ᱥᱟᱢᱟᱝ ᱥᱤᱝᱵᱷᱩᱢ ᱦᱚᱱᱚᱛ: ᱡᱷᱟᱨᱠᱷᱚᱸᱰ ᱨᱮᱱᱟᱜ ᱦᱚᱱᱚᱛ
ᱥᱟᱢᱟᱝ ᱥᱤᱝᱵᱷᱩᱢ ᱦᱚᱱᱚᱛ (East Singhbhum district) ᱫᱚ ᱥᱤᱧᱚᱛ ᱨᱮᱱᱟᱜ ᱥᱟᱢᱟᱝ ᱥᱮᱦᱮᱫ ᱨᱮᱱᱟᱜ ᱯᱚᱱᱚᱛ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱡᱟᱢᱥᱮᱫᱽᱯᱩᱨ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱦᱚᱱᱚᱛ ᱫᱚ ᱓᱕᱓᱓ ᱠᱤᱢᱤ² ᱴᱚᱴᱷᱟ ᱛᱮ ᱟᱴᱮᱫ ᱟᱠᱟᱱᱟ ᱾ ᱒᱐᱑᱑ ᱥᱟᱞᱮ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱦᱚᱱᱚᱛ ᱨᱮ ᱞᱮᱠᱷᱟᱜᱩᱴ ᱒,᱒᱙᱑,᱐᱓᱒ ᱜᱟᱱ ᱦᱚᱲ ᱢᱮᱱᱟᱜ ᱠᱚᱣᱟ ᱾
| ᱥᱟᱢᱟᱝ ᱥᱤᱝᱵᱷᱩᱢ ᱦᱚᱱᱚᱛ | |
|---|---|
| ᱡᱷᱟᱨᱠᱷᱚᱸᱰ ᱨᱮᱱᱟᱜ ᱦᱚᱱᱚᱛ | |
 | |
.svg) ᱥᱟᱢᱟᱝ ᱥᱤᱝᱵᱷᱩᱢ ᱦᱚᱱᱚᱛ ᱨᱮᱱᱟᱜ ᱴᱷᱟᱶ ᱡᱷᱟᱨᱠᱷᱚᱸᱰ ᱨᱮ | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱡᱷᱟᱨᱠᱷᱚᱸᱰ |
| ᱠᱷᱚᱸᱰ | ᱠᱚᱞᱦᱟᱱ |
| ᱦᱮᱰᱠᱩᱣᱟᱴᱚᱨ | ᱡᱟᱢᱥᱮᱫᱽᱯᱩᱨ |
| ᱮᱨᱤᱭᱟ | |
| • ᱞᱮᱠᱷᱟᱜᱩᱴ | 3562 ᱠᱤᱢᱤ২ (1375 ᱜᱟᱺᱴ ᱢᱟᱭᱤᱞ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱞᱮᱠᱷᱟᱜᱩᱴ | ᱒᱒,᱙᱑,᱐᱓᱒ |
| • ᱰᱮᱱᱥᱤᱴᱤ | 640/ᱠᱤᱢᱤ2 (1700/ᱜᱟᱺᱴ ᱢᱟᱹᱭᱤᱞ) |
| ᱯᱟᱹᱨᱥᱤ | |
| • ᱨᱟᱡᱽᱯᱟᱹᱨᱥᱤ | ᱦᱤᱱᱫᱤ, ᱥᱟᱱᱛᱟᱲᱤ |
| IST (ᱭᱩᱴᱤᱥᱤ+᱐᱕:᱓᱐) | |
| ᱯᱤᱱ ᱠᱳᱰ | ᱘᱓᱑ xxx |
| ᱜᱟᱹᱰᱤ ᱨᱤᱡᱤᱥᱴᱨᱤ | JH-05 |
| ᱡᱟᱱᱟᱝ ᱡᱟᱹᱱᱤ | ᱙᱔᱙ ♂/♀ |
| ᱥᱮᱪᱮᱫ | ᱗᱕.᱔᱙% |
| ᱫᱤᱥᱚᱢ ᱫᱚᱨᱵᱟᱨ ᱵᱟᱪᱷᱱᱟᱣ ᱢᱟᱹᱪᱤ | ᱡᱟᱢᱥᱮᱫᱽᱯᱩᱨ |
| ᱯᱚᱱᱚᱛ ᱫᱚᱨᱵᱟᱨ ᱵᱟᱪᱷᱱᱟᱣ ᱢᱟᱹᱪᱤ | ᱓ |
| ᱣᱮᱵᱽᱥᱟᱭᱤᱴ | www |
ᱚᱛᱱᱚᱜ
ᱱᱚᱣᱟ ᱦᱚᱱᱚᱛ ᱥᱟᱢᱟᱝ ᱨᱮ ᱡᱷᱟᱲᱜᱨᱟᱢ ᱦᱚᱱᱚᱛ, ᱠᱚᱧᱮ ᱨᱮ ᱯᱩᱨᱩᱞᱤᱭᱟᱹ ᱦᱚᱱᱚᱛ, ᱵᱟᱱᱟᱨ ᱯᱚᱪᱷᱤᱢ ᱵᱟᱝᱞᱟ ᱠᱷᱚᱱ, ᱯᱟᱪᱮ ᱨᱮ ᱥᱟᱹᱨᱟᱹᱭᱠᱮᱞᱟ ᱠᱷᱚᱨᱥᱚᱶᱟ ᱦᱚᱱᱚᱛ ᱟᱨ ᱮᱛᱚᱢ ᱨᱮ ᱳᱰᱤᱥᱟ ᱨᱮᱱᱟᱜ ᱢᱚᱭᱩᱨᱵᱷᱚᱸᱡᱽ ᱡᱤᱞᱞᱟᱹ ᱠᱷᱚᱱ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ ᱾ ᱱᱚᱣᱟ ᱦᱚᱱᱚᱛ ᱨᱮᱱᱟᱜ ᱚᱥᱟᱨ ᱵᱤᱥᱟᱹᱨ ᱓,᱕᱓᱓ ᱜᱟᱺᱴ ᱠᱤᱞᱚᱢᱤᱴᱚᱨ ᱢᱮᱱᱟᱜᱼᱟ ᱾ ᱫᱚᱞᱢᱟ ᱵᱤᱨᱡᱤᱭᱟᱹᱞᱤ ᱨᱟᱠᱷᱟᱵᱤᱨ ᱫᱚ ᱢᱤᱫᱴᱟᱹᱝ ᱧᱩᱛᱩᱢᱟᱱ ᱵᱟᱭᱚᱥᱯᱷᱤᱭᱟᱨ ᱨᱤᱡᱚᱨᱵᱽ ᱠᱟᱱᱟ ᱱᱚᱣᱟ ᱟᱡᱟ ᱨᱤᱱ ᱡᱤᱭᱟᱹᱞᱤ ᱠᱚ ᱞᱟᱹᱜᱤᱫ ᱛᱮ ᱡᱤᱭᱚᱱ ᱞᱮᱠᱟᱛᱮ ᱵᱟᱰᱟᱭᱚᱜᱼᱟ ᱾ ᱫᱚᱞᱢᱟ ᱵᱳᱨᱳ ᱫᱚ ᱡᱷᱟᱨᱠᱷᱚᱸᱰ ᱟᱨ ᱯᱚᱪᱷᱤᱢ ᱵᱟᱝᱞᱟ ᱨᱮ ᱯᱟᱥᱱᱟᱣ ᱟᱠᱟᱱᱟ ᱾ ᱱᱚᱣᱟ ᱡᱟᱢᱥᱮᱫᱽᱯᱩᱨ ᱨᱮᱱᱟᱜ ᱠᱚᱧᱮ ᱴᱚᱴᱷᱟ ᱨᱮ ᱢᱮᱱᱟᱜᱼᱟ ᱾ ᱱᱚᱸᱰᱮ ᱟᱹᱰᱤ ᱜᱟᱱ ᱠᱷᱟᱫᱟᱱ ᱢᱮᱱᱟᱜᱼᱟ ᱾
ᱠᱟᱹᱣᱰᱤ ᱟᱹᱨᱤ
ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮ ᱮᱴᱟᱜ ᱦᱚᱱᱚᱛ ᱠᱚ ᱢᱩᱸᱫᱽ ᱠᱷᱚᱱ ᱥᱟᱢᱟᱝ ᱥᱤᱝᱵᱷᱩᱢ ᱫᱚ ᱞᱟᱦᱟ ᱜᱮᱭᱟᱭ ᱾ ᱥᱤᱧᱚᱛ ᱨᱮᱭᱟᱜ ᱢᱤᱫ ᱠᱟᱹᱨᱜᱟᱲ ᱱᱟᱜᱟᱨ ᱡᱟᱢᱥᱮᱫᱽᱯᱩᱨ ᱫᱚ ᱦᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾ ᱦᱤᱱᱫᱩᱥᱛᱚᱱ ᱠᱳᱯᱟᱨ ᱞᱤᱢᱤᱴᱮᱰ ᱨᱮᱭᱟᱜ ᱕᱐ ᱥᱮᱨᱢᱟ ᱢᱟᱨᱮ ᱛᱟᱢᱵᱟ ᱨᱤᱯᱷᱟᱭᱱᱟᱨᱤ ᱢᱮᱱᱟᱜᱼᱟ ᱾ ᱦᱚᱱᱚᱛ ᱨᱮᱱᱟᱜ ᱮᱴᱟᱜ ᱱᱟᱜᱟᱨ, ᱢᱚᱥᱤᱪᱚᱸᱫᱚᱨ, ᱜᱷᱟᱴᱥᱤᱞᱟᱹ ᱨᱮ ᱢᱮᱱᱟᱜᱼᱟ ᱾ ᱥᱤᱝᱵᱷᱩᱢ ᱥᱤᱭᱟᱨ ᱡᱚᱹᱱ, ᱥᱟᱢᱟᱝ ᱥᱮᱫ ᱟᱨ ᱰᱚᱢᱡᱩᱲᱤ ᱜᱟᱰᱟ ᱨᱮᱭᱟᱜ ᱛᱟᱞᱟ ᱟᱨ ᱥᱚᱵᱚᱨᱱᱟᱠᱟ ᱜᱟᱰᱟ ᱨᱮᱭᱟᱜ ᱛᱟᱞᱟ ᱨᱮ ᱢᱮᱱᱟᱜ ᱢᱤᱫ ᱠᱚᱯᱚᱨ ᱟᱨ ᱭᱩᱨᱮᱱᱤᱭᱚᱢ ᱨᱮᱱᱟᱜ ᱠᱷᱟᱫᱟᱱ ᱾ ᱢᱚᱥᱟᱵᱩᱱᱤ ᱨᱮ ᱟᱹᱰᱤ ᱚᱥᱚᱫᱷᱚᱨᱚᱱ ᱛᱟᱸᱵᱟ ᱨᱮᱱᱟᱜ ᱠᱷᱟᱫᱟᱱ (ᱢᱟᱭᱱᱤᱝ) ᱵᱟᱱᱟᱞᱚᱯᱟ, ᱵᱮᱫᱷᱤᱭᱟᱹ, ᱯᱟᱛᱷᱚᱨᱜᱚᱨᱟᱹ, ᱫᱷᱚᱵᱽᱱᱤ, ᱠᱮᱸᱫᱽᱰᱤᱦ, ᱨᱟᱠᱷᱟ ᱟᱨ ᱥᱩᱨᱫᱷᱟᱹ ᱢᱮᱱᱟᱜᱼᱟ ᱾ ᱚᱱᱰᱮ ᱠᱷᱚᱱ ᱥᱩᱨᱫᱷᱟᱹ ᱠᱷᱟᱫᱟᱱ ᱜᱮ ᱪᱟᱞᱩ ᱟᱠᱟᱱᱟ ᱾ ᱥᱩᱨᱫᱷᱟᱹ ᱫᱚ ᱱᱤᱛᱚᱜ ᱤᱱᱰᱤᱭᱟ ᱨᱤᱥᱚᱨᱥ ᱞᱤᱢᱤᱴᱮᱰ (www.Indiaresources.com.au) ᱫᱟᱨᱟᱭ ᱛᱮ ᱪᱚᱞᱚᱛᱚᱜ ᱠᱟᱱᱟ, ᱚᱥᱴᱨᱮᱞᱤᱭᱟ ᱨᱮᱟᱜ ᱢᱤᱫ ᱠᱷᱟᱫᱟᱱ ᱠᱚᱢᱯᱟᱹᱱᱤ ᱠᱟᱱᱟ ᱾ ᱥᱤᱧᱚᱛ ᱨᱮᱱᱟᱜ ᱭᱩᱨᱮᱱᱤᱭᱚᱢ ᱱᱤᱜᱚᱢ (ᱭᱩᱨᱮᱱᱤᱭᱚᱢ ᱠᱚᱨᱯᱚᱨᱮᱥᱚᱱ ᱳᱯᱷ ᱤᱱᱰᱤᱭᱟ) ᱡᱟᱫᱩᱜᱚᱲᱟ, ᱱᱟᱹᱨᱣᱟᱹᱯᱟᱦᱟᱲ, ᱵᱷᱟᱴᱤᱱ, ᱛᱩᱨᱟᱢᱰᱤᱦ ᱟᱨ ᱵᱟᱜᱷᱡᱟᱸᱛᱟ ᱨᱮ ᱭᱩᱨᱮᱱᱤᱭᱚᱢ ᱨᱮᱭᱟᱜ ᱫᱷᱤᱨᱤ ᱚᱰᱚᱠᱮᱫᱼᱟ ᱾ ᱪᱟᱹᱠᱩᱞᱤᱭᱟᱹ ᱫᱚ ᱦᱚᱱᱚᱛ ᱨᱮᱱᱟᱜ ᱠᱚᱧᱮ ᱥᱟᱢᱟᱝ ᱥᱮᱦᱮᱫ ᱨᱮ ᱢᱮᱱᱟᱜ ᱢᱤᱫ ᱧᱩᱢᱟᱱ ᱱᱟᱜᱟᱨ ᱠᱟᱱᱟ, ᱡᱟᱦᱟᱸ ᱨᱮ ᱪᱟᱣᱞᱮ ᱢᱤᱞ, ᱥᱟᱯᱷᱟ ᱥᱟᱵᱚᱱ ᱥᱚᱨᱯᱷ ᱢᱤᱞ ᱞᱟᱹᱜᱤᱫ ᱯᱷᱮᱢᱚᱥ ᱜᱮᱭᱟ ᱾ ᱵᱟᱦᱨᱟᱜᱚᱰᱟ ᱢᱤᱫ ᱞᱚᱠᱟᱞ ᱞᱟᱹᱠᱛᱤᱭᱟᱱ ᱥᱚᱦᱚᱨ ᱠᱟᱱᱟ ᱟᱨ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱖ ᱢᱮᱱᱟᱜᱼᱟ ᱾
᱒᱐᱐᱖ ᱥᱟᱞᱮ ᱨᱮ ᱥᱤᱧᱚᱛ ᱥᱚᱨᱠᱟᱨ ᱥᱤᱧᱚᱛ ᱨᱮᱱᱟᱜ ᱖᱔᱐ ᱦᱚᱱᱚᱛ ᱢᱩᱸᱫᱽ ᱠᱷᱚᱱ ᱱᱚᱶᱟ ᱦᱚᱱᱚᱛ ᱫᱚ ᱒᱕᱐ ᱜᱚᱴᱟᱝ ᱨᱮᱸᱜᱮᱡ ᱟᱨ ᱯᱟᱹᱪᱷᱟᱞᱟᱹ ᱦᱟᱠᱟᱱ ᱦᱚᱱᱚᱛ ᱠᱚ ᱥᱟᱶᱛᱮ ᱞᱤᱥᱴᱤ ᱟᱠᱟᱱᱟᱭ ᱾ ᱱᱚᱶᱟ ᱫᱚ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱒᱑ ᱜᱚᱴᱟᱝ ᱯᱚᱱᱚᱛ ᱥᱟᱶᱛᱮ ᱱᱚᱶᱟ ᱦᱚᱸ ᱵᱮᱠᱣᱟᱨᱰ ᱨᱤᱡᱚᱱ ᱜᱨᱟᱱᱴ ᱯᱷᱚᱸᱰ ᱯᱨᱚᱜᱨᱟᱢ (BRGF) ᱫᱟᱨᱟᱭ ᱛᱮ ᱯᱷᱚᱸᱰ ᱮ ᱧᱟᱢ ᱮᱫᱟ ᱾
ᱰᱤᱵᱤᱡᱚᱱ
ᱱᱤᱭᱟᱹ ᱦᱚᱱᱚᱛ ᱨᱮ ᱛᱩᱨᱩᱭ ᱯᱚᱱᱚᱛ ᱫᱚᱨᱵᱟᱨ ᱴᱚᱴᱷᱟ ᱠᱟᱱᱟ : ᱵᱟᱦᱨᱟᱜᱚᱰᱟ, ᱜᱷᱟᱴᱥᱤᱞᱟᱹ, ᱯᱚᱴᱠᱟ, ᱡᱩᱜᱽᱥᱟᱞᱚᱭ, ᱡᱟᱢᱥᱮᱫᱽᱯᱩᱨ ᱥᱟᱢᱟᱝ ᱟᱨ ᱡᱟᱢᱥᱮᱫᱽᱯᱩᱨ ᱯᱟᱪᱮ ᱾ ᱱᱤᱭᱟᱹ ᱡᱚᱛᱚ ᱡᱟᱢᱥᱮᱫᱽᱯᱩᱨ ᱫᱤᱥᱚᱢ ᱫᱚᱨᱵᱟᱨ ᱴᱚᱴᱷᱟ ᱨᱮᱱᱟᱜ ᱴᱷᱟᱶ ᱠᱟᱱᱟ ᱾
ᱦᱚᱲ ᱮᱞ
᱒᱐᱑᱑ ᱥᱟᱞᱮ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱥᱟᱢᱟᱝ ᱥᱤᱝᱵᱷᱩᱢ ᱦᱚᱱᱚᱛ ᱨᱮ ᱒᱒,᱙᱑,᱐᱓᱒ ᱦᱚᱲ ᱠᱚ ᱛᱟᱦᱮᱸᱱ ᱠᱟᱱᱟ, ᱡᱟᱦᱟᱸ ᱫᱚ ᱢᱮᱱ ᱜᱟᱱᱚᱜᱼᱟ ᱞᱟᱹᱴᱵᱷᱤᱭᱟ ᱫᱤᱥᱚᱢ ᱨᱮ ᱢᱮᱱᱟᱜ ᱠᱚ ᱦᱚᱲ ᱟᱨᱵᱟᱝ ᱡᱩᱢᱤᱫᱽ ᱯᱚᱱᱚᱛ (US state) ᱨᱮᱱᱟᱜ ᱱᱤᱣ ᱢᱮᱠᱥᱤᱠᱳ ᱨᱤᱱ ᱦᱚᱲ ᱮᱞ ᱥᱟᱶ ᱠᱚ ᱥᱚᱢᱟᱱᱚᱜᱼᱟ ᱾ ᱱᱚᱶᱟ ᱫᱚ ᱥᱤᱧᱚᱛ ᱨᱮᱱᱟᱜ ᱖᱔᱐ ᱦᱚᱱᱚᱛ ᱢᱩᱸᱫᱽ ᱨᱮ ᱑᱙᱙ ᱟᱱᱟᱜ ᱨᱮᱸᱠ ᱨᱮ ᱢᱮᱱᱟᱜᱼᱟ ᱾ ᱦᱚᱱᱚᱛ ᱨᱮᱱᱟᱜ ᱦᱚᱲ ᱮᱞ ᱰᱮᱱᱥᱤᱴᱤ ᱫᱚ ᱖᱔᱘ ᱛᱟᱦᱮᱸᱱ ᱦᱚᱲ ᱜᱚᱴᱟ ᱜᱟᱺᱴ ᱠᱤᱞᱚᱢᱤᱴᱚᱨ (᱑,᱖᱘᱐/ᱜᱟᱺᱴ ᱢᱤᱞ) ᱢᱮᱱᱟᱜ ᱠᱚᱣᱟ ᱾ ᱱᱚᱸᱰᱮ ᱦᱚᱲ ᱵᱟᱹᱰᱼᱚᱜ ᱫᱚᱨ ᱫᱚ ᱦᱩᱭᱩᱜ ᱠᱟᱱᱟ ᱑᱙ᱹ᱓᱙% ᱾ ᱥᱟᱢᱟᱝ ᱥᱤᱝᱵᱷᱩᱢ ᱨᱮ ᱡᱟᱱᱟᱝ ᱡᱟᱹᱱᱤ (sex ratio) ᱞᱮᱠᱟᱛᱮ ᱑᱐᱐᱐ ᱠᱚᱲᱟ ᱨᱮ ᱖᱔᱙ ᱠᱩᱲᱤ ᱢᱮᱱᱟᱜ ᱠᱚᱣᱟ ᱟᱨ ᱥᱮᱪᱮᱫ ᱫᱚᱨ ᱫᱚ ᱗᱕.᱔᱙% ᱢᱮᱱᱟᱜᱼᱟ ᱾
ᱱᱚᱛᱥ
ᱥᱟᱹᱠᱷᱭᱟᱹᱛ
ᱵᱟᱦᱨᱮ ᱡᱚᱱᱚᱲ
| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱥᱟᱢᱟᱝ ᱥᱤᱝᱵᱷᱩᱢ ᱦᱚᱱᱚᱛ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
86°11′00″E / 22.8000°N 86.1834°E
This article uses material from the Wikipedia ᱥᱟᱱᱛᱟᱲᱤ article ᱥᱟᱢᱟᱝ ᱥᱤᱝᱵᱷᱩᱢ ᱦᱚᱱᱚᱛ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.