ᱡᱮᱢᱥ ᱣᱟᱴ ᱫᱚ ᱥᱠᱚᱴᱞᱟᱸᱰ ᱨᱤᱱᱤᱡ ᱥᱤᱨᱤᱡᱤᱭᱟᱹ ᱟᱨ ᱡᱚᱱᱛᱨᱚ ᱥᱟᱬᱮᱥᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱵᱷᱟᱯ ᱛᱮ ᱫᱟᱹᱲᱮᱫ ᱡᱚᱱᱛᱨᱚᱭ ᱥᱤᱨᱤᱡᱽ ᱞᱮᱫ ᱛᱟᱦᱮᱸᱫ , ᱡᱟᱦᱟᱸ ᱫᱤ ᱛᱮ ᱠᱟᱹᱨᱜᱟᱹᱲ ᱞᱟᱦᱟᱱᱛᱤ ᱨᱮ ᱱᱟᱶᱟ ᱦᱚᱨᱟᱭ ᱥᱟᱢᱟᱝ ᱞᱮᱫ ᱛᱟᱦᱮᱸᱫ ᱾ ᱜᱞᱟᱥᱜᱚ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱠᱟᱹᱢᱤ ᱠᱟᱱ ᱚᱠᱛᱚ ᱨᱮ ᱵᱷᱟᱯ ᱛᱮ ᱫᱟᱹᱲ ᱡᱚᱱᱛᱨᱚ ᱪᱮᱛᱟᱨ ᱜᱚᱨᱚᱡ ᱦᱮᱡ ᱮᱱᱟ ᱾ ᱩᱱᱤ ᱵᱩᱡᱷᱟᱹᱣ ᱫᱟᱲᱮᱭᱟᱫ ᱛᱟᱦᱮᱸᱫ ᱱᱚᱶᱟ ᱫᱟᱲᱮ ᱥᱟᱧᱪᱟᱣ ᱨᱮ ᱟᱹᱰᱤ ᱜᱟᱲ ᱜᱚᱲᱚᱭ ᱮᱢᱟ ᱢᱮᱱᱛᱮ ᱾ ᱚᱱᱟ ᱛᱟᱭᱚᱢ ᱠᱷᱚᱱ ᱜᱮ ᱟᱡᱟᱜ ᱠᱩᱨᱩᱢᱩᱴᱩ ᱠᱷᱚᱸᱫᱽᱨᱚᱸᱫᱮ ᱪᱷᱩᱴᱟᱹᱣ ᱞᱮᱱ ᱛᱟᱦᱮᱸᱫ, ᱚᱱᱠᱟᱛᱮ ᱢᱩᱪᱟᱹᱫ ᱨᱮ ᱥᱤᱨᱤᱡᱽ ᱦᱚᱸᱭ ᱥᱤᱨᱤᱡᱽ ᱞᱮᱫ ᱛᱟᱦᱮᱸᱫ ᱾ ᱱᱚᱶᱟ ᱡᱚᱱᱛᱨᱚ ᱫᱚ ᱠᱟᱹᱢᱤ ᱨᱮᱱᱟᱜ ᱛᱚᱲ ᱵᱟᱲᱦᱟᱣ ᱥᱟᱶᱛᱮ ᱫᱟᱲᱮ ᱦᱚᱸᱭ ᱥᱟᱧᱪᱟᱣ ᱠᱮᱜ-ᱟ ᱾ ᱚᱱᱟ ᱥᱟᱶᱛᱮ ᱦᱚᱨᱥᱯᱟᱣᱟᱨ ᱨᱮᱱᱟᱜ ᱡᱟᱭ ᱛᱮᱫ-ᱮ ᱯᱟᱱᱛᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱤᱫᱤ ᱛᱮᱜᱮ ᱟᱡᱟᱜ ᱧᱩᱛᱩᱢ ᱞᱮᱠᱟᱛᱮ ᱜᱮ ᱫᱟᱲᱮ(power) ᱨᱮᱱᱟᱜ ᱭᱩᱱᱤᱴ(unit) ᱫᱚ ᱣᱟᱴ ᱠᱚ ᱢᱮᱛᱟᱜ ᱠᱟᱱᱟ ᱾
ᱡᱮᱢᱥ ᱣᱟᱴ ᱫᱚ ᱑᱗᱓᱖ ᱥᱟᱞᱮ ᱨᱮ ᱡᱟᱱᱟᱢ ᱞᱮᱱᱟ ᱜᱨᱤᱱᱚᱠ ᱨᱮ ᱾ ᱟᱯᱟᱛ ᱫᱚ ᱚᱱᱟ ᱱᱟᱜᱟᱨ ᱨᱤᱱᱤᱡ ᱡᱟᱦᱟᱡᱽ ᱢᱟᱹᱞᱤᱠ ᱟᱨ ᱠᱚᱱᱴᱨᱟᱠᱴᱚᱨ(contractor) ᱛᱟᱦᱮ ᱠᱟᱱᱟᱭ ᱾ ᱮᱸᱜᱟᱛ ᱫᱚ ᱟᱜᱽᱱᱤᱥ ᱢᱩᱭᱤᱨᱦᱮᱰ, ᱧᱩᱢᱦᱟᱞᱟᱝ ᱜᱷᱟᱸᱨᱚᱡᱽ ᱠᱷᱚᱱᱮ ᱦᱮᱡ ᱞᱮᱱ ᱛᱟᱦᱮᱸᱫ ᱟᱨ ᱟᱹᱠᱤᱞ ᱜᱮᱭᱟᱱ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱣᱟᱴ ᱟᱡ ᱜᱚᱲᱚᱢ ᱦᱟᱲᱟᱢ , ᱛᱷᱚᱢᱟᱥ ᱣᱟᱴ ᱫᱚ ᱢᱤᱫ ᱮᱞᱠᱷᱟ ᱢᱟᱪᱮᱫ-ᱮ ᱛᱟᱦᱮᱸᱠᱟᱱᱟ ᱾ ᱡᱚᱠᱷᱚᱱ ᱟᱡᱟᱜ ᱵᱚᱭᱚᱥ ᱑᱘ ᱵᱚᱪᱷᱚᱨ ᱜᱟᱱ ᱥᱮᱴᱮᱨᱮᱱᱟ, ᱟᱡ ᱮᱸᱜᱟᱛ ᱫᱚᱭ ᱵᱚᱝᱜᱟ ᱛᱟᱞᱟᱭᱮᱱᱟ ᱾ ᱚᱱᱟ ᱛᱟᱭᱚᱢ ᱠᱷᱟᱱ ᱜᱮ ᱟᱡ ᱟᱯᱟᱛᱟᱜ ᱫᱟᱲᱮ ᱦᱚᱸ ᱜᱚᱥᱚᱢᱚᱥᱚ ᱤᱫᱤᱭᱮᱱᱟ ᱾ ᱣᱟᱴ ᱫᱚ ᱞᱚᱱᱰᱚᱱᱮ ᱪᱟᱞᱟᱣᱮᱱᱟ ᱥᱟᱢᱟᱱ ᱛᱮᱭᱟᱨ (instrument making) ᱪᱮᱫᱚᱜ ᱞᱟᱹᱜᱤᱫ ᱢᱤᱫ ᱥᱮᱨᱢᱟ ᱫᱩᱱ ᱾ ᱚᱱᱟ ᱛᱟᱭᱚᱢ ᱥᱠᱚᱴᱞᱟᱸᱰ ᱛᱮ ᱨᱩᱣᱟᱹᱲ ᱦᱮᱡ ᱮᱱᱟᱭ ᱟᱨ ᱜᱞᱟᱥᱜᱚ ᱧᱩᱛᱩᱢᱟᱱ ᱱᱟᱜᱟᱨ ᱨᱮ ᱡᱤᱭᱚᱱᱮ ᱛᱚᱞ ᱠᱮᱜ-ᱟ, ᱥᱟᱶᱛᱮ ᱚᱸᱰᱮ ᱜᱮ ᱟᱡᱟᱜ ᱥᱟᱢᱟᱱ ᱛᱮᱭᱟᱨ ᱵᱮᱯᱟᱨ ᱫᱚᱭ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱟᱡᱟᱜ ᱛᱮᱭᱟᱨ ᱥᱟᱢᱟᱱ ᱨᱮᱱᱟᱜ ᱞᱟᱜᱟᱛ ᱵᱟᱹᱲᱛᱤ ᱤᱫᱤᱭᱮᱱ ᱠᱷᱟᱱ ᱵᱤᱨᱫᱟᱹᱜᱟᱲ ᱨᱤᱱ ᱯᱩᱨᱩᱫᱷᱩᱞ ᱢᱟᱪᱮᱫ ᱠᱚ ᱚᱸᱰᱮ ᱢᱤᱫ ᱣᱟᱨᱠᱥᱚᱯ (workshop) ᱵᱮᱱᱟᱣ ᱞᱟᱹᱜᱤᱫ ᱫᱟᱣ ᱠᱚ ᱮᱢᱟᱫ ᱫᱮ ᱛᱟᱦᱮᱸᱫ ᱾ ᱮᱛᱚᱦᱚᱵ ᱫᱚ ᱥᱟᱢᱟᱱ ᱡᱩᱛ ᱵᱟᱲᱟ ᱠᱟᱹᱢᱤ ᱠᱚ ᱮᱢᱟᱫ ᱫᱮ ᱛᱟᱦᱮᱸᱫ, ᱡᱟᱦᱟᱸ ᱠᱚ ᱚᱱᱟ ᱵᱤᱨᱫᱟᱹᱜᱟᱲ ᱨᱮ ᱥᱮᱪᱮᱫ ᱠᱚ ᱞᱟᱹᱜᱤᱫ ᱫᱚᱦᱚ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱑᱗᱕᱙ ᱥᱟᱞᱮ ᱨᱮ ᱡᱚᱱ ᱠᱨᱮᱜᱽ ᱥᱟᱶ ᱜᱟᱛᱮ ᱠᱟᱛᱮ ᱢᱤᱫ ᱥᱟᱢᱟᱱ ᱛᱮᱭᱟᱨ ᱟᱨ ᱚᱱᱟ ᱠᱚ ᱵᱮᱯᱟᱨ ᱞᱟᱹᱜᱤᱫ ᱠᱤᱱ ᱠᱩᱨᱩᱢᱩᱴᱩ ᱠᱮᱜ-ᱟ ᱥᱮᱨᱮᱧ ᱥᱟᱢᱟᱱ ᱟᱨ ᱮᱱᱮᱡ ᱡᱚᱝᱟᱜ ᱠᱚ ᱾ ᱟᱹᱠᱤᱱᱟᱜ ᱵᱮᱯᱟᱨ ᱫᱚ ᱛᱩᱨᱩᱭ ᱪᱟᱸᱫᱚ ᱜᱟᱱ ᱪᱟᱣᱟᱣᱮᱱᱟ ᱟᱨ ᱜᱮᱞ ᱛᱩᱨᱩᱭ ᱦᱚᱲ ᱜᱟᱱ ᱠᱟᱹᱢᱤᱭᱟᱹ ᱦᱚᱸ ᱠᱤᱱ ᱫᱚᱦᱚ ᱠᱮᱫ ᱠᱚᱣᱟ ᱾
ᱣᱟᱴ ᱟᱨ ᱠᱤᱴᱞᱤ ᱫᱚ ᱟᱡᱟᱜ ᱡᱤᱭᱚᱱ ᱨᱚ ᱡᱚᱯᱚᱲᱟᱣ ᱠᱟᱷᱟ ᱠᱟᱹᱦᱱᱤ ᱠᱟᱱᱟ ᱾ ᱣᱟᱴ ᱫᱚ ᱠᱤᱴᱞᱤ ᱨᱮ ᱦᱮᱰᱮᱡᱚᱜ ᱠᱟᱱ ᱧᱮᱞᱛᱮ ᱟᱨ ᱚᱱᱟ ᱨᱮᱱᱟᱜ ᱵᱷᱟᱯ ᱴᱚᱯᱟᱨ ᱰᱷᱟᱹᱯᱱᱤᱭ ᱴᱷᱮᱞᱟᱣᱮᱫ ᱛᱟᱦᱮᱸᱫ, ᱚᱸᱰᱮ ᱠᱷᱚᱱ ᱜᱮ ᱵᱷᱟᱯ ᱨᱮᱱᱟᱜ ᱢᱤᱫ ᱫᱟᱲᱮ ᱧᱮᱞ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱱᱚᱶᱟ ᱠᱟᱹᱦᱱᱤ ᱟᱹᱰᱤ ᱦᱚᱲ ᱟᱹᱰᱤ ᱞᱮᱠᱟ ᱠᱚ ᱞᱟᱹᱭᱟ , ᱚᱠᱚᱭ ᱫᱚ ᱠᱚ ᱢᱮᱱ ᱟᱡᱟᱜ ᱜᱩᱫᱽᱨᱟᱹ ᱵᱮᱲᱟ ᱠᱟᱛᱷᱟ ᱚᱠᱚᱭ ᱫᱚ ᱠᱚ ᱢᱮᱱᱟ ᱥᱮᱬᱟ ᱠᱟᱛᱮ, ᱚᱠᱚᱭ ᱫᱚ ᱠᱚ ᱢᱮᱱᱟ ᱟᱡ ᱟᱭᱚᱣᱟᱜ ᱠᱮᱴᱞᱤ ᱟᱨ ᱚᱠᱚᱭ ᱫᱚ ᱟᱡ ᱦᱛᱚᱢᱟᱜ ᱠᱮᱴᱞᱤ ᱧᱮᱞᱛᱮ, ᱮᱢᱟᱱ ᱮᱢᱮᱱ ᱾ ᱣᱟᱴ ᱫᱚ ᱵᱷᱟᱯ ᱤᱧᱡᱤᱱ ᱫᱚ ᱵᱟᱭ ᱵᱮᱱᱟᱣ ᱞᱮᱫ ᱛᱟᱦᱮᱸᱫ, ᱢᱮᱱᱠᱷᱟᱱ ᱚᱱᱟ ᱢᱟᱨᱮ ᱵᱷᱟᱯ ᱤᱧᱡᱤᱱ ᱨᱮᱱᱟᱜ ᱫᱟᱲᱮ ᱨᱮ ᱵᱚᱫᱚᱞᱮ ᱟᱹᱜᱩ ᱞᱮᱫ ᱛᱟᱦᱮᱸᱫ ᱾
This article uses material from the Wikipedia ᱥᱟᱱᱛᱟᱲᱤ article ᱡᱮᱢᱥ ᱣᱟᱴ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.