ᱯᱨᱤᱭᱚᱝᱠᱟ ᱪᱚᱯᱨᱟ
ᱯᱨᱤᱭᱚᱝᱠᱟ ᱪᱚᱯᱨᱟ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱯᱷᱤᱞᱢ ᱮᱠᱴᱨᱮᱥ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ, ᱥᱟᱶᱛᱟ ᱥᱩᱥᱟᱹᱨᱤᱭᱟᱹ ᱟᱨ ᱢᱤᱥ ᱣᱟᱨᱞᱰ ᱒᱐᱐᱐ ᱨᱤᱱᱤᱡ ᱡᱤᱛᱠᱟᱹᱨᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱥᱤᱧᱚᱛᱤᱭᱟᱹ ᱯᱷᱤᱞᱢ ᱥᱟᱶ ᱟᱭᱢᱟ ᱵᱤᱫᱮᱥ ᱨᱮᱱᱟᱜ ᱯᱷᱤᱞᱢ ᱨᱮ ᱠᱟᱹᱢᱤ ᱟᱠᱟᱫᱼᱟᱭ ᱾ ᱒᱐᱑᱖ ᱥᱟᱞᱮ ᱨᱮ ᱥᱤᱧᱚᱛ ᱥᱚᱨᱠᱟᱨ ᱦᱚᱛᱮᱛᱮ ᱯᱚᱫᱽᱢᱚᱥᱨᱤ ᱥᱤᱨᱯᱷᱟᱹᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾
| ᱯᱨᱤᱭᱚᱝᱠᱟ ᱪᱚᱯᱨᱟ | |
|---|---|
 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱘ ᱡᱩᱞᱟᱭ ᱑᱙᱘᱒ ᱡᱟᱢᱥᱮᱫᱽᱯᱩᱨ, ᱡᱷᱟᱨᱠᱷᱚᱸᱰ, ᱥᱤᱧᱚᱛ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ |
|
| ᱠᱟᱹᱢᱤ ᱚᱠᱛᱚ | ᱒᱐᱐᱐–ᱱᱤᱛ ᱦᱟᱹᱵᱤᱡ |
| ᱯᱮᱲᱟ ᱥᱟᱹᱜᱟᱹᱭᱟᱱᱠᱚ | List
|
| ᱥᱤᱨᱯᱷᱟᱹ | List
|
| ᱣᱮᱵᱽᱥᱟᱭᱤᱴ | iampriyankachopra |
ᱞᱟᱦᱟ ᱛᱮ ᱥᱮᱨᱢᱟ ᱥᱟᱬᱮᱥ ᱪᱮᱛᱟᱱ ᱨᱮ ᱯᱟᱲᱦᱟᱣᱜ ᱨᱮᱱᱟᱜ ᱜᱚᱨᱚᱡᱽ ᱛᱟᱦᱮᱸ ᱠᱟᱱ ᱨᱮᱦᱚᱸ, ᱒᱐᱐᱐ ᱥᱟᱞᱮ ᱨᱮ ᱩᱱᱤ ᱫᱚ ᱡᱮᱜᱮᱛ ᱥᱩᱱᱫᱽᱨᱤ ᱢᱟᱹᱱ ᱡᱤᱛᱠᱟᱹᱨ ᱮᱱ ᱛᱟᱭᱚᱢ ᱒᱐᱐᱓ ᱥᱟᱞᱮ ᱨᱮ "ᱫᱚ ᱦᱤᱨᱚ ᱺ ᱞᱚᱵᱽ ᱥᱴᱚᱨᱤ ᱚᱯᱷ ᱮ ᱯᱟᱭ" ᱯᱷᱤᱞᱢ ᱠᱷᱚᱱ ᱟᱡᱟᱜ ᱯᱷᱤᱞᱢ ᱡᱤᱭᱚᱱᱤ ᱮᱱᱦᱚᱵ ᱞᱮᱫ ᱛᱟᱦᱮᱸᱫ ᱾ᱚᱱᱟ ᱛᱟᱭᱚᱢ ᱒᱐᱐᱓ ᱨᱮ ᱟᱱᱫᱟᱡᱽ ᱟᱨ ᱒᱐᱐᱔ ᱥᱟᱞᱮ ᱨᱮ ᱢᱩᱡᱷ ᱥᱮ ᱥᱟᱫᱤ ᱠᱟᱨᱚᱜᱮ ᱯᱷᱤᱞᱢ ᱨᱮ ᱠᱟᱹᱢᱤ ᱠᱟᱛᱮ ᱧᱮᱧᱮᱞᱤᱭᱟᱹ ᱠᱚᱣᱟᱜ ᱢᱚᱱᱮᱭ ᱴᱟᱱᱟᱣ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱵᱮᱜᱚᱨᱵ ᱮᱴᱟᱜ ᱯᱷᱤᱞᱢ ᱮᱛᱨᱟᱡᱽ, ᱠᱨᱤᱥ, ᱰᱚᱱ ᱮᱢᱟᱱ ᱠᱚᱨᱮ ᱠᱟᱹᱢᱤ ᱠᱟᱛᱮ ᱵᱚᱞᱤᱣᱩᱰ ᱨᱮ ᱟᱡᱟᱜ ᱦᱩᱱᱟᱹᱨ ᱨᱮ ᱯᱷᱩᱴᱟᱹᱣ ᱞᱮᱫ ᱛᱟᱦᱮᱸᱫ ᱾
ᱯᱭᱩᱞᱩ ᱡᱤᱭᱚᱱ ᱟᱨ ᱜᱷᱟᱨᱚᱸᱡᱽ
ᱯᱨᱤᱭᱚᱝᱠᱟ ᱪᱚᱯᱨᱟ ᱫᱚ ᱑᱘ ᱡᱩᱞᱟᱭ ᱑᱙᱘᱒ ᱥᱟᱞᱮ ᱨᱮ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱡᱟᱢᱥᱮᱫᱽᱯᱩᱨ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱟᱯᱟᱛ ᱫᱚ ᱚᱥᱚᱠ ᱪᱚᱯᱨᱟ ᱟᱨ ᱮᱸᱜᱟᱛ ᱢᱚᱫᱷᱩ ᱪᱚᱯᱨᱟ ᱵᱟᱱᱟᱨ ᱜᱮ ᱥᱤᱧᱚᱛ ᱯᱷᱟᱹᱫ ᱨᱮ ᱛᱤᱠᱪᱷᱤᱭᱟᱹ ᱞᱮᱠᱟᱛᱮ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱟᱡ ᱵᱟᱵᱟ ᱫᱚ ᱯᱚᱧᱡᱟᱵᱤ ᱦᱚᱲ ᱛᱟᱦᱮᱸ ᱠᱟᱱᱟᱭ ᱡᱟᱦᱟᱸᱭ ᱫᱚ ᱚᱢᱵᱚᱲᱟ ᱨᱤᱱᱤᱡ ᱦᱚᱲ ᱛᱟᱦᱮᱸ ᱠᱟᱱᱟᱭ ᱟᱨ ᱮᱸᱜᱟᱛ ᱫᱚ ᱡᱷᱟᱨᱠᱟᱸᱰ ᱨᱤᱱᱤᱡ ᱛᱟᱦᱮᱸ ᱠᱟᱱᱟᱭ ᱾ ᱯᱨᱤᱭᱚᱝᱠᱟ ᱠᱷᱚᱱ ᱦᱩᱰᱤᱧ ᱢᱤᱫ ᱠᱚᱲᱟ ᱵᱚᱭᱦᱟ ᱢᱮᱱᱟᱭᱟ ᱡᱟᱦᱟᱸᱭ ᱫᱚ ᱟᱡ ᱠᱷᱚᱱ ᱗ ᱥᱮᱨᱢᱟᱭ ᱦᱩᱰᱤᱧᱟ ᱾ ᱮᱠᱴᱨᱮᱥ ᱯᱚᱨᱤᱬᱤᱛᱤ ᱪᱚᱯᱨᱟ , ᱢᱤᱨᱟ ᱪᱚᱯᱨᱟ ᱟᱨ ᱢᱚᱱᱟᱨᱟ ᱪᱚᱯᱨᱟ ᱫᱚ ᱯᱨᱤᱭᱚᱝᱠᱟ ᱨᱤᱱ ᱯᱮᱲᱟ ᱵᱚᱭᱦᱟ ᱠᱚ ᱛᱟᱦᱮᱸ ᱠᱟᱱᱟ ᱾ ᱟᱡ ᱵᱟᱵᱟ ᱫᱚ ᱥᱚᱨᱠᱟᱹᱨᱤ ᱪᱟᱹᱠᱨᱤᱭᱟᱹᱭ ᱛᱟᱦᱮᱸ ᱠᱟᱱ ᱛᱮ ᱟᱠᱚᱣᱟᱜ ᱚᱲᱟᱜ ᱫᱚ ᱫᱤᱞᱞᱤ, ᱪᱚᱱᱰᱤᱜᱚᱰ, ᱚᱢᱵᱚᱲᱟ, ᱞᱟᱫᱟᱠᱷ, ᱞᱚᱠᱷᱱᱚ, ᱵᱚᱨᱮᱞᱤ ᱟᱨ ᱯᱩᱱᱮ ᱨᱮ ᱛᱟᱦᱮᱸ ᱠᱟᱱᱟ ᱾
ᱟᱨᱢᱤ ᱯᱚᱵᱽᱞᱤᱠ ᱟᱥᱲᱟ ᱨᱮ ᱯᱟᱲᱦᱟᱣᱜ ᱠᱟᱱ ᱚᱠᱛᱮ ᱚᱸᱰᱮᱱᱟᱜ ᱢᱮ ᱠᱩᱭᱤᱱ ᱦᱮᱯᱨᱟᱣ ᱨᱮ ᱡᱤᱛᱠᱟᱹᱨ ᱞᱮᱱ ᱛᱦᱮᱸᱫ ᱾ ᱚᱱᱟ ᱛᱟᱭᱚᱢ ᱟᱡ ᱟᱭᱚ ᱣᱟᱜ ᱫᱤᱥᱟᱹ ᱛᱮ ᱒᱐᱐᱐ ᱥᱟᱞᱮ ᱨᱮ ᱯᱷᱮᱢᱤᱱᱟ ᱢᱤᱥ ᱤᱱᱰᱤᱭᱟ ᱨᱮ ᱥᱮᱞᱮᱫ ᱞᱮᱱ ᱛᱟᱦᱮᱸᱫ ᱟᱨ ᱱᱚᱶᱟ ᱦᱮᱯᱨᱟᱣ ᱨᱮ ᱟᱡ ᱫᱚᱥᱟᱨ ᱴᱷᱟᱶ ᱮ ᱟᱢᱮᱴ ᱞᱮᱫ ᱛᱟᱦᱮᱸᱫ ᱟᱨ ᱢᱤᱥ ᱣᱟᱨᱞᱰ ᱞᱮᱠᱟᱛᱮ ᱵᱤᱠᱱᱟᱹᱣ ᱞᱮᱱ ᱛᱟᱦᱮᱸᱫ ᱾}} ᱚᱱᱟ ᱛᱟᱭᱚᱢ ᱯᱨᱤᱭᱚᱝᱠᱟ ᱢᱤᱥ ᱣᱟᱨᱞᱰ ᱦᱮᱯᱨᱟᱣ ᱨᱮ ᱡᱤᱛᱠᱟᱹᱨ ᱞᱮᱱ ᱛᱟᱦᱮᱸᱫ ᱾
ᱠᱷᱮᱞᱚᱸᱰᱤᱭᱟᱹ ᱡᱤᱭᱚᱱ
ᱯᱨᱤᱭᱚᱝᱠᱟ ᱒᱐᱐᱐ ᱥᱟᱞᱮ ᱨᱮ ᱢᱤᱥ ᱣᱟᱨᱞᱰ ᱡᱤᱛᱠᱟᱹᱨᱮᱱ ᱛᱟᱭᱚᱢ ᱢᱤᱫ ᱛᱟᱢᱤᱞ ᱯᱷᱤᱞᱢ ᱨᱮ ᱯᱟᱴ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱒᱐᱐᱓ ᱥᱟᱞᱮ ᱨᱮ ᱦᱤᱱᱫᱤ ᱯᱷᱤᱞᱢ "ᱫᱚ ᱦᱤᱴᱨᱚᱺ ᱞᱚᱵᱽ ᱥᱴᱚᱨᱤ ᱚᱯᱷ ᱮ ᱥᱯᱟᱭ" ᱫᱟᱨᱟᱭ ᱛᱮ ᱦᱤᱱᱫᱤ ᱯᱷᱤᱞᱢ ᱫᱩᱱᱤᱭᱟᱹ ᱛᱮᱭ ᱟᱬᱜᱚ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱟᱱᱫᱟᱡᱽ , ᱢᱩᱡᱷ ᱥᱮ ᱥᱟᱫᱤ ᱠᱟᱨᱚᱜᱮ, ᱮᱛᱨᱟᱡᱽ , ᱠᱨᱤᱥ, ᱰᱚᱱ, ᱯᱷᱮᱥᱚᱱ, ᱠᱟᱢᱤᱱᱮ, ᱥᱟᱛ ᱠᱷᱩᱱ ᱢᱟᱯᱷ, ᱵᱚᱨᱯᱷᱤ ᱫᱤᱞ ᱫᱷᱟᱲᱟᱠᱱᱮ ᱫᱚ, ᱵᱟᱡᱤᱨᱟᱣ ᱢᱚᱥᱛᱟᱱᱤ ᱮᱢᱟᱱ ᱮᱢᱟᱱ ᱯᱷᱤᱞᱢ ᱨᱮ ᱯᱟᱴ ᱟᱠᱟᱫ ᱟᱭ ᱾
᱒᱐᱑᱕ ᱥᱟᱞᱮ ᱨᱮ ᱟᱢᱮᱨᱤᱠᱟ ᱨᱮᱱᱟᱜ ᱢᱤᱫ ᱥᱤᱨᱤᱭᱟᱹᱞ ᱠᱣᱟᱱᱴᱤᱠᱚ ᱨᱮ ᱯᱟᱴ ᱞᱮᱫ ᱛᱟᱦᱮᱸᱫ ᱾ ᱯᱨᱤᱭᱝᱠᱟ ᱫᱚ ᱢᱤᱫ ᱤᱝᱞᱤᱥ ᱯᱷᱤᱞᱢ ᱵᱮᱣᱟᱪ ᱨᱮ ᱦᱚᱸᱭ ᱠᱟᱹᱢᱤ ᱟᱠᱟᱫ ᱞᱮᱫ ᱛᱟᱦᱮᱸᱫ ᱾
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱯᱨᱤᱭᱚᱝᱠᱟ ᱪᱚᱯᱨᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.