱛᱟᱹᱨ ᱧᱟᱢ ᱟᱠᱟᱱᱟ ᱾ ᱱᱚᱶᱟ ᱯᱚᱱᱚᱛ ᱨᱮ ᱑᱔᱐᱐ ᱤᱥᱟᱹᱭ ᱥᱮᱨᱢᱟ ᱞᱟᱦᱟ ᱨᱮᱱᱟᱜ ᱢᱮᱬᱦᱮᱫ ᱦᱟᱹᱛᱭᱟᱹᱨ ᱟᱨ ᱦᱟᱥᱟ ᱨᱮᱱᱟᱜ ᱥᱟᱯᱟᱵ ᱨᱮᱱᱟᱜ ᱢᱮᱥᱨᱮᱡ (ᱢᱮᱴᱟᱣ ᱥᱟᱨᱮᱡ) ᱧᱟᱢ ᱟᱠᱟᱱᱟ ᱾ ᱓᱒᱕ ᱤᱥᱟᱹᱭ ᱥᱮᱨᱢᱟ ᱞᱟᱦᱟ ᱫᱚ ᱡᱷᱟᱨᱠᱷᱚᱸᱰ ᱢᱚᱜᱽᱫᱷᱚ ᱠᱷᱚᱱ ᱥᱤᱨᱤᱡᱽ ᱟᱠᱟᱱ ᱢᱚᱨᱭᱚ ᱥᱟᱢᱨᱟᱡᱽ ᱨᱮᱱᱟᱜ ᱦᱟᱹᱴᱤᱧ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾ ᱠᱟᱬᱤ ᱢᱩᱠᱩᱴ ᱨᱟᱭ ᱫᱚ ᱪᱷᱚᱴᱱᱟᱜᱽᱯᱩᱨ ᱨᱮ ᱱᱟᱜᱽᱵᱚᱝᱥᱚ ᱨᱮᱱᱟᱜ ᱛᱷᱟᱯᱚᱱ ᱞᱮᱫ ᱛᱟᱦᱮᱸᱫ ᱾

ᱛᱟᱞᱟᱢᱟᱞᱟ ᱡᱩᱜᱽ

ᱛᱟᱞᱟᱢᱟᱞᱟ ᱡᱩᱜᱽ ᱨᱮ ᱱᱚᱣᱟ ᱮᱨᱤᱭᱟ ᱨᱮ ᱪᱮᱨᱚ ᱨᱟᱡᱽᱵᱚᱝᱥᱚ ᱟᱨ ᱱᱟᱜᱽ ᱵᱚᱝᱥᱚ ᱨᱟᱡᱟ ᱟᱜ ᱥᱟᱥᱚᱱ ᱛᱟᱦᱮᱸ ᱠᱟᱱᱟ ᱾ ᱢᱩᱜᱚᱞ ᱯᱨᱚᱵᱷᱟᱣ ᱱᱚᱣᱟ ᱮᱨᱤᱭᱟ ᱨᱮ ᱥᱟᱢᱨᱟᱡᱽ ᱟᱠᱵᱚᱨ ᱟᱜ ᱥᱟᱥᱚᱱᱡᱩᱜᱽ ᱨᱮᱭᱟᱜ ᱚᱠᱛᱚ ᱥᱮᱴᱮᱨ ᱨᱮᱱᱟ ᱩᱱᱡᱷᱚᱦ ᱑᱕᱗᱔ ᱥᱟᱞᱮ ᱨᱮ ᱨᱟᱡᱟ ᱢᱟᱱᱥᱤᱝ ᱫᱚ ᱱᱚᱰᱮ ᱫᱚ ᱞᱟᱜᱟ ᱠᱮᱫ ᱠᱚᱣᱟ ᱾ ᱵᱟᱲᱤᱜ ᱦᱚᱲ ᱥᱟᱞᱮ ᱨᱮ ᱛᱟᱞᱟᱢᱟᱞᱟ ᱡᱩᱜᱽ ᱨᱮ ᱪᱷᱚᱴᱟᱱᱟᱜᱽᱯᱩᱨ ᱢᱟᱦᱟ ᱱᱟᱜᱽᱵᱚᱝᱥᱚ ᱨᱟᱡᱟ ᱛᱟᱦᱮᱸ ᱠᱟᱱᱟ, ᱩᱱᱤᱭᱟᱜ ᱥᱟᱥᱚᱱ ᱡᱩᱜᱽ ᱨᱮ ᱢᱩᱜᱚᱞ ᱥᱟᱥᱚᱠ ᱡᱟᱦᱟᱸᱜᱤᱨ ᱟᱜ ᱢᱤᱫ ᱚᱠᱛᱚ ᱡᱷᱚᱦ ᱨᱮ ᱥᱮᱱᱟᱯᱚᱛᱤ ᱫᱚ ᱱᱚᱣᱟ ᱮᱨᱤᱭᱟ ᱨᱮ ᱞᱟᱜᱟ ᱠᱮᱫ ᱠᱚᱣᱟ ᱾ ᱨᱟᱡᱟ ᱢᱮᱫᱽᱱᱤ ᱨᱟᱭ ᱫᱚ, ᱑᱖᱕᱘ ᱠᱷᱚᱱ ᱑᱖᱗᱔ ᱫᱷᱟᱹᱵᱤᱡ ᱯᱟᱞᱟᱢᱩ ᱮᱨᱤᱭᱟ ᱨᱮ ᱥᱟᱥᱚᱱ ᱠᱮᱫᱼᱟ ᱾ ᱪᱮᱨᱚ ᱨᱟᱡᱽᱵᱚᱝᱥᱚ ᱟᱜ ᱞᱚᱡᱚᱨᱤ ᱠᱟᱛᱮ ᱫᱚ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱹᱱᱤ ᱟᱜ ᱱᱚᱣᱟ ᱮᱨᱤᱭᱟ ᱨᱮ ᱫᱚᱠᱷᱚᱞ ᱠᱮᱫᱼᱟ ᱾ ᱵᱨᱤᱴᱤᱥ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱹᱱᱤ ᱫᱚ ᱪᱮᱨᱚ ᱟᱜ ᱯᱟᱞᱟᱢᱩ ᱠᱤᱞᱟ ᱨᱮ ᱫᱚᱠᱷᱚᱞ ᱠᱮᱫᱼᱟ ᱾

ᱱᱟᱣᱟ ᱡᱩᱜᱽ

᱑᱗᱖᱕ ᱥᱟᱞ ᱛᱟᱭᱚᱢ ᱱᱚᱰᱮ ᱵᱨᱤᱴᱤᱥ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱹᱱᱤ ᱟᱜ ᱜᱟᱥᱮᱨ ᱠᱮᱫ ᱠᱚᱣᱟ ᱾ ᱤᱝᱜᱽᱨᱟᱹᱡᱽᱼ ᱢᱟᱨᱟᱴᱷᱟ ᱞᱟᱹᱲᱦᱟᱹᱭ ᱛᱟᱭᱚᱢ ᱪᱷᱚᱴᱟᱱᱟᱜᱽᱯᱩᱨ ᱥᱟᱦᱟᱛᱟ ᱨᱮᱱᱟᱜ ᱟᱹᱰᱤ ᱞᱮᱠᱟᱱ ᱯᱚᱱᱚᱛ ᱵᱨᱤᱴᱤᱥ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱹᱱᱤ ᱟᱜ

• ᱑᱗᱖᱙-᱑᱘᱐᱕: ᱪᱩᱣᱟᱲ ᱞᱟᱹᱲᱦᱟᱹᱭ ᱨᱟᱹᱜᱷᱩᱱᱟᱛᱷ ᱢᱟᱦᱛᱚ ᱟᱜ ᱟᱭᱩᱨᱛᱮ
• ᱑᱗᱗᱒-᱑᱗᱘᱐: ᱯᱟᱦᱟᱲᱤᱭᱟ ᱞᱟᱹᱲᱦᱟᱹᱭ
• ᱑᱗᱘᱐-᱑᱗᱘᱕: ᱛᱤᱞᱠᱟᱹ ᱢᱟᱡᱷᱤ ᱟᱜ ᱞᱟᱲᱦᱟᱹᱭ ᱨᱮ ᱢᱟᱡᱷᱤ ᱞᱟᱹᱲᱦᱟᱹᱭ ᱡᱚᱠᱷᱚᱱ ᱵᱷᱟᱜᱚᱞᱯᱩᱨ ᱨᱮ ᱑᱗᱘᱕ ᱥᱟᱞᱮ ᱨᱮ ᱛᱤᱞᱠᱟᱹ ᱢᱟᱡᱷᱤ ᱫᱚ ᱯᱟᱥᱤ ᱠᱚ ᱮᱢᱟᱫ ᱫᱮᱭᱟ ᱠᱚ ᱾
• ᱑᱗᱙᱕-᱑᱘᱒᱑: ᱛᱟᱢᱟᱲ ᱞᱟᱹᱲᱦᱟᱹᱭ
• ᱑᱗᱙᱓-᱑᱗᱙᱖: ᱢᱩᱸᱰᱟᱹ ᱞᱟᱹᱲᱦᱟᱹᱭ ᱨᱟᱢᱥᱟᱦᱤ ᱟᱜ ᱟᱭᱩᱨᱛᱮ ᱛᱮ
• ᱑᱘᱐᱐-᱑᱘᱐᱒: ᱢᱩᱸᱰᱟᱹ ᱞᱟᱹᱲᱦᱟᱹᱭ
• ᱑᱘᱑᱒: ᱵᱟᱠᱷᱛᱟᱨ ᱥᱟᱭ ᱟᱨ ᱢᱩᱸᱰᱟᱞ ᱥᱤᱝ ᱟᱜ ᱞᱟᱹᱲᱦᱟᱹᱭ ᱨᱮ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱱᱤ ᱟᱜ ᱵᱤᱵᱷᱮᱫ ᱞᱟᱹᱲᱦᱟᱹᱭ
• ᱑᱗᱗᱐-᱑᱗᱗᱑: ᱪᱮᱨᱚ ᱞᱟᱹᱲᱦᱟᱹᱭ ᱯᱟᱞᱟᱢᱩ ᱨᱤᱱᱤᱡ ᱡᱟᱭᱱᱟᱛᱷ ᱥᱤᱝ ᱟᱜ ᱟᱭᱩᱨᱛᱮ
• ᱑᱘᱓᱒-᱑᱘᱓᱓: ᱠᱷᱚᱣᱟᱨ ᱞᱟᱹᱲᱦᱟᱹᱭ ᱵᱷᱟᱜᱤᱨᱟᱛᱷ, ᱫᱩᱵᱟᱭ ᱜᱚᱥᱟᱭ, ᱟᱨ ᱯᱟᱴᱮᱞ ᱥᱤᱝ ᱟᱜ ᱟᱭᱩᱨᱛᱮ ᱛᱮ
• ᱑᱘᱓᱓-᱑᱘᱓᱔: ᱵᱷᱩᱢᱤᱡᱽ ᱞᱟᱹᱲᱦᱟᱹᱭ ᱵᱤᱨᱵᱷᱩᱢ ᱨᱮᱱᱟᱜ ᱜᱟᱝᱜᱟ ᱱᱟᱨᱟᱭᱚᱱ ᱟᱜ ᱟᱭᱩᱨᱛᱮ ᱛᱮ
• ᱑᱘᱕᱕: ᱞᱚᱨᱰ ᱠᱟᱨᱱᱵᱟᱞᱤᱥ ᱟᱜ ᱠᱷᱟᱛᱤᱨ ᱛᱮ ᱥᱟᱱᱛᱟᱲᱟᱜ ᱟᱜ ᱞᱟᱹᱲᱦᱟᱹᱭ
• ᱑᱘᱕᱕-᱑᱘᱖᱐: ᱥᱤᱫᱚ ᱠᱟᱱᱦᱩ ᱟᱜ ᱟᱭᱩᱨᱛᱮ ᱥᱟᱱᱛᱟᱲᱟᱜ ᱟᱜ ᱞᱟᱹᱲᱦᱟᱹᱭ
• ᱑᱘᱕᱗: ᱱᱤᱞᱟᱢᱵᱚᱨ-ᱯᱤᱛᱟᱢᱵᱚᱨ ᱟᱜ ᱯᱟᱞᱟᱢᱩ ᱨᱮ
• ᱑᱘᱕᱗: ᱥᱟᱦᱤᱫᱽᱞᱟᱞ, ᱨᱟᱭ ᱟᱨ ᱵᱩᱫᱷᱩ ᱵᱤᱨ ᱟᱜ ᱥᱤᱯᱟᱹᱦᱤ ᱞᱟᱹᱲᱦᱟᱹᱭ ᱟᱜ ᱟᱸᱫᱳᱲ
• ᱑᱘᱗᱔: ᱠᱷᱮᱨᱚᱣᱟᱲ ᱟᱱᱫᱚᱞᱟᱱ ᱵᱷᱟᱜᱤᱨᱟᱛᱷ ᱢᱟᱡᱷᱤ ᱟᱜ ᱟᱭᱩᱨᱛᱮ
• ᱑᱘᱘᱐: ᱠᱷᱟᱲᱤᱭᱟ ᱞᱟᱹᱲᱦᱟᱹᱭ ᱛᱮᱞᱟᱝᱜᱟ ᱠᱷᱟᱲᱤᱭᱟ ᱟᱜ ᱟᱭᱩᱨᱛᱮ ᱛᱮ
• ᱑᱘᱙᱕-᱑᱙᱐᱐: ᱵᱤᱨᱥᱟ ᱢᱩᱸᱰᱟᱹ ᱟᱜ ᱟᱭᱩᱨᱛᱮ ᱢᱩᱸᱰᱟᱹ ᱞᱟᱹᱲᱦᱟᱹᱭ

ᱱᱩᱠᱩ ᱡᱚᱛᱚ ᱛᱩᱯᱩᱫ ᱨᱮᱭᱟᱜ ᱤᱱᱰᱤᱭᱟ ᱵᱨᱤᱴᱤᱥ ᱥᱤᱯᱟᱹᱦᱤ ᱟᱛᱮᱫ ᱯᱷᱚᱡᱚᱸ ᱟᱜ ᱟᱹᱰᱤ ᱩᱰᱤᱜᱟᱱ ᱠᱷᱚᱱ ᱵᱮᱠᱟᱨ ᱠᱮᱫᱼᱟ ᱠᱚ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱑᱙᱑᱔ ᱥᱟᱞᱮ ᱨᱮ ᱡᱟᱛᱨᱟ ᱵᱷᱟᱜᱟᱛ ᱟᱜ ᱟᱱᱟᱭᱩᱨ ᱨᱮ ᱵᱟᱨᱜᱮᱞ ᱛᱩᱨᱩᱭ ᱦᱟᱡᱟᱨ (᱒᱖᱐᱐᱐) ᱜᱟᱱ ᱟᱹᱫᱤᱵᱟᱹᱥᱤ ᱫᱚ ᱟᱨᱦᱚᱸ ᱵᱨᱤᱴᱤᱥ ᱟᱜ ᱨᱩᱞ ᱟᱫᱚᱞ ᱞᱟᱹᱲᱦᱟᱹᱭ ᱞᱮᱱᱟ ᱠᱚ ᱾ ᱡᱟᱦᱟᱸ ᱥᱟᱜ ᱚᱨᱥᱚᱧ ᱠᱟᱛᱮ ᱢᱚᱦᱟᱛᱟᱢᱟ ᱜᱟᱱᱫᱷᱤ ᱫᱚ ᱯᱷᱩᱨᱜᱟᱹᱞ ᱞᱟᱹᱜᱤᱫ ᱮ ᱱᱮᱦᱚᱨ ᱞᱮᱫᱼᱟ ᱟᱨ ᱟᱸᱫᱳᱲ ᱮᱛᱚᱦᱚᱵ ᱞᱮᱫᱼᱟ ᱾

ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱭᱟᱜ ᱠᱚᱭ ᱨᱮᱭᱟᱜ ᱱᱟᱜᱟᱢ ᱢᱤᱫᱥᱟᱭ ᱥᱟᱞ ᱠᱷᱚᱱ ᱦᱚᱸ ᱢᱟᱨᱮ ᱜᱮᱭᱟ ᱡᱚᱠᱷᱚᱱ ᱑᱙᱓᱘ ᱥᱟᱞᱮ ᱨᱮ ᱚᱱᱟ ᱥᱩᱨᱥᱩᱯᱩᱨ ᱨᱮ ᱡᱚᱭᱯᱟᱞ ᱥᱤᱝ ᱥᱤᱧᱚᱛᱤᱭᱟᱹ ᱦᱚᱠᱤ ᱠᱷᱮᱞᱚᱸᱰᱤᱭᱟᱹ ᱛᱟᱦᱮᱸ ᱠᱟᱱᱟ ᱟᱨ ᱩᱱᱠᱤᱱ ᱠᱷᱮᱞᱚᱹᱰ ᱨᱮ ᱥᱤᱧᱚᱛᱤᱭᱟᱹ ᱦᱚᱠᱤ ᱫᱚᱞ ᱨᱤᱱᱤᱡ ᱢᱩᱲᱛᱮᱱ ᱞᱮᱠᱟ ᱵᱟᱪᱱᱟᱣ ᱞᱮᱱᱟ ᱾ ᱱᱚᱣᱟ ᱢᱟᱲᱟᱝ ᱮᱛᱚᱦᱚᱵ ᱵᱤᱦᱟᱨ ᱨᱮᱱᱟᱜ ᱠᱚᱧᱮ ᱯᱟᱦᱛᱟ ᱦᱚᱱᱚᱛ ᱠᱚ ᱢᱮᱥᱟ ᱠᱟᱛᱮ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱵᱮᱱᱟᱣ ᱨᱮᱱᱟᱜ ᱠᱤᱱ ᱨᱤᱠᱟᱹ ᱞᱮᱫᱼᱟ ᱾ ᱱᱚᱣᱟ ᱠᱩᱠᱢᱩ ᱒ ᱚᱜᱚᱥᱴ ᱒᱐᱐᱐ ᱥᱟᱞᱮ ᱨᱮ ᱯᱩᱨᱟᱹᱣ ᱮᱱᱟ ᱾ ᱡᱚᱠᱷᱚᱱ ᱥᱚᱸᱥᱚᱫᱽ ᱨᱮ ᱱᱚᱣᱟ ᱠᱟᱛᱷᱟ ᱠᱚ ᱯᱷᱮᱴᱟᱹᱞ ᱠᱮᱫᱼᱟ ᱾ ᱯᱚᱱᱚᱛ ᱨᱮᱱᱟᱜ ᱮᱞᱟᱝ ᱢᱩᱲ ᱞᱮᱠᱟᱛᱮ ᱨᱟᱡᱽᱜᱟᱲ ᱨᱟᱺᱪᱤ ᱟᱨ ᱡᱟᱢᱥᱮᱫᱽᱯᱩᱨ, ᱫᱷᱟᱱᱵᱟᱫᱽ, ᱵᱚᱠᱟᱨᱚ ᱞᱮᱠᱟᱱ ᱩᱫᱽᱭᱚᱜᱤᱠ ᱛᱟᱞᱢᱟ ᱠᱷᱚᱱ ᱰᱮᱦᱮᱨ ᱛᱮᱫ ᱚᱨᱥᱚᱝ ᱦᱩᱭᱩᱜ ᱠᱟᱱᱟ ᱾ ᱥᱟᱞ ᱒᱐᱐᱐, ᱑᱕ ᱱᱚᱵᱷᱮᱢᱵᱚᱨ ᱨᱮ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱫᱚ ᱛᱮᱛᱮᱫ ᱞᱮᱠᱟᱛᱮ ᱫᱷᱟᱨᱚᱱ ᱠᱮᱫᱼᱟ ᱟᱨ ᱥᱤᱧᱚᱛ ᱨᱮᱱᱟᱜ ᱒᱘ ᱟᱱᱟᱜ ᱯᱚᱱᱚᱛ ᱞᱮᱠᱟᱛᱮ ᱧᱩᱢ ᱦᱤᱛᱤᱨ ᱠᱮᱫᱼᱟ ᱾

ᱡᱷᱟᱨᱠᱷᱚᱸᱰ ᱫᱚ ᱢᱤᱫ ᱯᱚᱱᱚᱛ ᱠᱟᱱᱟ, ᱱᱚᱸᱰᱮ ᱫᱚ ᱜᱩᱴ ᱒᱔ (ᱵᱟᱜᱮᱞᱯᱩᱱ) ᱜᱚᱴᱟᱝ ᱦᱚᱱᱚᱛ ᱠᱚ ᱢᱮᱱᱟᱜᱼᱟ ᱾ ᱑᱕ ᱱᱚᱵᱷᱮᱢᱵᱚᱨ ᱒᱐᱐᱐ ᱥᱮᱨᱢᱟ ᱨᱮ ᱢᱤᱫᱴᱟᱹᱝ ᱱᱟᱣᱟ ᱯᱚᱱᱚᱛ ᱢᱮᱱ ᱛᱮ ᱵᱮᱱᱟᱣ ᱞᱮᱱᱟ ᱟᱨ ᱨᱟᱡᱽᱜᱟᱲ ᱫᱚ ᱨᱟᱺᱪᱤ ᱾ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱢᱩᱴ ᱦᱟᱥᱟ ᱨᱮᱭᱟᱜ ᱞᱮᱠᱷᱟ ᱡᱚᱠᱷᱟ ᱫᱚ ᱗᱙,᱗᱑᱖ ᱜᱟᱺᱴ ᱠᱤᱞᱚᱢᱤᱴᱟᱨ ᱢᱮᱱᱟᱜᱼᱟ ᱾ ᱡᱷᱟᱨᱠᱷᱚᱸᱰ ᱫᱚ ᱥᱤᱧᱚᱛ ᱨᱮᱱᱟᱜ ᱥᱟᱢᱟᱝ ᱥᱮᱦᱮᱫ ᱨᱮ ᱢᱮᱱᱟᱜᱼᱟ ᱟᱨ ᱥᱟᱢᱟᱝ ᱱᱟᱠᱷᱟ ᱨᱮᱫᱚ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ, ᱯᱟᱪᱮ ᱱᱟᱠᱷᱟ ᱨᱮᱫᱚ ᱪᱷᱚᱛᱛᱤᱥᱜᱚᱲ, ᱠᱚᱧᱮ ᱱᱟᱠᱷᱟ ᱨᱮᱫᱚ ᱵᱤᱦᱟᱨ, ᱠᱚᱧᱮ ᱼ ᱯᱟᱪᱮ ᱱᱟᱠᱷᱟ ᱨᱮᱫᱚ ᱩᱛᱛᱚᱨ ᱯᱨᱚᱫᱮᱥ ᱟᱨ ᱮᱛᱚᱢ ᱱᱟᱠᱷᱟ ᱨᱮᱫᱚ ᱳᱰᱤᱥᱟ ᱯᱚᱱᱚᱛ ᱢᱮᱱᱟᱜᱼᱟ ᱾

ᱦᱚᱭ ᱦᱤᱥᱤᱫ

ᱜᱟᱰᱟ ᱠᱚ

• ᱜᱟᱝ ᱱᱟᱹᱭ ᱜᱟᱰᱟᱺ ᱥᱚᱱᱚᱛ ᱜᱟᱰᱟ ᱜᱟᱝ ᱱᱟᱹᱭ ᱫᱚ ᱠᱚᱸᱭᱮᱸ-ᱥᱟᱢᱟᱝ ᱱᱟᱠᱷᱟ ᱥᱟᱦᱮᱵᱽᱜᱚᱸᱡᱽ ᱥᱮᱡ ᱞᱮᱠᱟ ᱛᱮ ᱟᱹᱛᱩ ᱥᱮᱱ ᱟᱠᱟᱱᱟ ᱾ ᱡᱷᱟᱨᱠᱷᱚᱸᱰ ᱨᱮ ᱜᱟᱝ ᱱᱟᱹᱭ ᱜᱟᱰᱟ ᱵᱮᱰᱟ ᱨᱮ ᱢᱮᱱᱟᱜ ᱱᱟᱝᱜᱽᱨᱟᱦᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱥᱟᱦᱮᱵᱽᱜᱚᱸᱡᱽ ᱟᱨ ᱯᱟᱠᱩᱲ ᱾
• ᱥᱚᱱ ᱜᱟᱰᱟᱺ ᱥᱚᱱ ᱜᱟᱰᱟ ᱨᱮᱱᱟᱜ ᱡᱚᱱᱚᱢ : ᱚᱢᱚᱨᱠᱚᱸᱴᱚᱠ, ᱥᱚᱱ ᱜᱟᱰᱟ ᱫᱷᱟᱨᱮ ᱨᱮ ᱢᱮᱱᱟᱜ ᱥᱚᱦᱚᱨ ᱠᱚᱫᱚ ᱦᱩᱭᱩᱜ ᱠᱟᱱᱟ ᱥᱤᱫᱷᱤ, ᱰᱮᱦᱨᱤ, ᱯᱟᱴᱱᱟ
• ᱥᱚᱵᱚᱨᱱᱟᱠᱷᱟ ᱜᱟᱰᱟᱺ ᱥᱚᱵᱚᱨᱱᱟᱠᱷᱟ ᱜᱟᱰᱟ ᱨᱮᱱᱟᱜ ᱡᱚᱱᱚᱢ ᱫᱚ : (ᱱᱟᱜᱽᱨᱤ ᱨᱟᱺᱪᱤ) ᱪᱷᱚᱴᱟᱱᱟᱜᱽᱯᱩᱨ ᱵᱩᱨᱩ ᱫᱤᱯ, ᱥᱚᱵᱚᱨᱱᱟᱠᱷᱟ ᱜᱟᱰᱟ ᱫᱷᱟᱨᱮ ᱨᱮ ᱢᱮᱱᱟᱜ ᱥᱚᱦᱚᱨ ᱠᱚᱫᱚ ᱦᱩᱭᱩᱜ ᱠᱟᱱᱟ : ᱨᱟᱺᱪᱤ, ᱪᱚᱱᱰᱤᱞ, ᱡᱟᱢᱥᱮᱫᱽᱯᱩᱨ, ᱜᱷᱟᱴᱥᱤᱞᱟᱹ ᱜᱚᱯᱤᱵᱟᱞᱞᱵᱽᱯᱩᱨ
• ᱠᱷᱟᱲᱟᱝ ᱜᱟᱰᱟ : ᱠᱷᱟᱲᱟᱝ ᱜᱟᱰᱟ ᱨᱮᱱᱟᱜ ᱡᱚᱱᱚᱢ ᱫᱚ : ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ, ᱳᱰᱤᱥᱟ; ᱠᱷᱟᱲᱟᱝ ᱜᱟᱰᱟ ᱫᱷᱟᱨᱮ ᱨᱮ ᱢᱮᱱᱟᱜ ᱥᱚᱦᱚᱨ ᱠᱚᱫᱚ ᱦᱩᱭᱩᱜ ᱠᱟᱱᱟ : ᱨᱟᱭᱨᱚᱝᱯᱩᱨ, ᱟᱫᱤᱛᱯᱩᱨ ᱟᱨ ᱠᱚᱧᱮ ᱯᱟᱪᱮ ᱡᱟᱢᱥᱮᱫᱽᱯᱩᱨ ᱨᱮ ᱥᱚᱵᱚᱨᱱᱟᱠᱷᱟ ᱜᱟᱰᱟ ᱨᱮ ᱵᱚᱞᱚ ᱟᱠᱟᱱᱟ ᱾
• ᱫᱟᱢᱚᱫᱚᱨ ᱜᱟᱰᱟ : ᱫᱟᱢᱚᱫᱚᱨ ᱜᱟᱰᱟ ᱨᱮᱱᱟᱜ ᱡᱚᱱᱚᱢ ᱫᱚ : ᱪᱷᱚᱴᱟᱱᱟᱜᱽᱯᱩᱨ ᱨᱮᱱᱟᱜ ᱵᱩᱨᱩ ᱫᱤᱯ (ᱛᱚᱨᱤ ᱞᱟᱛᱮᱦᱟᱨ), ᱫᱟᱢᱚᱫᱚᱨ ᱜᱟᱰᱟ ᱫᱷᱟᱨᱮ ᱨᱮ ᱢᱮᱱᱟᱜ ᱥᱚᱦᱚᱨ ᱠᱚᱫᱚ ᱦᱩᱭᱩᱜ ᱠᱟᱱᱟ : ᱞᱟᱛᱮᱦᱟᱨ, ᱞᱚᱦᱟᱨᱫᱟᱜᱟ, ᱦᱟᱡᱟᱨᱤᱵᱟᱜᱽ, ᱜᱤᱨᱤᱰᱤᱦ, ᱫᱷᱟᱱᱵᱟᱫᱽ, ᱵᱚᱠᱟᱨᱚ, ᱟᱥᱟᱱᱥᱳᱞ, ᱨᱟᱱᱤᱜᱚᱸᱡᱽ, ᱫᱩᱨᱜᱟᱯᱩᱨ, ᱵᱚᱨᱫᱷᱚᱢᱟᱱ
• ᱠᱚᱸᱭᱮᱸ ᱠᱚᱭᱮᱞ ᱜᱟᱰᱟ
• ᱮᱛᱚᱢ ᱠᱚᱭᱮᱞ ᱜᱟᱰᱟ
• ᱞᱤᱞᱟᱡᱟᱱ ᱜᱟᱰᱟ
• ᱚᱡᱚᱭ ᱜᱟᱰᱟ
• ᱢᱟᱭᱩᱨᱟᱠᱥᱤ ᱜᱟᱰᱟ
• ᱵᱟᱨᱟᱠᱟᱨ ᱜᱟᱰᱟ

ᱫᱟᱨᱮ ᱥᱟᱠᱟᱢ ᱟᱨ ᱡᱤᱭᱟᱹᱞᱤ

 

 

 

᱒᱐᱑᱑ ᱥᱟᱞ ᱨᱮᱱᱟᱜ ᱥᱤᱧᱚᱛ ᱨᱮᱱᱟᱜ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱡᱷᱟᱨᱠᱷᱚᱸᱰ ᱨᱤᱱ ᱦᱚᱲ ᱮᱞ ᱫᱚ ᱓᱒.᱙᱖ ᱢᱤᱞᱤᱭᱟᱱ ᱦᱚᱲ ᱢᱮᱱᱟᱜ ᱠᱚᱣᱟ, ᱚᱸᱰᱮ ᱠᱷᱚᱱ ᱑᱖.᱙᱓ ᱢᱤᱞᱤᱭᱟᱱ ᱫᱚ ᱠᱚᱲᱟ ᱟᱨ ᱑᱖.᱐᱓ ᱢᱤᱞᱤᱭᱟᱱ ᱫᱚ ᱛᱤᱨᱞᱟᱹ ᱢᱮᱱᱟᱜ ᱠᱚᱣᱟ ᱾ ᱡᱟᱱᱟᱝ ᱡᱟᱹᱱᱤ ᱫᱚ ᱙᱔᱗ ᱛᱤᱨᱞᱟᱹ ᱟᱨ ᱑᱐᱐᱐ ᱠᱚᱲᱟ ᱦᱟᱜ ᱢᱮᱱᱟᱜᱼᱟ, ᱯᱚᱱᱚᱛ ᱨᱮᱱᱟᱜ ᱥᱮᱪᱮᱫ ᱫᱚᱨ ᱫᱚ ᱖᱗.᱖᱓% ᱛᱟᱦᱮᱸ ᱠᱟᱱᱟ, ᱨᱟᱺᱪᱤ ᱦᱚᱱᱚᱛ ᱫᱚ ᱟᱹᱰᱤ ᱰᱷᱮᱨ ᱗᱗.᱑᱓ ᱥᱟᱭᱠᱚᱲᱟ ᱥᱮᱪᱮᱫ ᱢᱮᱱᱟᱭᱟ, ᱟᱨ ᱫᱮᱦᱟᱛ ᱯᱟᱠᱩᱲ ᱦᱚᱱᱚᱛ ᱫᱚ ᱠᱚᱢ ᱠᱷᱚᱱ ᱠᱚᱢ ᱕᱐.᱑᱗ ᱥᱟᱭᱠᱚᱲᱟ ᱥᱮᱪᱮᱫ ᱢᱮᱱᱟᱭᱟ ᱾᱾

 

ᱡᱷᱟᱨᱠᱷᱚᱸᱰ ᱨᱮᱭᱟᱜ ᱠᱟᱹᱣᱰᱤᱟᱹᱨᱤ ᱢᱩᱬᱩᱛ ᱞᱮᱠᱟᱛᱮ ᱛᱮ ᱠᱷᱟᱱᱤᱡᱽ ᱟᱨ ᱵᱤᱨ ᱥᱚᱢᱯᱚᱛᱤ ᱠᱷᱚᱱ ᱫᱤᱥᱟᱹ ᱭᱤᱡ ᱠᱟᱱᱟ ᱾ ᱢᱮᱬᱦᱮᱫ, ᱠᱚᱭᱞᱟ, ᱢᱟᱭᱠᱟ, ᱵᱚᱠᱥᱟᱭᱤᱴ, ᱯᱷᱟᱭᱟᱨ-ᱠᱞᱮ, ᱜᱨᱮᱯᱷᱟᱭᱤᱴ, ᱠᱟᱭᱱᱟᱭᱤᱴ, ᱥᱮᱞᱤᱢᱟᱭᱤᱴ, ᱪᱩᱱᱟᱹ ᱫᱷᱤᱨᱤ, ᱭᱩᱨᱮᱱᱤᱭᱚᱢ

ᱠᱟᱹᱨᱜᱟᱲ

ᱡᱷᱟᱨᱠᱷᱚᱸᱰ ᱨᱮ ᱥᱤᱧᱚᱛ ᱨᱮᱱᱟᱜ ᱟᱹᱰᱤ ᱞᱮᱠᱟᱱ ᱠᱟᱹᱨᱜᱟᱲ ᱴᱷᱟᱶ ᱢᱮᱱᱟᱜᱼᱟ - ᱡᱟᱢᱥᱮᱫᱽᱯᱩᱨ, ᱨᱟᱺᱪᱤ, ᱵᱚᱠᱟᱨᱚ ᱟᱨ ᱫᱷᱟᱱᱵᱟᱫᱽ ᱮᱢᱟᱱ ᱢᱮᱱᱟᱜᱼᱟ ᱾ ᱡᱷᱟᱨᱠᱷᱚᱸᱰ ᱨᱮᱭᱟᱜ ᱠᱟᱹᱨᱜᱟᱲ ᱨᱮ ᱟᱨᱦᱚᱸ ᱢᱩᱬ ᱢᱮᱱᱟᱜᱼᱟ :

• ᱥᱤᱧᱚᱛ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱥᱟᱞᱯᱮᱴ ᱠᱷᱟᱫᱟᱱ ᱥᱤᱱᱫᱽᱨᱤ ᱨᱮ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱟᱫᱚ ᱱᱤᱛᱚᱜ ᱵᱚᱸᱫᱽ ᱟᱠᱟᱱᱟ ।
• ᱥᱤᱧᱚᱛ ᱨᱮᱱᱟᱜ ᱯᱩᱭᱞᱩ ᱟᱨ ᱡᱮᱜᱮᱫ ᱨᱮᱱᱟᱜ ᱢᱚᱬᱮᱭᱟᱜ ᱟᱹᱰᱤ ᱢᱟᱨᱟᱝ ᱢᱮᱬᱦᱮᱫ ᱠᱟᱹᱨᱠᱷᱟᱱᱟ (ᱯᱷᱮᱠᱴᱨᱤ) ᱴᱟᱴᱟ ᱥᱴᱤᱞ ᱡᱟᱢᱥᱮᱫᱽᱯᱩᱨ ᱨᱮ ᱢᱮᱱᱟᱜᱼᱟ ᱾
• ᱢᱤᱫᱴᱟᱹᱝ ᱟᱨ ᱢᱟᱨᱟᱝ ᱢᱮᱬᱦᱮᱫ ᱠᱟᱹᱨᱠᱷᱟᱱᱟ ᱵᱚᱠᱟᱨᱚ ᱥᱴᱤᱞ ᱯᱞᱟᱸᱴ ᱵᱚᱠᱟᱨᱚ ᱨᱮ ᱾
• ᱥᱤᱧᱚᱛ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱵᱟᱨᱩᱫᱽ ᱠᱷᱟᱫᱟᱱ (ᱯᱷᱮᱠᱴᱨᱤ) ᱜᱚᱢᱤᱭᱟ ᱨᱮ ᱾
• ᱢᱤᱛᱷᱮᱱ ᱜᱮᱥ ᱨᱮᱱᱟᱜ ᱯᱩᱭᱞᱩ ᱯᱞᱟᱸᱴ ᱾

ᱡᱚᱢ ᱧᱩ

ᱡᱷᱟᱨᱠᱷᱚᱸᱰ ᱨᱮᱭᱟᱜ ᱚᱥᱚᱞ ᱡᱚᱢᱟᱜ ᱫᱚ ᱫᱟᱠᱟ, ᱫᱟᱜ ᱢᱟᱹᱱᱰᱤ, ᱩᱛᱩ, ᱟᱲᱟᱜ ᱥᱟᱠᱟᱢ ᱟᱨ ᱥᱟᱝᱠᱚ ᱠᱟᱱᱟ ᱾ ᱩᱛᱩ ᱨᱮ ᱟᱭᱢᱟ ᱞᱮᱠᱟᱱ ᱢᱚᱥᱚᱞᱟ ᱠᱚ ᱵᱮᱵᱷᱟᱨᱟ ᱾ ᱵᱟᱹᱲᱛᱤ ᱠᱩᱜᱥᱤᱭᱟᱱ ᱡᱚᱢᱟᱜ ᱠᱚ ᱫᱚ ᱠᱟᱱᱟ ᱪᱷᱤᱞᱠᱟᱹ ᱯᱤᱴᱷᱟᱹ, ᱢᱟᱞᱯᱩᱣᱟ, ᱯᱤᱴᱷᱟᱹ, ᱰᱷᱚᱥᱠᱟᱹ, ᱟᱨᱥᱟ ᱯᱤᱴᱷᱟᱹ, ᱫᱩᱫᱷᱟᱨᱤ ᱟᱨ ᱯᱟᱱᱤᱯᱩᱨᱤ (ᱜᱩᱯᱪᱩᱯ) ᱾ ᱯᱩᱴᱩ ᱟᱨ ᱨᱩᱜᱽᱲᱟ ᱫᱚ ᱡᱷᱟᱨᱠᱷᱚᱸᱰ ᱨᱮᱭᱟᱜ ᱢᱤᱫ ᱞᱮᱠᱟᱱ ᱩᱫ ᱠᱟᱱᱟ ᱚᱠᱟ ᱫᱚ ᱡᱟᱹᱯᱩᱫ ᱚᱠᱛᱮ ᱨᱮ ᱚᱢᱚᱱᱚᱜᱼᱟ ᱾ ᱢᱟᱫ ᱯᱚᱦᱟ ᱚᱠᱟ ᱞᱮᱛᱟᱠᱚ ᱢᱮᱱᱟᱜᱼᱟ ᱚᱱᱟ ᱦᱚᱸ ᱩᱛᱩ ᱡᱤᱱᱤᱥ ᱞᱮᱠᱟᱠᱚ ᱡᱚᱢᱟ ᱾ ᱢᱩᱱᱜᱟᱹ ᱟᱲᱟᱜ ᱟᱨ ᱥᱤᱧ ᱟᱲᱟᱜ ᱦᱚᱸ ᱩᱛᱩ ᱠᱟᱛᱮᱠᱚ ᱡᱚᱢᱟ ᱾

ᱥᱤᱱᱮᱢᱟ

ᱡᱷᱟᱨᱠᱷᱚᱸᱰ ᱨᱮ ᱥᱟᱱᱛᱟᱲᱤ, ᱱᱟᱜᱽᱯᱩᱨᱤ, ᱠᱷᱚᱨᱴᱷᱟ, ᱦᱚ ᱟᱨ ᱠᱩᱲᱩᱠᱷ ᱥᱟᱶᱛᱮ ᱮᱴᱟᱜ ᱟᱹᱫᱤᱵᱟᱹᱥᱤ ᱯᱟᱹᱨᱥᱤ ᱛᱮ ᱟᱹᱰᱤ ᱜᱟᱱ ᱯᱷᱤᱞᱢ ᱵᱮᱱᱟᱣ ᱦᱩᱭᱩᱜ ᱠᱟᱱᱟ ᱾

 

 

ᱩᱰᱟᱹᱱ ᱰᱟᱹᱦᱤ

ᱵᱤᱨᱥᱟᱹ ᱢᱩᱸᱰᱟᱹ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱯᱚᱱᱚᱛ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱩᱰᱟᱹᱱ ᱰᱟᱹᱦᱤ ᱢᱮᱱᱟᱜᱼᱟ, ᱟᱫᱚ ᱫᱤᱞᱞᱤ, ᱠᱚᱞᱠᱟᱛᱟ, ᱵᱮᱝᱜᱟᱞᱩᱨᱩ, ᱢᱩᱢᱵᱟᱭ, ᱦᱟᱭᱫᱽᱨᱟᱵᱟᱫᱽ, ᱪᱮᱱᱱᱟᱭ ᱮᱢᱟᱱ ᱢᱩᱬ ᱥᱤᱧᱚᱛᱤᱭᱟᱹ ᱥᱚᱦᱚᱨ ᱨᱮᱱᱟᱜ ᱩᱰᱟᱹᱱ ᱰᱟᱹᱦᱤ ᱥᱟᱞᱟᱜ ᱡᱚᱲᱟᱣ ᱢᱮᱱᱟᱜᱼᱟ ᱾ ᱯᱚᱱᱚᱛ ᱨᱮ ᱢᱮᱱᱟᱜᱼᱟ ᱩᱰᱟᱹᱱ ᱰᱟᱹᱦᱤ ᱵᱚᱠᱟᱨᱚ ᱩᱰᱟᱹᱱ ᱰᱟᱹᱦᱤ, ᱡᱟᱢᱥᱮᱫᱽᱯᱩᱨ ᱩᱰᱟᱹᱱ ᱰᱟᱹᱦᱤ, ᱪᱟᱹᱠᱩᱞᱤᱭᱟᱹ ᱩᱰᱟᱹᱱ ᱰᱟᱹᱦᱤ, ᱫᱩᱢᱠᱟᱹ ᱩᱰᱟᱹᱱ ᱰᱟᱹᱦᱤ ᱟᱨ ᱫᱷᱟᱱᱵᱟᱫᱽ ᱩᱰᱟᱹᱱ ᱰᱟᱹᱦᱤ ᱢᱮᱱᱟᱜᱼᱟ, ᱱᱚᱣᱟ ᱫᱚ ᱰᱮᱦᱮᱨ ᱛᱮᱫ ᱯᱨᱟᱵᱷᱮᱴ ᱟᱨ ᱪᱟᱨᱴᱟᱨ ᱩᱰᱟᱹᱣ ᱥᱮᱱᱚᱜᱼᱟ ᱾

ᱥᱚᱲᱚᱠ ᱦᱚᱨ

ᱡᱷᱟᱨᱠᱷᱚᱸᱰ ᱨᱮ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ (ᱥᱤᱧᱚᱛ) ᱟᱨ ᱥᱤᱧᱚᱛ ᱨᱮ ᱯᱚᱱᱚᱛ ᱨᱟᱡᱽᱰᱟᱦᱟᱨ ᱨᱮᱱᱟᱜ ᱠᱚᱢᱯᱨᱮᱦᱮᱱᱥᱤᱵᱷ ᱱᱮᱴᱣᱟᱨᱠ ᱢᱮᱱᱟᱜᱼᱟ ᱾

ᱡᱟᱦᱟᱡᱽ ᱜᱷᱟᱴ

ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮ ᱞᱟᱸᱰᱥᱞᱟᱤᱰ (Landslide) ᱢᱮᱱᱟᱜᱼᱟ, ᱱᱚᱸᱰᱮ ᱫᱚ ᱟᱭᱢᱟ ᱱᱟᱹᱭ ᱟᱨ ᱫᱟᱜᱰᱟᱦᱟᱨ ᱢᱮᱱᱟᱜᱼᱟ ᱾ ᱥᱟᱦᱮᱵᱽᱜᱚᱸᱡᱽ ᱢᱟᱞᱴᱤ-ᱢᱚᱰᱟᱞ ᱯᱚᱨᱴ ᱨᱮ ᱭᱚᱡᱽᱱᱟ (plan) ᱵᱮᱱᱟᱣ ᱟᱠᱟᱱᱟ ᱥᱟᱦᱮᱵᱽᱜᱚᱸᱡᱽ ᱡᱟᱦᱟᱸ ᱜᱟᱰᱟ ᱜᱟᱝ ᱱᱟᱹᱭ ᱨᱮ ᱚᱸᱰᱚᱠ ᱟᱠᱟᱱᱟ ᱾ ᱱᱚᱣᱟ ᱯᱟᱨᱤᱭᱚᱡᱽᱱᱟ ᱨᱮᱱᱟᱜ ᱞᱟᱜᱟᱣ INR 6,500 ᱠᱟᱨᱚᱲ ᱴᱟᱠᱟ ᱢᱮᱱᱟᱜᱼᱟ ᱟᱨ ᱠᱷᱚᱸᱰ (Step) - ᱒᱐᱑᱙ ᱢᱟᱹᱦᱤᱛ ᱛᱮ ᱯᱩᱨᱟᱹᱣ ᱨᱮᱱᱟᱜ ᱟᱱᱩᱢᱟᱱ ᱢᱮᱱᱟᱜᱼᱟ ᱾

ᱨᱮᱞ ᱦᱚᱨ

ᱡᱷᱟᱨᱠᱷᱚᱸᱰ ᱨᱮᱞ ᱤᱫᱤ ᱛᱮ ᱟᱹᱰᱤ ᱱᱟᱯᱟᱭ ᱡᱚᱲᱟᱣ ᱟᱠᱟᱱᱟ ᱟᱨ ᱱᱚᱸᱰᱮ ᱫᱚ ᱟᱹᱰᱤ ᱜᱟᱱ ᱡᱷᱟᱨᱠᱷᱚᱸᱰ ᱨᱮ ᱨᱮᱞ ᱜᱟᱹᱰᱤ ᱥᱴᱮᱥᱚᱱ ᱢᱮᱱᱟᱜᱼᱟ ᱾

ᱥᱤᱧᱚᱛ ᱥᱚᱨᱠᱟᱨ ᱤᱫᱤ ᱛᱮ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱯᱚᱱᱚᱛ ᱨᱮ ᱞᱟᱹᱜᱤᱫ ᱟᱹᱢᱟᱹᱞᱮᱛ ᱥᱮᱪᱮᱫ ᱫᱚᱨ ᱫᱚ ᱖᱗.᱖᱓% ᱛᱟᱦᱮᱸ ᱠᱟᱱᱟ (ᱠᱚᱲᱟ: ᱗᱘.᱔᱕%; ᱛᱤᱨᱞᱟᱹ: ᱕᱖.᱒᱑%) ᱥᱮᱪᱮᱫ ᱫᱚᱨ ᱠᱷᱚᱱ ᱪᱮᱛᱟᱱ ᱨᱮᱱᱟᱜ ᱟᱨᱮ ᱦᱚᱱᱚᱛ ᱨᱮᱱᱟᱜ ᱥᱟᱶᱛᱮ:

• ᱨᱟᱺᱪᱤ: ᱗᱗.᱑᱓% (ᱠᱚᱲᱟ: ᱘᱕.᱕%; ᱛᱤᱨᱞᱟᱹ: ᱖᱘.᱒᱐%)
• ᱥᱟᱢᱟᱝ ᱥᱤᱝᱵᱷᱩᱢ: ᱗᱖.᱑᱓% (ᱠᱚᱲᱟ: ᱘᱔.᱕᱑%; ᱛᱤᱨᱞᱟᱹ: ᱖᱗.᱓᱓%)
• ᱫᱷᱟᱱᱵᱟᱫᱽ: ᱗᱕.᱗᱑% (ᱠᱚᱲᱟ: ᱘᱕.᱖᱘%; ᱛᱤᱨᱞᱟᱹ: ᱖᱔.᱗᱐%)
• ᱨᱟᱢᱜᱚᱲ: ᱗᱓.᱙᱒% (ᱠᱚᱲᱟ: ᱘᱓.᱕᱑%; ᱛᱤᱨᱞᱟᱹ: ᱖᱓.᱔᱙%)
• ᱵᱚᱠᱟᱨᱚ: ᱗᱓.᱔᱘% (ᱠᱚᱲᱟ: ᱘᱔.᱕᱐%; ᱛᱤᱨᱞᱟᱹ: ᱖᱑.᱔᱖%)
• ᱦᱟᱡᱟᱨᱤᱵᱟᱜᱽ: ᱗᱐.᱔᱘% (ᱠᱚᱲᱟ: ᱘᱑.᱑᱕%; ᱛᱤᱨᱞᱟᱹ: ᱕᱙.᱒᱕%)
• ᱥᱟᱹᱨᱟᱹᱭᱠᱚᱞᱟ ᱠᱷᱚᱨᱥᱚᱶᱟ: ᱖᱘.᱘᱕% (ᱠᱚᱲᱟ: ᱘᱑.᱐᱑%; ᱛᱤᱨᱞᱟᱹ: ᱕᱖.᱑᱙%)
• ᱠᱚᱰᱟᱨᱢᱟ: ᱖᱘.᱓᱕% (ᱠᱚᱲᱟ: ᱘᱑.᱒᱕%; ᱛᱤᱨᱞᱟᱹ: ᱕᱔.᱗᱗%)
• ᱞᱚᱦᱟᱨᱫᱟᱜᱟ: ᱖᱘.᱒᱙% (ᱠᱚᱲᱟ: ᱗᱘.᱖᱒%; ᱛᱤᱨᱞᱟᱹ: ᱕᱗.᱘᱖%)
• ᱥᱤᱢᱰᱮᱜᱟ: ᱖᱗.᱕᱙% (ᱠᱚᱲᱟ: ᱗᱖.᱐᱘%; ᱛᱤᱨᱞᱟᱹ: ᱕᱙.᱙᱒%)

ᱱᱟᱣᱟ ᱯᱚᱱᱚᱛ ᱨᱮᱱᱟᱜ ᱴᱷᱟᱯᱚᱱ ᱛᱟᱭᱚᱢ ᱠᱷᱚᱱ, ᱡᱷᱟᱨᱠᱷᱚᱸᱰ ᱥᱮᱪᱮᱫ ᱯᱟᱨᱤᱭᱚᱡᱟᱱᱟ (JEPC) ᱥᱮᱪᱮᱫ ᱨᱮᱱᱟᱜ ᱯᱟᱥᱱᱟᱣ ᱞᱟᱹᱜᱤᱫ ᱯᱩᱱ ᱯᱨᱚᱡᱮᱠᱴ ᱫᱚ ᱞᱟᱜᱩᱜ ᱠᱟᱱᱟ: ᱰᱤᱯᱤᱤᱯᱤ, ᱮᱥᱮᱥᱮ, ᱱᱯᱤᱤᱡᱤᱤᱮᱞ, ᱟᱨ ᱠᱮᱡᱤᱵᱤᱣᱤ ᱾

ᱡᱷᱟᱨᱠᱷᱚᱸᱰ ᱨᱮ ᱠᱨᱤᱠᱮᱴ, ᱦᱚᱠᱤ ᱟᱨ ᱪᱤᱸᱰᱩ ᱮᱱᱮᱡ ᱠᱚ ᱢᱮᱱᱟᱜᱼᱟ ᱾ ᱥᱤᱧᱚᱛᱤᱭᱟᱹ ᱦᱚᱠᱤ ᱫᱚᱞ ᱨᱤᱱᱤᱡ ᱢᱟᱲᱟᱝ ᱢᱩᱬᱛᱮᱱ ᱟᱨ ᱚᱞᱟᱸᱯᱤᱭᱟᱱ ᱟᱨ ᱢᱟᱱᱚᱦᱟᱨ ᱴᱚᱯᱱᱚ ᱞᱮᱠᱟᱱ ᱠᱷᱮᱞᱚᱸᱰᱤᱭᱟᱹ ᱱᱤᱛᱚᱜ ᱢᱮᱱᱟᱭᱟ ᱥᱤᱧᱚᱛᱤᱭᱟᱹ ᱦᱚᱠᱤ ᱫᱚᱞ ᱨᱮ ᱮᱱᱮᱡ ᱠᱟᱱᱟ ᱾ ᱡᱚᱭᱯᱟᱞ ᱥᱤᱝ ᱫᱚ ᱱᱚᱣᱟ ᱦᱚᱠᱤ ᱫᱚᱞ ᱨᱤᱱᱤᱡ ᱢᱩᱬᱛᱮᱱᱮ ᱛᱟᱦᱮᱸ ᱠᱟᱱᱟᱭ ᱾ ᱡᱟᱦᱟᱸᱭ ᱑᱙᱒᱘ ᱥᱟᱞ ᱨᱮ ᱮᱢᱥᱴᱟᱨᱰᱟᱢ ᱨᱮ ᱥᱤᱛᱩᱝ ᱨᱤᱛᱩ ᱚᱞᱟᱸᱯᱤᱠ ᱨᱮ ᱥᱤᱧᱚᱛ ᱨᱮ ᱞᱟᱹᱜᱤᱫ ᱯᱩᱭᱞᱩ ᱥᱚᱱᱟ ᱢᱮᱰᱟᱞ ᱡᱤᱛᱠᱟᱹᱨ ᱞᱮᱱᱟᱭ ᱾ ᱢᱚᱦᱮᱱᱫᱽᱨᱚ ᱥᱤᱝ ᱫᱷᱚᱱᱤ ᱫᱚ ᱥᱤᱧᱚᱛᱤᱭᱟᱹ ᱠᱨᱤᱠᱮᱴ ᱫᱚᱞ ᱨᱤᱱᱤᱡ ᱢᱩᱬᱛᱮᱱᱮ ᱛᱟᱦᱮᱸ ᱠᱟᱱᱟᱭ ᱟᱨ ᱒ ᱟᱯᱨᱮᱞ ᱒᱐᱑᱑ ᱨᱮ ICC ᱠᱨᱤᱠᱮᱴ ᱡᱮᱜᱮᱛ ᱠᱟᱯ ᱨᱮ ᱱᱟᱯᱟᱭ ᱛᱮ ᱥᱤᱧᱚᱛᱤᱭᱟᱹ ᱠᱨᱤᱠᱮᱴ ᱫᱚᱞ ᱨᱮᱱᱟᱜ ᱞᱤᱰᱟᱹᱨᱥᱤᱯ ᱠᱮᱫᱼᱟ, ᱑᱙᱘᱓ ᱥᱟᱞ ᱨᱮ ᱞᱚᱨᱰᱥ ᱤᱝᱞᱮᱸᱰ ᱨᱮ ᱢᱟᱲᱟᱝ ᱥᱤᱧᱚᱛᱤᱭᱟᱹ ᱢᱩᱬᱛᱮᱱ ᱠᱟᱯᱤᱞ ᱫᱮᱣ ᱤᱫᱤ ᱛᱮ ᱦᱟᱥᱤᱞ ᱠᱮᱫᱼᱟ ᱯᱷᱤᱴ (Feat) ᱫᱚ ᱫᱚᱦᱨᱟ ᱞᱟᱹᱜᱤᱫ ᱛᱮ ᱒᱘ ᱥᱟᱞ ᱨᱮᱱᱟᱜ ᱛᱟᱸᱜᱤ ᱪᱟᱵᱟ ᱠᱮᱫᱼᱟ ᱾

 

ᱡᱷᱟᱨᱠᱷᱚᱸᱰ ᱨᱤᱱ ᱮᱢᱟᱱ ᱱᱟᱯᱟᱭ ᱠᱨᱤᱠᱮᱴᱟᱨ ᱢᱮᱱᱟᱜ ᱠᱚᱣᱟ ᱣᱚᱨᱩᱬ ᱟᱨᱚᱱ, ᱥᱟᱦᱵᱟᱡᱽ ᱱᱚᱫᱤᱢ ᱟᱨ ᱥᱚᱣᱨᱟᱵᱷ ᱛᱤᱣᱟᱨᱤ ᱾ ᱱᱚᱣᱟ ᱢᱟᱞᱮᱥᱤᱭᱟ ᱨᱮ ᱒᱐᱐᱘ U/ ᱑᱙ ᱠᱨᱤᱠᱮᱴ ᱡᱮᱜᱮᱛ ᱠᱟᱯ ᱡᱤᱛᱠᱟᱹᱨᱤᱡ ᱥᱤᱧᱚᱛᱤᱭᱟᱹ ᱫᱚᱞ ᱨᱤᱱᱤᱡ ᱢᱩᱬ ᱞᱮᱫᱫᱟ ᱭᱤᱡ ᱠᱷᱚᱱ ᱫᱚ ᱢᱤᱫᱴᱟᱹᱝ ᱜᱮ ᱛᱟᱦᱮᱸ ᱠᱟᱱᱟᱭ ᱾ ᱱᱤᱛᱚᱜ ᱵᱤᱢᱚᱞ ᱞᱟᱠᱲᱟ ᱫᱚ ᱥᱤᱧᱚᱛᱤᱭᱟᱹ ᱦᱚᱠᱤ ᱢᱩᱬᱛᱮᱱᱮ ᱢᱮᱱᱟᱭᱟ ᱾ ᱮᱴᱟᱜ ᱠᱷᱮᱞᱚᱸᱰᱟᱱᱤ ᱨᱮ ᱫᱚ ᱢᱤᱫ ᱭᱩᱵᱟ ᱛᱤᱨᱟᱝᱫᱟᱡᱽ ᱫᱤᱯᱤᱠᱟ ᱠᱩᱢᱟᱨᱤ ᱥᱮᱞᱮᱫ ᱟᱠᱟᱱᱟᱭ, ᱡᱟᱦᱟᱸᱭ ᱫᱚ ᱒᱐᱑᱐ ᱟᱹᱯᱱᱟᱹᱛ ᱮᱱᱮᱡ ᱨᱮ ᱛᱤᱨᱞᱟᱹ ᱦᱚᱲ ᱨᱤᱠᱚᱨᱵᱽ ᱮᱵᱷᱮᱱᱴ ᱨᱮ ᱥᱚᱱᱟ ᱢᱮᱰᱟᱞ ᱡᱤᱛᱠᱟᱹᱨ ᱞᱮᱜᱼᱟ ᱛᱟᱦᱮᱸᱫ ᱾ ᱱᱤᱠᱠᱤ ᱯᱨᱚᱫᱷᱟᱱ ᱫᱚ ᱱᱤᱛᱚᱜ ᱡᱟᱹᱛᱤᱭᱟᱹᱨᱤ ᱦᱚᱠᱤ ᱫᱚᱞ ᱨᱤᱱᱤᱡ ᱥᱚᱦᱮᱫ ᱮ ᱢᱮᱱᱟᱭᱟ ᱾ ᱯᱨᱚᱫᱷᱟᱱ ᱫᱚ ᱡᱷᱟᱨᱠᱷᱚᱸᱰ ᱨᱤᱱᱤᱡ ᱯᱩᱭᱞᱩ ᱛᱤᱨᱞᱟᱹ ᱦᱟᱠᱤ ᱮᱱᱮᱡᱤᱡ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱚᱞᱟᱝᱯᱤᱠ ᱨᱮ ᱥᱤᱧᱚᱛ ᱨᱮᱱᱟᱜ ᱨᱤᱯᱨᱮᱥᱮᱱᱴᱮᱰ (represented) ᱞᱮᱜᱼᱟ ᱛᱟᱦᱮᱸᱫ ᱾

 

ᱢᱤᱫᱴᱟᱹᱝ ᱤᱱᱰᱚᱨ ᱥᱴᱮᱰᱤᱭᱟᱢ ᱟᱨ ᱢᱤᱫ ᱯᱨᱮᱠᱴᱤᱠ ᱴᱟᱺᱰᱤ ᱥᱟᱶᱛᱮ ᱢᱤᱫ ᱡᱮᱜᱮᱛ ᱡᱟᱠᱟᱛ ᱠᱨᱤᱠᱮᱴ ᱥᱴᱮᱰᱤᱭᱟᱢ ᱵᱮᱱᱟᱣ ᱮᱱᱟ ᱾ ᱱᱚᱣᱟ ᱡᱮᱜᱮᱛ ᱡᱟᱜᱟᱛ ᱠᱨᱤᱠᱮᱴ ᱥᱴᱮᱰᱤᱭᱟᱢ ᱫᱚ ᱑᱙ ᱡᱟᱱᱩᱣᱟᱨᱤ ᱒᱐᱑᱓ ᱨᱮ ᱥᱤᱧᱚᱛ ᱟᱨ ᱤᱝᱞᱮᱱᱰ ᱢᱤᱫ ᱡᱮᱜᱮᱛ ᱡᱟᱠᱟᱛ ᱢᱮᱪ ᱵᱮᱴᱣᱤᱱ ᱦᱩᱭ ᱮᱱᱟ ᱾ ᱚᱱᱟ ᱥᱟᱶᱛᱮ, ᱱᱚᱣᱟ ᱥᱴᱮᱰᱤᱭᱟᱢ ᱫᱚ ᱠᱮ.ᱠᱮ.ᱟᱨ. ᱞᱟᱹᱜᱤᱫ ᱛᱮ ᱵᱟᱨᱭᱟ ᱟᱭᱤ.ᱯᱤ.ᱮᱞ. ᱖ ᱢᱮᱪ ᱵᱮᱴᱣᱤᱱ ᱠᱮᱫᱼᱟ ᱟᱨ ᱥᱤ.ᱮᱥ.ᱠᱮ. ᱟᱨ ᱟᱨ.ᱥᱤ.ᱵᱤ. ᱛᱟᱞᱟ ᱨᱮ ᱟᱭᱤ.ᱯᱤ.ᱮᱥ. ᱘ ᱠᱮ ᱠᱣᱟᱞᱤᱯᱷᱟᱭᱟᱨ ᱒ ᱟᱨ ᱵᱷᱚᱡᱽᱯᱩᱨᱤ ᱫᱟᱵᱟᱝ ᱞᱟᱹᱜᱤᱫ ᱛᱮ ᱥᱮᱞᱤᱵᱨᱤᱴᱤ (Celebrity) ᱠᱨᱤᱠᱮᱴ ᱞᱤᱜᱽ ᱢᱮᱪ ᱮᱱᱮᱡ ᱟᱠᱟᱫᱟ ᱾ ᱢᱤᱫ ᱴᱮᱱᱤᱥ ᱮᱠᱟᱰᱮᱢᱤ, ᱡᱟᱦᱟᱸᱭ ᱡᱷᱤᱡ ᱥᱟᱹᱜᱩᱱ ᱟᱠᱟᱫ ᱥᱟᱱᱤᱭᱟ ᱢᱤᱨᱡᱟ ᱟᱨ ᱥᱚᱭᱮᱵᱽ ᱢᱚᱞᱤᱠ ᱤᱫᱤ ᱛᱮ ᱦᱩᱭ ᱞᱮᱱᱟ ᱛᱟᱦᱮᱸᱫ, ᱠᱨᱤᱠᱮᱴ ᱤᱥᱴᱮᱰᱤᱭᱟᱢ ᱥᱟᱞᱟᱜ ᱦᱚᱸ ᱪᱟᱞᱟᱜᱼᱟ ᱾ ᱨᱟᱺᱪᱤ ᱫᱚ ᱡᱟᱱᱩᱣᱟᱨᱤ ᱒᱐᱑᱓ ᱨᱮ ᱮᱱᱮᱡᱟᱜ ᱦᱚᱠᱤ ᱥᱤᱧᱚᱛ ᱞᱤᱜᱽ ᱨᱮᱱᱟᱜ ᱛᱩᱨᱩᱭ ᱥᱚᱦᱚᱨ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾ ᱨᱟᱺᱪᱤ ᱯᱷᱨᱮᱸᱪᱟᱭᱡᱤ ᱫᱚ ᱯᱟᱴᱮᱞ-ᱭᱩᱱᱤᱮᱠᱥᱮᱞ ᱜᱩᱴ ᱟᱨ ᱨᱟᱺᱪᱤ ᱨᱟᱭᱱᱚᱥ ᱧᱩᱛᱩᱢᱟᱜ ᱫᱚᱞ ᱮ ᱠᱤᱨᱤᱧ ᱞᱮᱫᱼᱟ ᱛᱟᱦᱮᱸᱫ, ᱚᱠᱚᱭ ᱫᱚ ᱱᱤᱛᱚᱜ ᱢᱚᱦᱮᱱᱫᱽᱨᱚ ᱥᱤᱝ ᱫᱷᱚᱱᱤ ᱭᱟᱜ ᱤᱫᱤ ᱛᱮ ᱥᱟᱦ-ᱢᱮᱡᱽᱵᱟᱱᱤᱜ (co-hosted) ᱠᱟᱱᱟ ᱟᱨ ᱱᱚᱣᱟ ᱨᱮᱭᱟᱜ ᱧᱩᱛᱩᱢ ᱫᱚ ᱨᱟᱺᱪᱤ ᱨᱮᱡᱽ ᱫᱚᱦᱚ ᱮᱱᱟ ᱾

 

ᱡᱮ.ᱟᱨ.ᱰᱤ. ᱴᱟᱴᱟ ᱥᱯᱚᱨᱴᱥ ᱠᱟᱢᱯᱞᱮᱠᱥ, ᱡᱟᱢᱥᱮᱫᱽᱯᱩᱨ ᱤᱱᱰᱤᱭᱟ ᱥᱩᱯᱟᱨ ᱞᱤᱜᱽ ᱨᱮᱱᱟᱜ ᱯᱷᱩᱴᱵᱳᱞ ᱢᱮᱪ ᱨᱮᱱᱟᱜ ᱦᱚᱥᱴᱥ ᱟ ᱟᱨ ᱟᱭᱤ.ᱮᱥ.ᱮᱥ. ᱴᱷᱟᱯᱚᱱ ᱯᱷᱩᱴᱵᱳᱞ ᱠᱞᱟᱵᱽ ᱡᱟᱢᱥᱮᱫᱽᱯᱩᱨ ᱮᱯᱷ.ᱥᱤ. ᱚᱲᱟᱜ ᱢᱮᱱᱟᱜᱼᱟ ᱾

ᱢᱩᱬ ᱴᱷᱟᱶ ᱼ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱧᱮᱞᱡᱚᱝ ᱴᱷᱟᱶ

 

ᱡᱷᱟᱨᱠᱷᱚᱸᱰ ᱟᱡᱟᱜ ᱡᱷᱟᱨᱱᱟ, ᱵᱩᱨᱩ ᱟᱨ ᱵᱚᱸᱜᱟ ᱛᱷᱟᱱ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜᱼᱟ ᱾

ᱯᱟᱨᱚᱥᱱᱟᱛᱷ, ᱵᱮᱭᱫᱽᱭᱚᱱᱟᱛᱷ ᱫᱷᱟᱢ ᱟᱨ ᱨᱟᱡᱽᱨᱟᱯᱟᱜ ᱢᱩᱬ ᱵᱚᱸᱜᱟ ᱛᱷᱟᱱ ᱠᱟᱱᱟ ᱾

ᱡᱷᱟᱨᱠᱷᱚᱸᱰ ᱨᱮ ᱵᱮᱛᱞᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱟᱨ ᱫᱚᱞᱢᱟ ᱵᱤᱨᱡᱤᱭᱟᱹᱞᱤ ᱨᱟᱠᱷᱟᱵᱤᱨ ᱥᱟᱶᱛᱮ ᱟᱹᱰᱤ ᱜᱟᱱ ᱵᱤᱨᱡᱤᱭᱟᱹᱞᱤ ᱢᱮᱱᱟᱜᱼᱟ ᱱᱚᱣᱟ ᱧᱮᱞᱡᱚᱝ ᱞᱟᱹᱜᱤᱫ ᱛᱮ ᱢᱩᱬ ᱞᱩᱵᱷᱟᱣ ᱢᱮᱱᱟᱜᱼᱟ ᱾

• ᱞᱚᱫᱷ ᱡᱷᱟᱨᱱᱟ
• ᱫᱮᱣᱜᱷᱚᱨ ᱣᱮᱫᱷᱱᱟᱛᱷ ᱢᱚᱱᱫᱤᱨ,
• ᱵᱟᱥᱩᱠᱤᱱᱟᱛᱷ,
• ᱦᱩᱸᱰᱨᱩ ᱡᱷᱟᱨᱱᱟ,
• ᱫᱚᱞᱢᱟ ᱵᱤᱨᱡᱤᱭᱟᱹᱞᱤ ᱨᱟᱠᱷᱟᱵᱤᱨ,
• ᱵᱮᱛᱞᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ,
• ᱥᱨᱤ ᱥᱤᱠᱟᱹᱨᱡᱤ ᱡᱮᱱ ᱛᱤᱨᱛᱷᱥᱛᱷᱟᱱ (ᱯᱟᱨᱚᱥᱱᱟᱛᱷ)
• ᱯᱟᱛᱨᱟᱛᱩ ᱰᱮᱢ, ᱯᱟᱛᱨᱟᱛᱩ
• ᱜᱚᱣᱛᱟᱢ ᱫᱷᱟᱨᱟ, ᱡᱚᱱᱦᱟ
• ᱪᱷᱤᱱᱢᱟᱥᱛᱤᱠᱟᱹ ᱢᱚᱱᱫᱤᱨ, ᱨᱟᱡᱽᱨᱟᱯᱟᱜ
• ᱯᱟᱸᱪᱜᱷᱟᱜᱷ ᱡᱷᱟᱨᱱᱟ,
• ᱫᱚᱥᱚᱢ ᱡᱷᱟᱨᱱᱟ,
• ᱦᱟᱡᱟᱨᱤᱵᱟᱜᱽ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ

• ᱯᱷᱟᱬᱤ ᱢᱩᱠᱩᱛ ᱨᱟᱭ
• ᱢᱟᱫᱷᱩ ᱥᱤᱝ (ᱨᱟᱡᱟ)
• ᱫᱩᱨᱡᱟᱱ ᱥᱟᱞ
• ᱢᱮᱫᱽᱱᱤ ᱨᱟᱭ
• ᱨᱟᱹᱜᱷᱩᱱᱟᱛᱷ ᱥᱟᱦ
• ᱡᱚᱭᱯᱟᱞ ᱥᱤᱝ
• ᱨᱟᱹᱜᱷᱩᱱᱟᱛᱷ ᱢᱟᱦᱟᱛᱚ
• ᱛᱤᱞᱠᱟᱹ ᱢᱟᱺᱡᱷᱤ
• ᱵᱟᱠᱷᱛᱟᱨ ᱥᱟᱭ
• ᱢᱩᱸᱰᱟᱞ ᱥᱤᱝ
• ᱱᱤᱞᱟᱢᱵᱟᱨ ᱥᱤᱝ
• ᱯᱤᱛᱟᱢᱵᱟᱨ ᱥᱤᱝ
• ᱯᱟᱱᱰᱮ ᱜᱟᱬᱯᱟᱛ ᱨᱟᱭ
• ᱴᱷᱟᱠᱩᱨ ᱵᱤᱥᱣᱟᱱᱟᱛᱷ ᱥᱟᱦᱫᱮᱣ
• ᱴᱤᱠᱮᱛ ᱩᱢᱨᱟᱝᱣ ᱥᱤᱝ
• ᱜᱷᱟᱥᱤᱨᱟᱢ ᱢᱟᱦᱞᱤ
• ᱥᱤᱫᱚ-ᱠᱟᱹᱱᱦᱩ
• ᱵᱤᱨ ᱵᱤᱨᱥᱟ. ᱢᱩᱸᱰᱟ.
• ᱛᱮᱞᱟᱝᱜᱟ ᱠᱷᱟᱰᱤᱭᱟ
• ᱟᱞᱵᱟᱨᱴ ᱮᱠᱠᱟ
• ᱵᱤᱱᱚᱫᱽ ᱵᱤᱦᱟᱨᱤ ᱢᱟᱦᱛᱚ
• ᱥᱟᱦᱤᱫ ᱥᱟᱠᱛᱤᱱᱟᱛᱷ ᱢᱟᱦᱛᱚ
• ᱢᱩᱠᱩᱸᱫ ᱱᱚᱭᱚᱞ
• ᱯᱨᱤᱭᱚᱝᱠᱟ ᱪᱚᱯᱨᱟ
• ᱢᱚᱦᱮᱱᱫᱽᱨᱚ ᱥᱤᱝ ᱫᱷᱚᱱᱤ
• ᱫᱤᱯᱤᱠᱟ ᱠᱩᱢᱟᱨᱤ
• ᱯᱩᱨᱱᱤᱢᱟ ᱢᱟᱦᱛᱚ
• ᱱᱤᱠᱤ ᱯᱨᱟᱫᱷᱟᱱ
• ᱢᱤᱱᱟᱠᱥᱤ ᱥᱮᱥᱟᱫᱨᱤ
• ᱠᱨᱤᱥᱱᱟ ᱵᱷᱟᱨᱫᱣᱟᱡ
• ᱤᱢᱛᱤᱭᱟᱡ ᱟᱞᱤ
• ᱛᱟᱱᱩᱥᱨᱤ ᱫᱟᱛᱛᱟ
• ᱥᱣᱮᱛᱟ ᱵᱟᱥᱩ ᱯᱨᱚᱥᱟᱫᱽ
• ᱢᱟᱫᱷᱩᱨᱤᱢᱟ ᱛᱩᱞᱤ
• ᱤᱥᱤᱛᱟ ᱫᱟᱛᱛᱟ
• ᱡᱚᱭᱚᱸᱛ ᱥᱤᱝᱦᱟ

ᱡᱷᱟᱨᱠᱷᱚᱸᱰ ᱫᱚ ᱢᱤᱫᱴᱟᱹᱝ ᱯᱚᱱᱚᱛ ᱠᱟᱱᱟ ᱾ ᱱᱚᱸᱰᱮ ᱢᱩᱴ ᱵᱟᱨᱜᱮᱞᱯᱩᱱ ᱜᱚᱴᱟᱝ ᱦᱚᱱᱚᱛ ᱠᱚ ᱢᱮᱱᱟᱜᱼᱟ ᱾ ᱚᱱᱟ ᱠᱚ ᱨᱮᱱᱟᱜ ᱧᱩᱛᱩᱢ ᱠᱚ ᱫᱚ ᱦᱩᱭᱩᱜ ᱠᱟᱱᱟ :-

ᱠᱷᱚᱸᱰ ᱟᱨ ᱯᱚᱱᱚᱛ

ᱡᱷᱟᱨᱠᱷᱚᱸᱰ ᱨᱮᱭᱟᱜ ᱯᱚᱱᱚᱛᱤᱭᱟᱹ ᱯᱟᱹᱨᱥᱤ ᱫᱚ ᱦᱤᱱᱫᱤ ᱠᱟᱱᱟ ᱟᱨ ᱫᱚᱥᱟᱨ ᱯᱚᱱᱚᱛ ᱯᱟᱹᱨᱥᱤ ᱫᱚ ᱥᱟᱱᱛᱟᱲᱤ ᱠᱟᱱᱟ᱾ ᱪᱮᱫᱟᱜ ᱪᱮ ᱦᱤᱱᱫᱤ ᱛᱟᱭᱚᱢ ᱥᱟᱱᱛᱟᱲᱤ ᱡᱷᱟᱨᱠᱷᱚᱸᱰ ᱨᱮ ᱵᱟᱹᱲᱛᱤ ᱨᱚᱲᱚᱜᱚᱜ ᱠᱟᱱᱟ, ᱚᱱᱟ ᱛᱮ ᱱᱚᱣᱟ ᱫᱚᱥᱟᱨ ᱯᱚᱱᱚᱛ ᱯᱟᱹᱨᱥᱤ ᱨᱮᱭᱟᱜ ᱫᱟᱨᱡᱟᱭ ᱧᱟᱢ ᱟᱠᱟᱫᱟ ᱾ ᱱᱤᱭᱟᱹ ᱪᱷᱟᱰᱟ ᱟᱨᱦᱚᱸ ᱡᱷᱟᱨᱠᱷᱚᱸᱰ ᱨᱮ ᱨᱚᱲᱚᱜᱚᱜ ᱯᱟᱹᱨᱥᱤ ᱠᱚ ᱢᱮᱱᱟᱜᱼᱟ, ᱡᱮᱞᱮᱠᱟ : ᱩᱨᱫᱩ, ᱵᱟᱸᱜᱟᱞᱤ, ᱢᱩᱸᱰᱟ, ᱩᱨᱟᱝ ᱮᱢᱟᱱ ᱯᱟᱹᱨᱥᱤ ᱠᱚ᱾

ᱡᱷᱟᱨᱠᱷᱚᱸᱰ ᱨᱮ ᱟᱭᱢᱟ ᱞᱮᱠᱟᱱ ᱴᱤᱹᱵᱷᱤᱹ ᱪᱮᱱᱮᱞ, ᱱᱤᱣᱥ ᱯᱮᱯᱟᱨ ᱟᱨ ᱨᱮᱰᱤᱭᱚ ᱠᱚ ᱯᱟᱨᱥᱟᱞᱚᱜ ᱠᱟᱱᱟ ᱾ ᱰᱤᱹᱰᱤᱹ ᱡᱷᱟᱨᱠᱷᱚᱸᱰ ᱫᱚ ᱡᱷᱟᱨᱠᱷᱚᱸᱰ ᱨᱮᱭᱟᱜ ᱟᱹᱰᱤ ᱥᱮᱬᱟ ᱪᱮᱱᱮᱞ ᱠᱟᱱᱟ ᱾

ᱦᱤᱱᱫᱩᱥᱛᱟᱱ, ᱫᱮᱭᱱᱤᱠ ᱡᱟᱜᱽᱨᱟᱱ, ᱥᱚᱠᱟᱞ ᱥᱚᱠᱟᱞ, ᱯᱨᱟᱵᱷᱟᱛ ᱠᱷᱚᱵᱚᱨ, ᱨᱟᱺᱪᱤ ᱮᱠᱥᱯᱨᱮᱥ ᱠᱚ ᱫᱚ ᱦᱤᱱᱫᱤ ᱠᱷᱚᱵᱚᱨ ᱠᱟᱜᱚᱡᱽ ᱠᱟᱱᱟ ᱟᱨ ᱦᱤᱱᱫᱩᱥᱛᱟᱱ ᱴᱟᱭᱤᱢ, ᱱᱟᱶᱟᱵᱷᱟᱨᱚᱛ ᱴᱟᱭᱤᱢᱥ, ᱫᱟ ᱴᱮᱞᱤᱜᱨᱟᱯᱷ ᱮᱢᱟᱱ ᱫᱚ ᱡᱷᱟᱨᱠᱷᱚᱸᱰ ᱠᱷᱚᱱ ᱯᱟᱨᱥᱟᱞᱚᱜ ᱠᱟᱱ ᱤᱸᱨᱟᱹᱡᱤ ᱠᱷᱚᱵᱚᱨ ᱠᱟᱜᱚᱡᱽ ᱠᱟᱱᱟ ᱾