ᱢᱟᱭᱟᱢ ᱫᱚ ᱢᱤᱫᱴᱟᱝ ᱠᱷᱚᱧᱡᱟᱜ ᱴᱤᱥᱩ ᱠᱟᱱᱟ ᱾ ᱱᱚᱰᱮ ᱢᱮᱱᱟᱜ ᱡᱤᱵᱽ ᱠᱚᱥ ᱫᱚ ᱢᱟᱭᱟᱢ ᱠᱚᱥ ᱵᱚ ᱢᱮᱛᱟᱜᱼᱟ ᱾ ᱱᱚᱶᱟ ᱠᱚᱥ ᱠᱚᱫᱚ ᱫᱟᱜ ᱞᱮᱠᱟᱱ ᱡᱤᱱᱤᱥ ᱨᱮ ᱪᱟᱯᱮ ᱠᱚᱜᱼᱟ, ᱚᱱᱟ ᱫᱚ ᱯᱞᱟᱡᱽᱢᱟ (plasma) ᱠᱚ ᱢᱮᱛᱟᱜᱼᱟ ᱾ ᱚᱱᱟᱛᱮ ᱢᱟᱭᱟᱢ ᱫᱚ ᱯᱞᱟᱡᱽᱢᱟ ᱟᱨ ᱴᱤᱥᱩ ᱨᱮᱭᱟᱜ ᱥᱮᱞᱮᱫ ᱠᱟᱱᱟ ᱾ ᱢᱟᱭᱟᱢ ᱫᱚ ᱚᱴᱷᱟᱲᱤᱭᱟᱹ ᱫᱟᱜ ᱡᱤᱱᱤᱥ ᱠᱟᱱᱟ, ᱱᱚᱶᱟ ᱨᱮᱭᱟᱜ ᱥᱚ ᱫᱚ ᱟᱸᱭᱥᱤᱭᱟᱹ ᱜᱮᱭᱟ ᱟᱨ ᱥᱤᱵᱤᱞ ᱫᱚ ᱠᱷᱟᱨᱟ ᱜᱮᱭᱟ ᱾ ᱱᱚᱶᱟ ᱨᱮᱭᱟᱜ ᱨᱚᱝ ᱫᱚ ᱟᱨᱟᱜ ᱜᱮ ᱨᱮᱦᱚᱸ ᱞᱮᱛᱟᱲ ᱫᱚ ᱵᱟᱭ ᱟᱨᱟᱜᱼᱟ ᱾ ᱫᱤᱨᱵᱷᱤᱱ ᱛᱮ ᱢᱟᱭᱟᱢ ᱠᱚᱭᱚᱜ ᱞᱮᱠᱷᱟᱱ ᱚᱱᱰᱮᱱᱟᱜ ᱠᱚᱱᱤᱠᱟ ᱧᱮᱧᱟᱢᱚᱜᱼᱟ ᱾
ᱢᱟᱭᱟᱢ ᱫᱚ ᱢᱩᱬ ᱠᱟᱛᱮ ᱵᱟᱨᱭᱟ ᱩᱯᱟᱹᱫᱟᱱ ᱛᱮ ᱛᱮᱭᱟᱨ ᱠᱚᱜᱼᱟ ᱾ (ᱚ) ᱯᱨᱚᱞᱚᱥᱤ (ᱛ) ᱢᱟᱭᱟᱢ ᱠᱚᱱᱤᱠᱟ
(ᱚ) ᱯᱨᱚᱞᱚᱥᱤ :
ᱢᱟᱭᱟᱢ ᱨᱮᱭᱟᱜ ᱞᱟᱛᱟᱨ ᱵᱷᱟᱜᱽ ᱫᱚ ᱯᱨᱚᱞᱚᱥᱤ ᱠᱚ ᱢᱮᱛᱟᱜᱼᱟ ᱾ ᱱᱚᱶᱟ ᱨᱮᱭᱟᱜ ᱨᱚᱝ ᱫᱚ ᱥᱟᱥᱟᱝ ᱜᱮᱭᱟ ᱾ ᱱᱚᱶᱟ ᱨᱮᱭᱟᱜ ᱙᱐ ᱥᱟᱭ ᱠᱚᱲᱟ ᱫᱚ ᱫᱟᱜ ᱠᱟᱱᱟ ᱾ ᱚᱴᱟᱜ ᱩᱯᱟᱹᱫᱟᱱ ᱠᱚ ᱱᱚᱰᱮ ᱢᱮᱥᱟ ᱠᱟᱛᱮ ᱛᱟᱦᱮᱸᱱᱟ ᱾ ᱚᱱᱟ ᱩᱯᱟᱹᱫᱟᱱ ᱠᱚᱫᱚ ᱦᱩᱭᱩᱜ ᱠᱟᱱᱟ- ᱡᱚᱵᱚᱠᱷᱭᱟᱨᱡᱟᱱ (Nitrogen), ᱚᱢᱚᱲᱡᱟᱱ (Oxygen) ᱚᱝᱜᱟᱨᱠᱟᱢᱚᱲ (Carbon dioxide) ᱞᱮᱠᱟᱱ ᱦᱚᱭᱚᱝ, ᱟᱞᱩᱵᱤᱱ ᱜᱞᱚᱵᱩᱞᱤᱱ ᱮᱢᱟᱱ ᱞᱮᱠᱟᱱ ᱯᱩᱥᱴᱤᱥᱟᱨ, ᱯᱚᱴᱟᱥᱤᱭᱚᱢ, ᱥᱚᱰᱤᱭᱚᱢ, ᱠᱟᱞᱥᱤᱭᱚᱢ ᱫᱷᱟᱹᱛᱩ ᱨᱮᱭᱟᱜ ᱠᱞᱚᱨᱟᱭᱤᱰ, ᱯᱷᱚᱥᱯᱷᱮᱴ, ᱥᱚᱞᱯᱷᱮᱴ ᱮᱢᱟᱱ ᱵᱷᱮᱜᱟᱨ ᱵᱷᱮᱜᱟᱨ ᱫᱷᱟᱛᱚᱵᱽ ᱵᱩᱞᱩᱝ, ᱟᱡᱟᱨ ᱫᱩᱜ ᱫᱟᱨᱟᱢ ᱩᱯᱟᱹᱫᱟᱱ, ᱮᱱᱡᱟᱭᱤᱢ, ᱦᱚᱨᱢᱚᱱ, ᱭᱩᱨᱤᱭᱟ ᱮᱢᱟᱱ ᱾
(ᱛ) ᱢᱟᱭᱟᱢ ᱠᱚᱱᱤᱠᱟ :
ᱢᱟᱭᱟᱢ ᱠᱚᱱᱤᱠᱟ ᱫᱚ ᱯᱮ ᱞᱮᱠᱟᱱᱟ, ᱡᱮᱢᱚᱱ-
ᱟᱨᱟᱜ ᱢᱟᱭᱟᱢ ᱠᱚᱱᱤᱠᱟ (red blood corpuscle)
ᱯᱩᱸᱰ ᱢᱟᱭᱟᱢ ᱠᱚᱱᱤᱠᱟ (white blood corpuscle)
ᱚᱱᱩ ᱪᱚᱠᱨᱤᱠᱟ (platelet)
ᱮᱴᱟᱜ ᱢᱟᱭᱟᱢ ᱠᱚᱱᱤᱠᱟ ᱠᱷᱚᱱᱟᱜ ᱟᱨᱟᱜ ᱢᱟᱭᱟᱢ ᱠᱚᱱᱤᱠᱟ ᱜᱮ ᱰᱷᱮᱨᱟ ᱾ ᱢᱤᱫ ᱠᱭᱩᱵᱤᱠ ᱢᱤᱞᱤᱢᱤᱴᱚᱨ ᱜᱟᱱ ᱢᱟᱭᱟᱢ ᱨᱮ ᱔.᱕ ᱠᱷᱚᱱ ᱕ ᱢᱤᱞᱤᱭᱚᱱ ᱦᱟᱹᱵᱤᱡ ᱟᱨᱟᱜ ᱢᱟᱭᱟᱢ ᱠᱚᱱᱤᱠᱟ ᱛᱟᱦᱮᱸᱱᱟ (ᱢᱤᱫ ᱴᱷᱚᱯ ᱢᱟᱭᱟᱢ ᱨᱮᱭᱟᱜ ᱟᱭᱛᱟᱱ ᱫᱚ ᱕᱐ ᱠᱭᱩᱵᱤᱠ ᱢᱤᱞᱤᱢᱤᱴᱚᱨ ᱜᱟᱱ ᱦᱩᱭᱩᱜᱼᱟ) ᱾ ᱱᱚᱶᱟ ᱨᱟᱭᱟᱜ ᱟᱠᱟᱨ ᱫᱚ ᱜᱩᱞᱟᱹᱭ ᱜᱮᱭᱟ ᱤᱠᱷᱟᱱ ᱵᱟᱱᱟᱨ ᱯᱟᱦᱴᱟ ᱪᱟᱯᱲᱟ ᱜᱮ ᱠᱷᱟᱹᱛᱤᱨ ᱱᱚᱶᱟ ᱫᱚ ᱯᱤᱴᱷᱟ (disc) ᱞᱮᱠᱟ ᱧᱮᱞᱚᱜᱼᱟ ᱾ ᱟᱨᱟᱜ ᱢᱟᱭᱟᱢ ᱠᱚᱱᱤᱠᱟ ᱨᱮᱰᱚ ᱦᱤᱢᱚᱜᱞᱚᱵᱤᱱ ᱧᱩᱛᱩᱢᱟᱱᱟᱜ ᱥᱮᱞᱮᱫ ᱯᱩᱥᱴᱤᱥᱟᱨ (conjugated protein) ᱛᱟᱦᱮᱸᱱᱟ ᱾ ᱱᱚᱶᱟ ᱦᱤᱢᱚᱜᱞᱚᱵᱤᱱ ᱫᱚ ᱦᱤᱢᱟᱴᱤᱱ ᱧᱩᱛᱩᱢᱟᱱ ᱢᱮᱬᱦᱮᱫᱢᱮᱥᱟ ᱦᱤᱢ (haem or heme) ᱟᱨ ᱜᱞᱚᱵᱤᱱ ᱧᱩᱛᱩᱢᱟᱱ ᱯᱩᱥᱴᱤᱥᱟᱨ ᱢᱮᱥᱟ ᱠᱟᱛᱮ ᱵᱮᱱᱟᱶ ᱟᱠᱟᱱᱟ ᱾ ᱦᱤᱢᱚᱜᱞᱚᱵᱤᱱ ᱨᱮᱭᱟᱜ ᱯᱨᱩᱠᱩᱛ ᱨᱚᱝ ᱫᱚ ᱵᱮᱝᱜᱟᱲ ᱢᱮᱥᱟ ᱟᱨᱟᱜ ᱠᱟᱱᱟ ᱾ ᱡᱚᱠᱷᱚᱱ ᱱᱚᱶᱟ ᱥᱟᱶ ᱚᱢᱚᱲᱡᱟᱱ ᱢᱮᱥᱟᱜᱼᱟ ᱩᱱᱫᱚ ᱱᱚᱟᱶᱟ ᱥᱚᱠᱛᱚ ᱟᱨᱟᱜ ᱧᱮᱞᱚᱜᱼᱟ ᱾ ᱚᱱᱟᱛᱮ ᱥᱤᱨ ᱨᱮ ᱞᱤᱧᱡᱤᱜ ᱠᱟᱱ ᱢᱟᱭᱟᱢ ᱨᱮ ᱫᱚ ᱥᱚᱠᱛᱚ ᱦᱤᱢᱚᱜᱞᱚᱵᱤᱱ ᱛᱟᱦᱮᱸᱱ ᱠᱷᱟᱹᱛᱤᱨ ᱥᱚᱠᱛᱚ ᱟᱨᱟᱜ ᱧᱮᱞᱚᱜᱼᱟ ᱾ ᱡᱚᱛᱚ ᱟᱨᱟᱜ ᱢᱟᱭᱟᱢ ᱠᱚᱱᱤᱠᱟ ᱜᱮ ᱗᱐ ᱵᱷᱟᱜᱽ ᱫᱚ ᱫᱟᱜ ᱟᱨ ᱓᱐ ᱵᱷᱟᱜᱽ ᱮᱴᱟᱜ ᱡᱤᱱᱤᱥ ᱛᱮ ᱵᱮᱱᱟᱶ ᱟᱠᱟᱱᱟ ᱾
ᱣᱤᱠᱤᱠᱩᱣᱚᱴ ᱨᱮ ᱢᱟᱭᱟᱢ ᱥᱟᱶ ᱡᱚᱲᱟᱣᱟᱱᱟᱜ ᱠᱟᱛᱷᱟ ᱠᱚ ᱾ |
Look up ᱢᱟᱭᱟᱢ in Wiktionary, the free dictionary. |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ Blood ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
https://www.duhoctrungquoc.vn/wiki/or/%E0%AC%B0%E0%AC%95%E0%AD%8D%E0%AC%A4
This article uses material from the Wikipedia ᱥᱟᱱᱛᱟᱲᱤ article ᱢᱟᱭᱟᱢ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.